HOT STORIES OF THE WEEK

Binanatan at tinawag na sinungaling ni Pangulong Rodrigo Duterte si Vice President Leni Robredo.

Ito ay kasunod aniya ng paghahanap sa kanya ng pangalawang pangulo sa kasagsagan ng pananalasa ng Bagyong Rolly at Ulysses kung kailan nag-trending din ang #NasaanAngPangulo.

Sa kanyang lingguhang ulat sa bayan, sinabi  Pangulong Duterte na hindi siya natutulog noong araw na tumama ang Bagyong Ulysses.

Ayon kay Pangulong Duterte, dumalo siya sa virtual ASEAN Summit noong nabanggit na araw at sa kabila aniya nito ay nakamonitor pa rin siya sa sitwasyon.

I would like to give a caution to the Vice President. She made a blunder, a big one, and she practically lied, making her incapable of truth. Iyong pakana niya na wala ako noong bagyo, I was here. I was attending the ASEAN Summit,” ani Pangulong Duterte.

Kasabay nito, binatikos din ng pangulo ang aniya’y pagbibigay ng utos ni Robredo sa Armed Forces of the Philippines para sagipin ang mga biktima ng malawakang pagbaha sa Cagayan at Isabela.

Binigyang diin pa ng pangulo na hindi na kailangan niyang maglabas ng utos sa mismong panahon ng pananalasa ng bagyo dahil una na aniyang nakaposisyon ang mga ahensiya at kagamitan.

Hindi mo na kailangan orderin ‘yan sila kasi two days before, deployed na ‘yan sila doon,” ani Pangulong Duterte.

Magugunitang sa magkakasunod na Twitter post ni Tobredo noong Biyernes, nagbibigay ito ng update hinggil sa sitwasyon ng mga na-trap na residente sa Cagayan na humihingi ng tulong.

Duterte sakaling tumakbo sa pagka-pangulo si Robredo: ‘This is your nightmare’

Nagbanta si Pangulong Rodrigo Duterte laban kay Vice President Leni Robredo, oras na magpasiya itong tumakbo sa pagka-pangulo sa susunod na halalan.

Ayon kay Pangulong Duterte, marami siyang nais sabihin kay Robredo pero kanya na lamang itong irereserba sa panahon ng kampanya.

Sinabi pa ng pangulo, wala aniyang ginawa si Robredo kundi ang magpaganda ng imahe at magtawag lamang ng tulong.

During the campaign, papaalis na ako. Sige subukan mo. Matagal na ako maraming gusto sabihin sayo. Ireserba ko. When you start your campaign pag magtakbo ka ng presidente, waswasan kita nang husto. This is your nightmare,” ” ani Pangulong Duterte.

Nagbabala rin si Pangulo Duterte sa bise presidente na huwag magsimula ng away o pakikipag-kumpetensiya sa kanya.

Do not compete with me. Do not start a quarrel with me,” ani Pangulong Duterte.

Binisita ni Pangulong Rodrigo Duterte ang lalawigan ng Cagayan para alamin ang sitwasyon sa lugar na matinding binaha bunsod ng Bagyong Ulysses.

Pasado alas-12 ng kaninang tanghali nang lumapag ang presidential chopper sakay ang pangulo sa Tuguegarao Airport kasama si Sen. Christopher ‘Bong’ Go.

Bago ito, nagsagawa muna ng aerial inspection ang pangulo sa mga lalawigan ng Cagayan at Isabela na nakaranas ng pagbaha matapos magpakalawa ng tubig ang Magat Dam.

Agad namang pinulong ng pangulo ang iba’t ibang ahensya ng pamahalaan at tiniyak nito sa mga Cagayanon na ginagawa ng gubyerno ang lahat upang maibalik sa normal ang sitwasyon.

To my countrymen here in Cagayan Valley, rest assured that we are working hard to rebuild your lives after this calamity. We know your anguish and we will respond with urgency with the bayanihan spirit of the Filipino. To my fellow countrymen we will break all the challenges ahead and emerged a stronger nation. ani Duterte

Isinailalim na sa state of calamity ang Marikina matapos bayuhin ng Bagyong Ulysses.

Ayon kay Marikina City Mayor Marcelino Teodoro, ang hakbang ay para mabigyan ng pagkakataon ang mga taga-Marikina na makabawi sa hirap at pinsalang nararanasan nila ngayon.

Sinabi ni Teodoro na maraming residente ng Marikina ang naapektuhan, hindi lamang ng baha dulot ng Bagyong Ulysses, kun’di ng coronavirus disease 2019 (COVID-19) pandemic.

Dahil sa deklarasyon ng state of calamity, magagamit ng local government ang calamity fund nito para maayudahan ang mga apektadong residente.

Binaha ang malaking bahagi ng Marikina matapos umapaw ang tubig sa Marikina River dahil sa malakas na buhos ng ulan dulot ng Bagyong Ulysses.

Bagamat bumaba na ang baha, inihayag ni Teodoro  na suspendido pa rin hanggang Martes ng susunod na linggo ang online at distance learning classes.

Kasabay nito, ipinabatid ni Teodoro na magpapadala sila ng mga doktor sa mga barangay para i-check ang kalusugan ng mga residente.

Itinalaga ng Pangulong Rodrigo Duterte si NCRPO Director Police Major General Debold Sinas bilang susunod na Philippine National Police (PNP) Chief.

Ipinabatid ito ni Presidential Spokesman Harry Roque na nagsabing kaagad magsisimula ng kaniyang tungkulin si Sinas bukas, na opisyal na pagreretiro ni PNP Chief General Camilo Cascolan.

Sinabi ni Roque na napabilib ni Sinas ang Pangulong Duterte sa malaking kontribusyon nito sa war on drugs campaign ng gobyerno na pangunahing factor din kaya’t itinalaga ito bilang PNP chief.

Tinalaga po ni President Rodrigo Duterte si Debold Sinas bilang bagong Philippine National Police chief effective po bukas, November 10,” ani Roque.

Magugunitang nasangkot si Sinas sa ‘mañanita’ party sa pagdiriwang nito ng kaniyang kaarawan, dahil sa kawalan ng physical distancing.

Mas pabor sa Pilipinas kung si U.S. President Donald Trump pa rin ang mananatiling pangulo ng Amerika.

Ayon ito kay political analyst Professor Clarita Carlos, dahil sa mga efforts ni Trump partikular sa claim ng bansa sa West Philippine Sea at iba pang usapin na may pakinabang ang bansa.

Sinabi pa sa DWIZ ni Carlos na maaaring maging bahagi rin ang Pilipinas nang binuhay ni Trump ng quadrilateral alliance nito ng Australia, Japan at India.

Ito talaga ang, as I said, talagang nag-coincide ang interes nila atsaka interes natin, which is good for us. Si Trump din ang bumuhay sa quadrilateral alliance nila ng Australia, Japan, India and the US. And  most probably, we are going to join that grouping when it expands… A Trump presidency will be good for us,” ani Carlos. —sa panayam ng Santos at Lima sa 882

Kinumpirma ni Senador Christopher “Bong” Go na may ‘go’ signal na si Pangulong Rodrigo Duterte para imbestigahan ang Philippine Ambassador sa Brazil na umano’y nangmaltrato ng Pinay na kasambahay.

Ayon kay Go, inaprubahan ng pangulo ang rekomendasyon ni Foreign Affairs Secretary Teodoro Locsin Jr. na imbestigahan si Ambassador Marichu Mauro.

Ito ay dahil sa sa bigat ng mga paratang laban sa Ambassador.

Sinabi ni Go na nais ng pangulo na laging isulong ang proteksyon, karapatan at maayos na kalayagan ng mga Pilipino sa ibang bansa at katungkulan aniya ng mga Ambassador na ito ay ipatupad.

Isasagawa ang imbestigasyon ay alinsunod sa sa foreign service act of 1991.

Giit ni Go, dapat maging patas ang imbestigasyon para lumabas ang katotohanan  at mapanagot sakaling mapagtunayan ang pangmamaltrato

Inaasahan anyang nasa bansa na si Ambassador Mauro sa ika-2 ng Nobyembre  para harapi. ang imbestigasyon.

Sinabi pa ni Go na bukas ang kanyang tanggapan  para tumulong sa minaltratong kasambahay. —ulat mula kay Cely Ortega-Bueno (Patrol 19)

Pinalawig pa ni Pangulong Rodrigo Duterte ang pag-iral ng general community quarantine (GCQ) sa Metro Manila.

Sa mensahe sa bayan ng pangulo ngayong Martes, inianunsyo nito na mananatili sa GCQ ang Metro Manila mula ika-1 hanggang sa katapusan ng Nobyembre.

Iiral din ang GCQ sa mga sumusunod na lugar:

• Batangas
• Iloilo City
• Bacolod City
• Tacloban City
• Iligan City
• Lanao del Sur

Ayon kay Pangulong Duterte, nakadepende pa rin naman sa mga lokal na pamahalaan ng bawat lugar kung iaapela nila ang kung ano ang sa tingin nila ay mas makabubuting quarantine classifications sa kanilang mga nasasakupan.

Samantala, sa pinakuhuling tala ng Department of Health (DOH) kahapon, ika-26 ng Oktubre, pumalo na sa 371,630 ang kabuuang bilang ng mga kaso ng coronavirus disease 2019 (COVID-19) sa bansa kung saan, 328,258 sa mga ito gumaling na habang 7,039 ang mga nasawi.

Nagpasalamat ang kampo ng aktres na si Liza Soberano sa pamunuan ng National Task Force to End Local Communist Armed Conflict (NTF-ELCAC).

Sa panayam ng DWIZ, sinabi ni Lt. General Antonio Parlade Jr., tagapagsalita ng NTF-ELCAC, na nagpasalamat ang abogado ni Liza Soberano kay Perlade matapos niyang balaan ang aktres sa tunay na motibo ng Gabriela na siyang pinapatakbo ng makakaliwang grupong Malayang Kilusan ng Bagong Kababaihan (MAKIBAKA).

Nagulat din aniya ang pamilya ng aktres sa masamang gawi ng naturang grupo.

Tumawag sa akin si Atty. Lim, nagpasalamat sya. Ininform lang kami, ‘Sir, maraming salamat doon sa impormasyon na shinare niyo.’. Nakarating sa kanila doon at nagwo-worry nga ‘yung family kasi bakit sya bina-bash? Ano ba ang Gabriela? Nagulat ‘yung pamilya. So, doon nila naintindihan noong mag-share ako ng post at nakita nila ‘yung mga picture ng mga Gabriela youth na namatay sa engkwentro, doon nila naintindihan, mali pala ‘yung pinasok na webinar,” ani Parlade.

Paliwanag ni Parlade, walang masama sa adbokasiya ni Soberano, pero ang mali lamang ay ang grupong binahagian nito ng kanyang pananaw sa isang ginanap na webinar.

Talagang target kasi, ani Parlade, ng Gabriela at iba pang mga makakaliwang grupo ang mga kilalang personalidad gaya ni Soberano, dahil umaasa ang mga itong marami pang maiimpluwensyahan.

‘Yung Gabriela na ito, tinitingnan nila ‘yung personalities, ano ‘yung mga advocacies nila and then sasakyan nila, then hihilahin nila, ganoon sila mag-recruit. Nakaktakot ‘yung marecruit nila mga celebrities, kasi maraming followers ito,” ani Parlade.

Kaugnay nito, ani Parlade, welcome at walang masama sa paghahayag ng adbokasiya o kahit pa man maging kritiko ng pamahalaan, basta’t ito’y sa tamang pamamaraan lamang at hindi idaraan o maiipluwensyahan ng mga terorista o makakaliwang grupo.

To be critical about the government, that’s welcome, very specific sa anti-terror law, itong bagong batas na ito, hindi ipinagbabawal na maging aktibista ka, maging kritiko ka ng gobyerno, no, that’s welcome, that’s part of our democratic space. Kaya lang, ang iniiwasan natin doon, lalong lumalim ‘yung mga sinisigaw… ang isisigaw mo na ngayon ay sumali sa rebolusyon, that’s another thing,” ani Parlade.

Kasunod nito, ani Parlade, tiwala naman siyang hindi aanib ang mga kilalang personalidad sa mga makakaliwang grupo dahil batid niyang matatalino ang mga ito.

Ang importante doon, the knowledge about this organization. Actually, it’s also part of the anti-terror law. For you to be tagged or to be part of an organization, you have specific knowledge that these organizations are, or is, a terrorist organization, at kapag ikaw ay sumali, magiging liable ka,” ani Parlade. —sa panayam ng Santos at Lima sa 882