Nagpataw ng panibagong sanctions ang Estados Unidos at ilan pang mga bansa laban sa Russia.
Kasunod ito ng full-scale invasion ng russia sa Ukraine.
Tinukoy ni us President Joe Biden si Russian president Vladimir Putin na isang ”aggressor.”
Aniya, haharapin ni Putin at ng kanyang bansa ang mga consequence na makakaapekto sa kanilang ekonomiya.
Sinabi pa ni Biden na katuwang niya ang mga kasapi ng european union, at ilan pang kaalyadong bansa.
Inihayag ni foreign secretary Teodoro Locsin Jr. na bibiyahe siya patungong border ng Ukraine ngayong araw upang matiyak ang seguridad ng mga Pilipino doon at personal na masaksihan ang ikinakasang relocation at repatriation.
Una rito, sinabi ni Locsin na pumayag ang Poland na tanggapin ang mga Pinoy na mula Ukraine kahit walang visa.
Nasa 380 mga Pilipino ang naninirahan sa Ukraine, kung saan karamihan ay nananatili sa Kyiv.
Una nang inihayag ng malakanyang na prayoridad ng gobyerno ang kaligtasan ng lahat ng Pinoy sa Ukraine.
Nakapasok na sa loob ng kapital ng Ukraine na Kyib ang Russian saboteurs.
Ito ang inihayag ni Ukraine president Volodymyr Zelenskyy, ngunit hindi nito binanggit kung may kasama ang mga puwersang Russia na mga opisyal at mamamayan mismo ng Ukraine.
Aniya, nais ng mga Russian saboteur na pabagsakin ang pamahalaang Ukraine, kasama ang pamunuan ng militar nito para palitan ang pamunuan ng nasabing bansa.
Sinabi rin ni Zelensky, na unang target siyang kunin at pangalawa ang kanyang pamilya ng mga saboteur.
Sa ngayon, nananatili pa rin si Zelensky sa Kyiv at sinabing patuloy na pamumunuan ang bansa laban sa mga Russian, kasabay ng pagpapairal ng curfew sa lyiv at martial law sa buong bansa.
Samantala, patuloy namang nananawagan ang Ukraine sa mga kaalyadong bansa gaya ng United States, United Kingdom, European Union, at North Atlantic Treaty Organization (NATO) para tulungan sila sa pamammagitan ng pagpapadala ng mga puwersa-militar.
Ngunit takot umano lahat ng nasabing bansa na umapak sa pagitan ng Ukraine at laban nito sa Russia.
Nakatakdang dumating ngayong araw sa bansa ang 4 na Pilipino mula sa bansang Ukraine.
Ito ay kasunod ng naunang 6 na Pinoy na umuwi ng Pilipinas para sa voluntary repatriation sa harap ng patuloy na tensyon sa Ukraine.
Sinabi ng Department of Foreign Affairs (DFA) undersecretary Sarah Lou Arriola, ngayong araw ang nakatakdang pagdating ng 4 pa nating kababayan sa Manila na umalis sa Kyiv.
Nabatid na nasa 181 Pilipino sa Ukraine ang nakikipag-ugnayan na sa konsulada.
Mahigit 400 naman na mga Pinoy ang nasa Ukraine ngayon kung saan karamihan dito ay household service workers.
Kinondena ni US President Joe Biden ang full-scale invasion o pananakop ng Russia sa Ukraine.
Kasunod ito ng pagdeklara ni Russian President Vladimir Putin na kanilang sisimulan ang special military operation sa Ukraine anomang oras.
Agad naman itong pinuna ng ilang lider ng bansa kabilang na ang Estados Unidos, United Kingdom at Germany.
Ayon kay Biden, pananagutin ng buong mundo ang Russia sa idinulot nitong pinsala at pagkasawi ng mga tao sa Ukraine.
Nanindigan naman ang Ukraine na gagawin nila ang lahat para ipaglaban ang kanilang bansa kung saan, nagdeklara na ng Martial Law si Ukrainian President Volodymyr Zelenskyy.
Sa ngayon, nagpapatuloy ang giyera sa pagitan ng dalawang bansa kung saan, kinumpirma ng Ukrainian military na pitong Russian planes na ang kanilang napatumba sa bahagi ng Luhansk Region. —sa panulat ni Angelica Doctolero
Nagawang mapabagsak ng Ukrainian Military ang pito sa mga eroplano at helicopter ng Russia na sumalakay at namomba sa teritoryo ng Ukraine.
Ayon sa Army General Staff ng Joint Forces Command, nabaril ng Ukranian military ang mga sasakyang panghimpapawid ng Russia sa lugar ng Joint Forces Operation.
Kasunod ito ng pag-apruba ni Russian President Vladimir Putin hinggil sa malawakang pananakop ng kanilang bansa kung saan, halos 200 sundalo ang namataang nakapuwesto sa borders ng Ukraine.
Sa ngayon, patuloy na dumidipensa ang Ukrainian Military laban sa pananakop ng Russia. —sa panulat ni Angelica Doctolero
Tuluyan nang pinutol ni Ukranian President Volodymyr Zelenskyy ang diplomatic relations ng kanilang bansa sa Russia matapos pahintulutan ni Russian President Vladimir Putin ang pagsalakay ng kanilang hukbo sa pamamagitan ng mga sasakyang pang-lupa, pang-dagat at pang-himpapawid.
Binasag ni Ukranian President Zelenskyy diplomatikong relasyon ng Kyiv sa Moscow bilang sagot sa pananakop ng Russia.
Ito ang unang beses na naputol ang ugnayan ng dalawang bansa mula nang maging independent countries ang Russia at Ukraine kasunod ng pagbagsak ng Soviet Union noong 1991.
Nabatid na nagsimula ang mga pag-atake matapos sabihin ni Putin sa isang pahayag sa telebisyon na kaniyang inaprubahan ang “special operation ng mga militar”.
Tiniyak ni Zelenskyy na sapat ang resources ng Ukraine para dipensahan ang kanilang bansa mula sa malawakang pag-atake ng Russia.
Bukod pa dito, nangako rin si Zelenskyy sa mga ukrainian at iba pang dayuhan na nasa kanilang bansa na aalisin nito ang mga sanction sa kahit na sino na handang sumabak sa territorial defense. —sa panulat ni Angelica Doctolero
Pinayuhan ng Department of Foreign Affairs (DFA) ang mga pilipinong nagtatrabaho sa Ukraine na maging kalmado sa kabila ng sunod-sunod na pananakot at pamomomba ng Russia.
Ayon kay DFA Secretary Teodoro Locsin Jr., nakahanda ang pamahalaan ng Pilipinas para magbigay ng tulong sa mga Overseas Filipino Workers (OFW) na karamihan ay nagtatrabaho sa Kyiv, Ukraine.
Layunin ng pamahalaan na mailigtas ang mga Pinoy sa Ukraine at maiuwi na ng bansa.
Sinabi ni Locsin na nakiusap na sila sa Poland Government na papasukin ang nasa 380 Pinoy sa kanilang bansa mula sa Ukraine kahit walang visa.
Nagpaalala naman ang DFA sa mga Pilipino na nasa Ukraine na makipag-ugnayan sa Philippine Embassy sa Poland o Philippine Consular Team sa Kyiv para madali silang mahanap kung sakaling isagawa ang mandatory evacuation. —sa panulat ni Angelica Doctolero
Umabot na sa mahigit 100 ang patay sa mga unang oras ng paglusob ng Russia sa Ukraine.
Kinumpirma ng Ukrainian Defense Ministry na nasa 40 sundalo ang nalagas sa kanilang hanay, bukod sa mahigit 10 sibilyan na nasawi.
Tinatayang 50 sundalong Russo naman ang napatay habang hindi pa mabatid ang bilang ng nasugatan.
Mula sa iba’t ibang direksyon, inilunsad ng Russia ang pag-atake sa kabisera na Kiev; mga lungsod ng Kharkiv, Mariupol at Odessa, sa pamamagitan ng kanilang ground, naval at air forces.
Pinabagsak naman ng Ukrainian Military ang pito sa mga eroplano at helicopter ng Russia. —sa panulat ni Angelica Doctolero
Nanawagan si Ukrainian President Volodymyr Zelensky sa mga sibilyang edad 18 hanggang 60 na boluntaryong lumaban para sa kanilang bansa sa gitna ng pag-atake ng Russia.
Tiniyak ni Zelensky na magbibigay ng armas ang Ukrainian Government sa sinumang makikiisa sa pagtatanggol sa bansa.
Nanawagan din ang pangulo ng Ukraine ng blood donation para sa mga nasusugatang sundalo at sibilyan.
Kabilang sa mga prayoridad na depensahan ang kabisera na Kyiv. —sa panulat ni Mara Valle