HOT STORIES OF THE WEEK

Inihayag ng mga bansang South Korea at Japan na muling nagpakawala ng umano’y ballistic missile ang North Korea.

Batay sa ulat ng South Korea’s Joint Chiefs of Staff (JCS) South Korea’s Joint Chiefs of Staff (JCS), nagpaputok ang North Korea sa karagatan ng east coast ng Sunan malapit sa Pyongyang’s international airport.

Tinatayang aabot sa 620 kilometers ang taas ng missile na may layong 300 kilometro.

Ayon sa mga analyst, posibleng medium-range ballistic missile ang pinakawala ng nasabing bansa. —sa panulat ni Abie Aliño-Angeles

Nakatakdang ianunsyo ng pamahalaan ang bagong Alert Level status sa National Capital Region (NCR) at ilan pang lugar sa bansa, bukas Pebrero a-28.

Ayon kay Department of the Interior and Local Government (DILG) Secretary  Eduardo Año, bago nila ito anunsyo ay kailangang aprubado ni Pangulong Rodrigo Duterte.

Maliban dito, pagtitibayin din bukas ang ginagawang draft ng the Inter-Agency Task Force (IATF) para sa mga papayagang aktibidad sa ilalim ng Alert Level 1.

Sa oras na mapagtibay na ang guidelines, si Presidential Spokesperson Karlo Nograles na ang magpapaabot nito sa publiko sa pamamagitan ng regular na Laging Handa briefing.

Una nang inihayag ni Nograles na bago ibaba sa Alert Level  ang isang lugar basta’t naabot na ang mga sumusunod na criteria.

-              Dapat nasa low hanggang minimal risk classification na sa COVID-19

-              Mas mababa na sa limampung porsyento ang kabuuang bed utilization rate

-              Fully vaccinated na ang pitumpung porsyento sa target population nito

-              At fully vaccinated na ang nasa walumpung porsyento ng residente nitong nasa Priority Group A2 o senior citizen. —sa panulat ni Abie Aliño-Angeles

Handa na ang mga Pilipino sa Russia sa posibleng worst-case-scenario bunsod ng gulo sa pagitan ng Russia at Ukraine.

Bagama’t hindi ramdam ang giyera sa Moscow, mahigpit na seguridad pa rin ang ipinapatupad sa bansa.

Sa ngayon, ilang paaralan na ang ipinasara dahil sa bomb threat matapos ilang Ukrainian National ang nahuli na planong mamomba.

Pero sa kabila ng nangyari, patuloy ng pakikipag-ugnayan ng Philippine Embassy sa mga Pinoy sa Russia at humiling ng panalangin para matigil na ang gulo.—sa panulat ni Abby Malanday

Nagresulta ng pagkaunti ng isdang naha-harvest ang ‘overfishing’ na ginagawa ng mga barko ng China sa West Philippine Sea.

Ayon kay Edicio Dela Torre, presidente ng Philippine Rural Reconstruction Movement (PRRM), nangungunang rason ang mga aksyon ng China kung bakit kulang ang suplay ng isda sa bansa.

Matatandaang una nang inaprubahan ng Department of Agriculture (DA) ang pag-aangkat ng 60,000 metrikong toneladang isda kasama na ang galunggong, upang mapasigla ang suplay.

Ibinase ito pangangailangan ng bansa at epekto ng bagyong Odette sa iba’t-ibang sektor.—sa panulat ni Abby Malanday

Umakyat na sa 140 ang bilang ng mga overseas filipino workers (OFWs) sa Hong Kong na nagpositibo sa Covid-19.

Ayon kay Hong Kong Labor Attaché Melchor Dizon ng Philippine Overseas Labor Office (POLO), 134 dito ay nasa isolation 6 ang bumalik sa trabaho matapos makarekober.

63 namang ofws ang nasa bahay ng kanilang employer, 18 ang nasa quarantine facilities, 18 ang nasa boarding house, dalawa sa hotel facilities at 12 sa hospital isolation. —sa panulat ni Abby Malanday

Mahigit 40 Pilipino na ang lumikas sa Kyiv, Ukraine na patungo sa kanlurang lungsod ng Lviv para sa inihahandang repatriation.

Ayon sa Department of Foreign Affairs (DFA), mas maraming pilipino ang inaasahang darating sa Lviv sa mga susunod na araw sa gitna ng mas matinding sigalot sa pagitan ng Russia at Ukraine.

Samantala, tiniyak ni Philippine Ambassador to Warsaw Leah Basinang-Ruiz na nakahanda ang embahada na tulungan ang mga gustong umalis ng Ukraine at bumalik sa Pilipinas.

Gayunpaman, tiniyak ng ambassador, patuloy silang nakikipag-ugnayan sa DFA’s Office of the Undersecretary for Migrant Workers’ Affairs (OUMWA) para magbigay ng tulong sa mga Pilipinong apektado ng krisis. —sa panulat ni Kim Gomez