HOT STORIES OF THE WEEK

Tiniyak ng Commission on Elections na hindi makakaapekto sa preparasyon ng May 9 elections ang nangyaring anomalya sa nakatakda sanang presidential at vice presidential townhall debates.

Ito ay matapos irekomenda ng ilang opisyal ng COMELEC sa pangunguna ni Commissioner Rey Bulay ang pansamantalang pag-alis sa mga direktor ng Comelec Education in Information Department na sina James Jimenez at Frances Arabe.

Ayon kay COMELEC Commissioner George Garcia, tanging si Comelec Chairman Saidamen Pangarungan ang magdedesisyon sa mungkahi ni Bulay.

Pero sa ngayon daw ay sa nalalapit na eleksyon nakatuon ang kanilang atensyon dahil may panahon para iresolba ang ibang bagay gaya ng nangyaring anomalya sa debate.

Nakikiusap sa Commission on Elections ang ilang Filipino voters sa Canada na tanggapin at bilangin pa rin ang kabilang mail-in ballots sakaling matanggap ito ng konsulada na lagpas na sa May 9 deadline.

Ayon kay Koalisyon Kontra Daya (KKD) Canada coalition spokesperson Marissa Corpus, huli na rin kasi nang na-i-mail out ang mga balota na dahilan para huli na silang makaboto.

Aniya, ang kanilang panawagan ay isang serious concern at tuloy-tuloy lamang sila sa pag-follow up hanggang sa makatanggap na sila ng sagot mula sa awtoridad.

Nabatid na ang Canada ang isa sa sampung bansa na may pinakamaraming rehistradong botanteng Pinoy.

Isasailalim pa rin sa Alert level 1 ang Metro Manila at iba pang lugar sa bansa simula bukas, Mayo a-1 hanggang a-15.

Sa kabila ito ng posibleng COVID-19 surge pagkatapos ng May 9 elections.

Ayon kay Acting Presidential Spokesman Martin Andanar, kabilang dito ang mga sumusunod;

Sa Cordillera Administrative Region: ang Abra, Apayao, Kalinga, Mountain Province, at Baguio City;

Sa Region I: Ilocos Norte, Ilocos Sur, La Union, Pangasinan, at Dagupan City;

Sa Region II: Batanes, Cagayan, Isabela, Quirino, at City of Santiago;

Sa Region III: Aurora, Bataan, Bulacan, Nueva Ecija, Pampanga, Tarlac, Zambales, Angeles City, at  Olongapo City;

Sa Region IV-A: Batangas, Cavite, Laguna, Rizal, at Lucena City;

Sa Region IV-B: Marinduque, Oriental Mindoro, Romblon, at Puerto Princesa City; at

Sa Region V: Albay, Catanduanes, Naga City.

sa Visayas, ang mga lugar sa isasailalim sa Alert Level 1 ay ang mga sumusunod;

sa Region VI; Aklan, Capiz, Guimaras, Iloilo Province, Bacolod City, at Iloilo City;

sa Region VII: Siquijor, Cebu City, Lapu-Lapu City, at Mandaue City

sa Region VIII: Biliran, Eastern Samar, Southern Leyte, Ormoc City, at Tacloban City;

gayundin sa Mindanao sa Region IX ang Zamboanga City;

sa Region X: Camiguin, Bukidnon, Misamis Oriental, Cagayan De Oro City, at Iligan City;

sa Region XI: Davao City; at

sa Caraga: Surigao Del Sur at Butuan City.

Ang mga lugar naman na isasailalim sa Alert level 2 simula rin bukas hanggang Mayo a-15 ng walang prejudice mula sa kanilang siyudad at munisipalidad ay ang mga sumusunod;

• Benguet
• Ifugao
• Nueva Vizcaya
• Quezon Province
• Occidental Mindoro
• Palawan
• Camarines Norte
• Camarines Sur
• Masbate
• Sorsogon
• Antique
• Negros Occidental
• Bohol
• Cebu
• Negros Oriental
• Leyte
• Northern Samar
• Western Samar
• City Of Isabela
• Zamboanga Del Sur
• Zamboanga Del Norte
• Zamboanga Sibugay
• Lanao Del Norte
• Misamis Occidental
• Davao Del Norte
• Davao Del Sur
• Davao Oriental
• Davao De Oro
• Davao Occidental
• General Santos City
• North Cotabato
• Sarangani
• Sultan Kudarat
• South Cotabato
• Agusan Del Norte
• Agusan Del Sur
• Dinagat Islands
• Surigao Del Norte
• Basilan
• Cotabato City
• Lanao Del Sur
• Maguindanao
• Sulu
• Tawi-Tawi

Umakyat pa sa 137, 287 trabaho sa Pilipinas at sa abroad ang naghihintay para sa mga aplikante sa 66 na fair sites sa buong bansa.

Gaganapin ito bukas bilang paggunita ng ika-120 Labor Day sa bansa.

Ayon sa Department of Labor and Employment (DOLE), 900 employers ang kasama sa programa na mag-aalok ng 87, 175 local jobs at 47, 142 overseas jobs.

Karamihan sa mga job vacancies ang Business Process Outsourcing, Manufacturing, Retail o Sales Industry, Production o Machine Operator, Customer Service Representatives, Sales Agents, Promodisers at iba.

Kabilang naman sa mga trabahong alok ng ibang bansa ang Nurse, Karpintero, Foreman, Welder, Food Server, Household Service Worker at Auditor.

Nakapagtala ang Department of Health (DOH) ng 184 bagong kaso ng COVID-19 kahapon.

Batay sa pinakahuling datos ng DOH, nasa 3, 685, 403 na ang kabuuang kaso sa bansa.

Bumaba naman sa 8, 389 ang aktibong kaso o yung mga nagpapagaling, pinakamababang naitala ngayong taon.

Ang mga rehiyong nanguna sa nakapagtala ng bagong kaso ay ang; NCR na may 1, 020, Region 4-A na may 391 at Region 3 na may 231.

Umakyat naman sa 3, 616, 709 ang kabuuang bilang ng gumaling at 60, 305 ang mga nasawi dahil sa COVID-19.

Siyam na Pilipino na lamang sa Shanghai sa China ang nasa isolation dahil sa pagkahawa sa COVID-19.

Ayon kay Josel Ignacio, Philippine Consul General to Shanghai, 19 ang orihinal na bilang ng mga nahawa.

Pero na-discharge na ang 10 Pilipino kaya siyam na lamang ang aktibong kaso.

Sa ngayon, naka-lockdown na ang ilang siyudad sa China bilang pagpigil sa nagpapatuloy pagkalat ng virus.

Kabilang sa pinaka-apektado ang Shanghai na tinitirahan ng nasa 4K Pilipino.

Inaasahan ng Department of the Interior and Local Government (DILG) na mareresolbahan ng Commission on Elections (COMELEC) ang mga reklamo kaugnay sa poll-related incidents bago ang May 9 election.

Ayon kay Interior Secretary Eduardo Año, dapat na mailabas bago ang halalan ang mga resolusyon sa kaso ng umano’y vote buying at paggamit ng resources ng gobyerno sa pangangampanya para malaman ng publiko.

Dagdag pa niya na ito ay ipinagbabawal sa ilalim ng Omnibus Election Code.

Binigyang-diin naman ni Año ang kahalagahan ng agarang pagrereport na may ebidensya ng mga naturang insidente para sa mabilis na pagresolba ng kaso.

Inihayag ni COMELEC Commissioner George Garcia na sa ngayon ay maayos ang kanilang paghahanda para sa nalalapit na Halalan sa Mayo 9.

Sa panayam ng DWIZ, sinabi ni Garcia na malapit nang makumpleto ang pamamahagi ng election paraphernalia tulad ng balota sa iba’t ibang bahagi ng bansa.

Nasa higit 600,000 naman aniya ang mga balotang sisirain na kinabibilangan ng mahigit tag-300,000 defective ballots at training ballots.

Dagdag pa niya mabuti ang sitwasyon ng Overseas Absentee Voting at naresolbahan na ang mga problema na kinaharap sa mga unang araw ng botohan.

Samantala, ipinaliwanag ni Garcia ang ilan sa dahilan sa mga na-eencounter na problema sa Online Precint Finder tulad ng pagkakamali sa paglalagay ng pangalan.

Bibigyan ng access ng Commission on Elections (COMELEC) sa transparency server ang political parties para sa darating na May 2022 Elections.

Tinukoy ni COMELEC Commissioner Marlon Casquejo na 10 partidong politikal ang magkakaroon ng access kasama ang dominant majority at minority parties, Kapisanan ng mga Brodkaster ng Pilipinas (KBP) at Parish Pastoral Council for Responsible Voting (PPCRV).

Kabilang sa mga partido na ito ang mga sumusunod:

• Partido Demokratiko Pilipino–Lakas ng Bayan (PDP-LABAN)
• National Unity Party (NUP)
• Aksyon Demokratiko
• Partido Federal ng Pilipinas (PFP)
• Nacionalista Party (NP)
• Liberal Party (LP)
• United Nationalist Alliance (UNA)
• Lakas–Christian Muslim Democrats (CMD)
• Nationalist People’s Coalition (NPC)
• Partido para sa Demokratikong Reporma
• Akbayan
• Laban ng Demokratikong Pilipino.

Samantala, 20 media outfit lamang sa 60 na nag-apply ang maaaring mabigyan ng access sa transparency server.

Nanindigan ang DOTr, LTFRB at MMDA na panatilihin ang Window Hours Scheme para sa mga provincial bus na maglalabas-masok sa Metro Manila.

Ito ang napagkasunduan ng tatlong nabanggit na ahensya matapos ang kanilang isinagawang pulong, noong Miyerkules.

Sa ilalim ng programa, tuwing alas-10 ng gabi hanggang ala-5 ng umaga lamang maaaring gamitin ng mga bus operator ang kanilang mga terminal sa Metro Manila.

Gayunman, kailangang gamitin ng mga provincial bus ang mga integrated terminal sa labas ng Window Hours.

Magugunitang nagkalituhan noong isang linggo nang limitahan ng mga provincial bus ang kanilang biyahe upang makaiwas sa Window Hours Scheme na nagresulta naman sa napakahabang pila ng mga pasahero sa mga terminal.