HOT STORIES OF THE WEEK

NANAWAGAN ang kampo ni leading presidential candidate dating Sen. Ferdinand ‘Bongbong’ Marcos, Jr., sa mahigit 65 milyong botanteng Pilipino na lumabas at bumoto sa darating darating na Lunes (Mayo 9).

Ang panawagan ay ipinalabas ni Atty. Vic Rodriguez, spokesman at chief of staff ni Marcos, kasabay ng pagpapasalamat sa milyon-milyong supporters ni Marcos na mainit at nagpakita ng suporta sa iba’t ibang campaign activities ng kanilang kampo.

“Unang-una nagpapasalamat ako sa ating mga kababayan sa inyong pagsuporta sa tambalang UniTeam ni Bongbong Marcos at Sara Duterte at kami ay nanawagan sa lahat na ‘yung duty po natin bilang mamamayang Pilipino sa Mayo 9 ay gampanan po natin,” ani Rodriguez sa panayam ni veteran broadcaster Anthony Taberna sa kanyang YouTube channel na “Tune in Kay Ka Tunying!”

“Tayo po ay bumoto at ‘yung mga napili po natin kung sinuman pong napili ninyo, basta exercise your right to vote.  Go out early and vote early on May 9 and make sure, please na sama-sama po tayong magbantay nang sa ganon, let the true will and mandate of the Filipino people prevail. Hindi po yung kung kaninong mandato lamang,” sabi pa niya.

Nitong nagdaang Martes, naging matagumpay ang ginawang miting de avance sa Visayas ng BBM-Sara UniTeam sa Guimbal, Ilolilo na dinagsa ng napakaraming mga tao.

Tagumpay din ang miting-de-avance ng tambalan sa Tagum, Davao del Norte at buong UniTeam senatorial slate sa Mindanao, at ngayong araw naman ang pinakahuling miting-de-avance ng UniTeam sa tapat ng Solaire Hotel sa Pasay City.

“Iniimbitahan po namin kayo. Ito po ay tribute ni Bongbong Marcos at Sara Duterte sa inyo bilang pasasalamat for standing by us in this rigorous 90-day campaign.

Magtatapos na po tayo ng kampanya subalit labis-labis ang pasasalamat ni Bongbong Marcos sa lahat ng sumusuporta sa kanya,” dagdag pa niya.

Tulad ng naunang sinabi ni Rodriguez, ang kampo ni Marcos ay nagtitiwala na magiging positibo ang resulta ng halalan, ngunit hindi pa rin sila nagpapakampante hanggang hindi tuluyang natatapos ang eleksiyon.

“Yun ang isang bagay na natutunan niya sa kanyang ama (dating Pangulong Ferdinand E. Marcos, Sr.)  Always run scared and it’s not over until it’s over. And, even yung lagi kong sinasabi sa mga iba’t ibang interview, yung naggagandahan (numero),” sabi niya.

 “Iyong mga gorgeous figures that are coming out, survey after survey. Lagi nya lang binibilin dyan, Ka Tunying, enjoy it but only for one minute, for one-minute balik ulit tayo sa trabaho, kayod tayo,” dagdag pa ni Rodriguez.

“Ang tunay at mahalagang survey ay sa darating na May 9, 2022 sa araw ng halalan,” pagbibigay-diin pa niya.

Inamin ni Rodriguez na kahit sila ay hindi makapaniwala sa hindi matawarang init na pagtanggap at pagsuportang ibinigay ng mga kababayang Pinoy kay Marcos.

“Kakaiba talaga. We thought we saw everything noong 2016, noong kampanya ni PRRD na talagang naglabasan ang tao, very pronounced ang suporta. Subalit kami ay nagulat ito nagsimula last year eh when we first go around, mga July nakita na namin bumalik na kami ng Agosto sa Batangas, talagang grabe yung response,” paliwanag niya.

“Pati sa Tacloban noong dumalo lang kami sa Yolanda Memorial subalit sabi nga namin eh baka naman kasi reception ‘yan ng hometown kaya ganyan kalakas yung suporta ng tao. Subalit nung kami ay tumungo sa Batangas dalawang beses kami nagpunta sa Batangas, ganoon na yun,” pagpapatuloy niya.

“From Lipa City to Batangas City yung papuntang kapitolyo, I thought, usually, it takes you 30 minutes lamang pero nung kami na ang nandoon, wala man kaming dalang security naka-coaster lang kami, it took us three hours and a half dahil spontaneous combustion wika nga, “ kuwento ni Rodriguez.

“Naglabasan ‘yung mga tao na walang announcement. Wala kaming inaya na caravan, ‘yung mga naka motor. Talagang it took us three and a half hours at doon na namin nasabi, kakaiba ito. Something must be happening at nagpapatuloy hanggang sa ngayon,” sabi pa niya.

Idinagdag pa nito na: “Of course, kinakailangan kasi masubukan ang isang mamamayan para ma-validate nila yung aking kwento pero kikilabutan ka dahil rally after rally after rally talagang dinudumog siya ng tao”.

Masaya rin aniya siya dahil totoong napakasipag ni BBM at kahit halos wala ng pahinga ay patuloy siya sa mga rally para personal na makasalamuha ang mga tao.

Nagpapasalamat din siya na ngayong matatapos na ang kampanyahan ay nananatiling malakas at malusog si BBM dahil na rin sa mainit na suporta ng milyon-milyong Pilipino.

“Sa awa ng Diyos, matatapos namin ang kampanyang ito hanggang halalan na siya ay malusog at maganda ang pangangatawan,” ani Rodriguez.

DALAWANG araw bago ang halalan sa Lunes, napanatili ni presidential frontrunner Ferdinand ‘Bongbong’ Marcos Jr., na numero siyete (7) sa balota, ang malaki niyang kalamangan matapos makapagtala ng 64% voter preference sa final survey ng Laylo Research na isinagawa nitong Mayo 1-4.

Si Marcos ay nakapagtala rin ng 64% nitong Abril 14-22 sa Laylo survey, at napanatili ang malaking kalamangan na 40 percentage points laban sa kanyang pinakamalapit na katunggali na si Leni Robredo, na nasa malayong pangalawang puwesto pa rin na mayroong 24% voter share.

Tabla naman sa malayong ikatlong pwesto sina Manny Pacquiao at Isko Moreno na kapwa nakakuha ng apat na porsyentong voter preference.

Isinagawa ang Laylo survey sa 3, 000 respondents sa buong bansa.

Nitong Abril 14-20, nakakuha rin si Marcos ng 64% voter preference habang noong nakaraang Marso ay umiskor naman siya ng 61% at napanatili  ang 60 plus percent range na numero sa huling bahagi ng kampanya.

Napatunayan din ni Marcos na siya ang runaway winner sa halalan sa Lunes matapos mamayagpag at manguna sa lahat ng kilala at respetadong survey sa bansa simula pa noong nakaraang taon.

Iniulat na rin ng BizNewsAsia, ang pinakamalaking weekly news and business magazine sa bansa  na base sa resulta ng mga survey, si Marcos ang tatanghaling ika-17 pangulo ng bansa na may malaking kalamangan sa kalaban na posibleng umabot sa 20-26 milyong boto.

Sa finaly survey ng Social Weather Stations (SWS) nitong Mayo na nakarating sa media, unbeatable pa rin si Marcos na nakakuha ng 54% voter preference.

Napanatili niya ang 36% margin laban kay Robredo na nananatiling nasa malayong pangalawa na may 18%.

Nito ring Mayo 2, umiskor din si Marcos ng 56% sa final survey ng Pulse Asia na isinagawa sa 2, 400 respondents nitong Abril 16- 21.

Kumbinsido rin ang Pulse Asia na karamihan sa 65 milyong botante sa bansa ay nakapagdesisyon na at hindi na magpapalit ng kanilang napiling kandidato.

Sa panayam kamakailan sa DZRH, sinabi ni Ana Maria Tabunda, Research Director ng Pulse Asia, na naniniwala siya na ang resulta ng kanilang survey ay malaman na siya na ring magiging resulta ng halalan sa Lunes.

“Magbago man kaunti lang hindi na magkakaroon ng upset. Mahihirapan na talaga yung ibang contender na makahabol,” inihayag ni Tabunda.

Maging sa final survey ng OCTA Research, naka-semento na rin ang malaking kalamangan ni Marcos matapos magtala ng 58% voter preference na isinagawa nitong Abril 22-25.

Sa survey na isinagawa sa 2,400 respondents, napanatili ni Marcos ang malaking kalamangan na 33% laban kay Robredo na nakakuha lamang ng 25% voter preference.

Kinumpirma ng Department of Health (DOH) na maglalagay sila ng mga COVID-19 vaccination sites sa lahat ng polling areas sa araw ng eleksyon.

Ayon kay Health Undersecretary Maria Rosario Vergeire, pwedeng magpabakuna ang mga botante sa mga itatayong vaccination sites para sa kanilang primary dose at booster shots pagkatapos nilang bumoto.

Aniya,  layon nitong tiyakin na may tuloy-tuloy na proteksyon ang bawat Pilipino mula sa COVID-19.

Matatandaang una nang nagpahayag ng pagtutol ang mga opisyal ng Commission on Elections na pagsabayin ang pagboto at pagbabakuna dahil posible itong magdulot ng kalituhan sa publiko

Abiso sa mga motorista!

Asahan muli  ang panibagong taas-presyo sa kada litro ng produktong petrolyo na ipapatupad sa susunod na linggo.

Ayon sa mga kompanya ng langis, P3.80 hanggang P4 kada litro inaasahang ang dagdag sa presyo ng diesel.

Habang papalo naman sa P4.70 hanggang P4.90 ang taas-presyo sa gasolina.

Paliwanag ng ilang nasa industriya ng langis, bigo pa rin sila sa pagtiyak ng suplay bunsod pa rin ng nagpapatuloy na gulo sa pagitan ng Russia at  Ukraine.

Inihayag ng Commission on Elections (COMELEC) Task Force Against Vote Buying na nasa 10 kaso na ang kanila nang iniimbestigahan.

Ayon kay Task Force Kontra Bigay at COMELEC Commissioner Aimee Ferolino, posible pa itong madagdagan dahil may mga natatanggap na silang ulat tungkol sa nasabing insidente.

Aniya, nakukuha nila ang mga reklamo sa kanilang email address na kontrabigay@gmail.com at  Facebook page na Task Force Kontra Bigay.

Kaugnay nito, hinikayat ng COMELEC ang publiko na huwag lamang isumbong ang insidente ng vote-buying o vote-selling kundi makilahok din sa sa pag-iimbestiga sa pamamagitan ng execution of an affidavit at submission of evidence.

Ayon kay DOE-Electric Power Industry Management Bureau Director Mario Marasigan, Mayo a-2 pa lamang ay sinimulan na nila ang pag-monitor sa power situation para siguruhing stable at reliable na suplay sa lalo na sa mismong araw ng eleksyon.

Aniya, nakipagtulungan na rin sila sa mga grid operator, National Grid Corp. of the Philippines (NGCP), power generation companies at distribution utilities sa power situation monitoring.

Maliban dito, nakipag-ugnayan na rin ang Energy Task Force on Election sa Armed Forces of the Philippines, Philippine National Police, at Philippine Coast Guard para i-secure ang power facilities sa mga lugar na idineklarang danger zones ng COMELEC.

Binago ni Pangulong Rodrigo Duterte ang kaniyang pahayag patungkol sa presidential aspirant na si Ferdinand ‘Bongbong’ Marcos Jr.

Ayon sa pangulo, namumuhay ng simple si Bongbong at walang patunay ang alegasyong ill-gotten wealth ng pamilya nito.

Ang pahayag ng pangulo ay malayo sa unang sinabi nito na ‘mahinang lider’ si Marcos.

Muli namang inalala ng pangulo ang pagiging simpleng tao ni BBM noong senador pa ito.

Samantala, muling nanindigan ang pangulo sa kaniyang pahayag na wala siyang i-eendorsong presidential candidate para sa halalan 2022.