HOT STORIES OF THE WEEK

Naitala sa Aparri, Cagayan ang 44°C Heat Index na siyang pinakamataas na temperatura kahapon.

Batay sa datos ng PAGASA, naramdaman ito bandang alas-2 ng hapon.

Nakapagtala naman ng 42°C sa Daet, Camarines Norte; Dagupan City, Pangasinan; Laoag City, Ilocos Norte at NAIA sa Pasay City.

Habang 41°C sa Tuguegarao City, Cagayan at 40°C sa Iba, Zambales at Puerto Princesa City, Palawan.

Itinuturing na “danger” zone ang mga lugar na nakakapagtala ng temperaturang 42 hanggang 51°C at “extreme danger” zone ang may temperaturang 52°C pataas.

Mananatili pa rin sa Alert level 1 ang Metro Manila simula Mayo 16 hanggang 31.

Sa kabila ito nang naitalang 14 na kaso ng BA.2.12.1 sa NCR at sa Puerto Princesa, Palawan.

Ayon kay Communication secretary Martin Andanar, ang mga lugar na mananatili sa Alert level 1 ay ang sumusunod;

Sa Luzon;

• Abra
• Apayao
• Kalinga
• Mountain Province
• Baguio City
• Kiangan, Ifugao
• Ilocos Norte
• Ilocos Sur
• La Union
• Pangasinan
• Dagupan City
• Batanes
• Cagayan
• Isabela
• Nueva Vizcaya
• Quirino
• City of Santiago
• Aurora
• Bataan
• Bulacan
• Nueva Ecija
• Pampanga
• Tarlac
• Zambales
• Angeles City
• Olongapo City
• Batangas
• Cavite
• Laguna
• Rizal
• Lucena City
• Marinduque
• Oriental Mindoro
• Romblon
• Puerto Princesa City
• Albay
• Catanduanes
• Naga City
• Balud, Masbate
• Irosin, Sorsogon

Sa Visayas

• Aklan
• Capiz
• Guimaras
• Iloilo
• Bacolod City
• Iloilo City
• Siquijor
• Cebu City
• Lapu-Lapu City
• Mandaue City
• Calape, Bohol
• Garcia Hernandez, Bohol
• San Isidro, Bohol
• San Miguel, Bohol
• Alcoy, Cebu
• Borbon, Cebu
• Oslob, Cebu
• Pilar, Cebu
• Santander, Cebu
• Tudela, Cebu
• Bacong, Negros Oriental
• Dauin, Negros Oriental
• Valencia (Luzarriaga), Negros Oriental
• Zamboanguita, Negros Oriental;
• Biliran
• Eastern Samar
• Southern Leyte
• Ormoc City
• Tacloban City
• Tarangnan, Samar
• Zumarraga, Samar

at sa Mindanao

• Zamboanga City
• Mahayag, Zamboanga Del Sur Diplahan, Zamboanga Sibugay
• Bukidnon
• Camiguin
• Misamis Occidental
• Misamis Oriental
• Cagayan De Oro City
• Iligan City
• Davao City
• Surigao Del Sur
• Butuan City
• Kalamansig, Sultan Kudarat
• Upi, Maguindanao

Ang mga lugar naman na nasa Alert level 2 hanggang katapusan ng mayo ay ang mga sumusunod;

Sa Luzon;

• Benguet
• Ifugao
• Quezon Province
• Occidental Mindoro
• Palawan
• Camarines Norte
• Camarines Sur
• Masbate
• Sorsogon

sa Visayas;

• Antique
• Negros Occidental
• Bohol
• Cebu Province
• Negros Oriental
• Leyte
• Northern Samar
• Western Samar  at sa Mindanao;
  • City of Isabela
  • Zamboanga Del Sur
  • Zamboanga Del Norte
  • Zamboanga Sibugay
  • Lanao del Norte
  • Davao del Norte
  • Davao del Sur
  • Davao Oriental
  • Davao de Oro
  • Davao Occidental
  • General Santos City
  • North Cotabato
  • Sarangani
  • Sultan Kudarat
  • South Cotabato
  • Agusan del Norte
  • Agusan del Sur
  • Dinagat Islands
  • Surigao del Norte
  • Basilan
  • Cotabato City
  • Lanao del Sur
  • Maguindanao
  • Sulu
  • Tawi-Tawi

Posibleng itakda na ng Commission on Elections (Comelec) sa Miyerkules, Mayo 18 ang proclamation para sa 12 magwawaging senador.

Ayon kay Comelec commissioner George Garcia, ito ay kung tagumpay na dumating ngayong araw ang mga balota mula sa Hong Kong na kasalukuyang nakakaranas ng COVID-19 surge.

Sa Huwebes, Mayo 19 naman posibleng ihayag ng Comelec ang mga nagwaging party-list groups.

Una nang sinabi ni Comelec acting spokesperson Rex Laudiangco na magiging hiwalay ang proklamasyon ng senators at party-list bilang pag-iingat sa COVID-19.

Batay sa partial at official canvassing results nitong Biyernes, nangunguna pa rin ang aktor na si Robin Padilla sa 2022 senatorial elections.

Habang siyam na party-list groups ang inaasahang uupo sa House of Representatives batay naman sa official tally noong Huwebes.

Sa halip na bumili ay posibleng mag-renta na lang ng mga Vote Counting Machines (VCMs) ang Commission on Elections (Comelec) sa susunod na halalan.

Ayon kay Comelec commissioner George Garcia, walang sapat na pondong ibinigay ang kongreso sa Comelec.

Noong May 9 elections, aabot sa 1, 867 VCMs ang nasira na kadalasang problema ang rejected ballots, paper jam at problema sa scanner at printer.

Nasa higit 900 ang depektibong VCMs noong halalan kung saan 200 ang pinalitan.

Umabot na sa 15, 328 indibidwal ang nabakunahan sa Bangsamoro Autonomous Region in Muslim Mindanao (BARMM) noong special vaccination days mula Mayo a-11 hanggang a-13.

Batay sa datos na inilabas ng Bangsamoro Information Office, katumbas ito ng 60.11% ng target na 25K indibidwal na kailangang mabakunahan.

Sa unang araw na bakunahan, 3, 341 ang naturukan ng bakuna.

Umakyat pa ito sa 4, 988 sa ikalawang araw at 7, 099 sa ikatlo at huling araw.

Ang pagtaas ng bilang ay kasunod nang ipinatupad na “No Vaccine Card, No Entry Policy” sa BARMM para marami ang mahikayat na magpaturok at mapigilan ang lalo pang pagkalat ng virus.

Sisimulan ngayong lunes ang anim na araw na Bakunahan kontra COVID-19 sa Quezon City.

Unang bubuksan ng Quezon City Local Government ang Fairview Covered Court para sa isasagawang vaccination sa adult population.

Magtutuloy-tuloy ito hanggang Sabado sa mga vaccination sites sa Loyola Heights Covered Court, Pinyahan Elementary School, Kaligayahan Elementary School, Barangay Batasan Hills New Barangay Hall at Silvina Covered Court.

Maaaring makapagpaturok ang mga residenteng wala pang initial doses at booster shots.

Bukas ang nabanggit ng vaccination sites para sa mga nais magwalk-in.

Sa huling ulat, aabot na sa 5, 740, 13 anti-COVID-19 vaccine na naiturok sa Vaccination Program ng Quezon City.

Mawawalan ng tubig simula ngayong araw ang 26 na barangay sa Quezon City.

Batay sa abiso ng Maynilad Water Services Inc., ipinatupad na ito simula alas-10 kagabi hanggang alas-4 ng madaling araw na magtatagal sa Hunyo a-1.

Ang mga lugar na maaapektuhan ay ang; Brgy. Apolonio Samson, Bagbag, Balingasa, Marcos, Doña Josefa, Lourdes, Maharlika, Manresa, Masambong, N. S. Amoranto, Nagkaisang Nayon, Paangbundok, Saint Peter, Salvacion at Brgy. San Agustin.

Habang kasama rin sa mawawala ng tubig simula ngayong araw ang Brgy. San Bartolome, San Isidro Labrador, San Jose, Santa Teresita, Santo Domingo, Sauyo, Siena, Sta Monica, talayan, Talipapa at Brgy. Tatalon.

Layon ng gawain na matugunan ang pagkaubos ng tubig mula sa imbakan dahil sa taas ng demand sa gitna ng tag-init.

Hindi sapat ang P33 na dagdag sahod sa mga manggagawa sa National Capital Region (NCR) at P55 sa Western Visayas.

Ayon kay Allan Tanjusay, tagapagsalita ng Trade Union Congress of the Philippines (TUCP), hindi na ito makakaapekto sa mga susunod na araw dahil sa pagtaas ng bilihin at serbisyo.

Tila ipinapakita naman ng kapiranggot na dagdag sahod ang aniya’y cheap labor sa bansa para mahikayat ang maraming investors na mamuhunan.

Samantala, umapela ang TUCP na amyendahan na ang batas na Wage Rationalization Act of 1989 kung saan dapat magtakda ng living wage para sa mga manggagawa.

Dapat nang ipahinga ang mga Vote Counting Machine na ginamit sa Halalan 2022.

Ito ang sinabi ni Comelec Commissioner George Garcia dahil nagsilbi na ng maraming taon ang mga makinang ito.

Sa 106,147 VCMs na ginamit nitong May 9 sa buong bansa, 1,800 dito ang pumalya, nasa 900 naman ang depektibo habang 200 ang pinalitan.

Samantala, ikinakabahala ni Garcia ang budget na kakailanganin sa pagpapalit ng naturang VCMs.