Inihayag ni Philippine Consulate General Elmer Cato na walang Pilipinong nadamay sa nangyaring mass shootout sa isang Supermarket sa New York.
Batay sa ulat ng pulisya, isang 18-anyos na lalaki ang suspek sa pamamaril na ikinasawi ng sampung indibidwal sa Jefferson Avenue, Buffalo sa nasabing lugar.
Nabatid na mahigit 540 Pinoy ang nakatira at nagtatrabaho sa Buffalo.
Inihayag ng Commission on Elections (Comelec) na nagsasagwa na ang ahensya ng sariling imbestigasyon kaugnay sa nangyaring aberya sa mga Vote Counting Machine (VCMs) at (SD) cards noong araw ng Halalan.
Ayon kay Comelec acting spokesperson John Rex Laudiangco, pinag-aaralan na ng National Tech Support Center ang mga ticket at nakipagpulong na rin ito sa Department of Information and Communications Technology (DICT).
Nabatid na hindi bababa sa 1,800 VCMs at SD cards sa 1,867 polling precints ang nagka-aberya noong botohan.
Muling ipinanawagan ng Pinagkaisang Samahan Ng Mga Tsuper At Operator Nationwide (PISTON) sa Pangulong Duterte na magpasa ng Executive Order na sususpinde sa umiiral na excise tax sa petrolyo.
Ayon sa PISTON ito’y upang maibsan ang dinaranas ng mga tsuper ng Public Utility Vehicle (PUV) matapos ang sunod-sunod na pagtaas ng presyo.
Hirit ng grupo sa Pangulo baka puwedeng gumawa ng Executive Order sa natitirang isang buwan nitong pag-upo sa puwesto.
Nabatid na ayon sa UniOil maaaring bumaba ng P2.90 hanggang P3.00 ang presyo kada litro ng diesel mag-rollback ang presyo ng gasolina sa pagitan ng P0.40 hanggang P0.60 kada litro sa susunod na linggo
Aabot sa mahigit P1-B ang inilabas ng Department of Budget and Management (DBM) para sa compensation ng Healthcare workers at Non-Healthcare workers na tinamaan ng COVID-19 sa gitna ng pandemya.
Batay sa pahayag ng DBM, makakatanggap ng P15-K ang mga nasabing indibidwal na nagkaroon ng mild o moderate COVID-19 infection.
P100-K naman ang ipapamahagi sa mga tinamaan ng severe o critical infection ng COVID-19 habang P1-M ang ibibigay sa mga pamilya ng HCWs o Non-HCWs na namatay dahil sa nabanggit na sakit.
Samantala, nakabase sa criteria ng Health department sa ilalim ng DBM-DOH circular no. 2022-0002 ang COVID-19 classification ng eligible HCWs at Non-HCWs para sa naturang benepisyo.
Umani ng mga suporta ang isinusulong na pagiging bagong House Speaker ni Majority Leader at Leyte 1st district rep. Martin Romualdez mula sa iba’t ibang grupo at indibidwal.
Ayon sa Nacionalista Party, suportado nito na maging bagong tagapagsalita ng kamara si Romualdez dahil sa bukod tangi nitong pagganap bilang Majority leader ng 18th Congress.
Habang enendorso rin ng Partylist Coalition Foundation Incorporation si Romualdez dahil anila sa work ethics at abilidad nito bilang consensus builder.
Nagpahayag din ng suporta sa naturang mambabatas sina Ilocos Norte 1st district rep. Sandro Marcos at Albay 2nd district representative Joey Sarte Salceda.
Patay ang sampung katao habang tatlo naman ang sugatan sa naganap na pamamaril ng 18-taong gulang na gunman sa isang grocery store sa Buffalo, New York.
Ayon kay Buffalo Police Department Commissioner Joseph Gramaglia nangyari ang insidente nitong 2:30 p.m. oras sa New York
Habang apat sa mga nasawi ay empleyado ng Supermarket, kabilang na ang security guard na isang retiradong pulis na nakipagpalitan umano ng putok ng baril bago ito nabawian ng buhay.
Ayon sa mga saksi, nakasuot ng military-type gear at body armor at may dalang rifle ang suspek na sumuko na sa pulisya habang wala namang Pinoy ang nadamay sa naturang insidente.
Target ng Commission on Elections (Comelec) na maiproklama na ang panalong senador at party-list groups sa susunod na linggo.
Ayon kay COMELEC Commissioner George Garcia, ang natitira pang Certificates of Canvass (COCs) ay sasalang na sa bilangan ngayong araw.
Habang bukas o sa Lunes naman ang gagawing paghahanda ng ahensya para sa ikakasang proklamasyon ng mga nanalong indibidwal at grupo.
Ibig sabihin, posibleng sa Martes na iproklama ang 12 senador at partial winning party-list groups.
Nabatid na 149 mula sa173 COCs pa lamang ang nabibilang hanggang sa oras na ito.
Pero tiniyak naman ni Garcia na ang 24 pang natitirang uncanvassed COCs na mula sa manual overseas, Vulnerable Sector Office, mga barangay sa Lanao del Sur, at sa mga bansang Hong Kong at Jordan ay hindi makakaapekto sa kasalukuyang resulta ng boto.
Aniya, sapat na ang na-canvass na COCs para isakatuparan ang proklamasyon.
Tiniyak ng Department of Education (DepEd) na tatapatan nila ang katapangan at dedikasyon ng mga gurong nagsilbi nitong nagdaang eleksyon.
Ayon sa DepEd, patuloy silang nakikipag-ugnayan sa Commission on Elections (Comelec) para sa paglalabas ng honoraria at iba pang allowances ng mga guro bago o sa Mayo a-24.
Maliban dito , ipinanawagan din nila sa ahensya dagdag na P3,000 across the board para sa mga guro na nag-overtime matapos ang kaliwa’t kanang aberya sa mga Vote Counting Machines (VCMs) gayundin ang mga SD cards.
Samantala, bibigyang pagkilala rin ng DepEd ang limang araw na service credit ng mga miyembro ng electoral boards at DepEd Supervisor Official (DESO) at kanilang support staff na nagsilbi rin noong eleksyon.
Higit pa sa kapayapaan at disiplina ang kailangan para solusyonan ang nagpapatuloy na krisis sa edukasyon sa bansa.
Ito ang naging tugon ng grupong Alliance of Concerned Teachers (ACT) kasunod ng napipintong pagtatalaga kay presumptive vice president Sara Duterte- Carpio bilang kalihim ng Department of Education (DepEd) sakaling maupo na ang bagong administrasyon.
Ayon kay ACT Philippines Secretary General Raymond Basilio, kailangan munang kilalanin ng gobyerno ang ilang pangunahing problema sa sektor ng edukasyon.
Aniya, kabilang na rito ang nagpapatuloy na krisis sa karunungan at hindi magandang kalidad ng edukasyon sa bansa, mababang pasahod sa mga guro at pagbubuwag sa sense of history ng bansa at katotohanan.
Dagdag pa ni Basilio, bagama’t hindi natumbok ng kasalukuyang administrasyon ang mga problema sa edukasyon, patuloy pa rin nilang gagampanan ang kanilang trabaho na magturo at lumaban sa napapatuloy na inhustisya sa bayan.
Posibleng isulong ng paparating na administrasyon ni presumptive president Ferdinand ‘Bongbong’ Marcos Jr. ang mas mataas na buwis partikular sa buwis sa konsumpsyon.
Kabilang sa mga sinasabing konsumpyon ay sin products, mga properties at passive incomes gaya ng real estates at cryptocurrency.
Ayon kay Economic think tank IBON Foundation Executive Director Sonny Africa, paraan ito para mabayaran ng bansa ang mamanahing utang ng susunod na admistrasyon sa rehimen ni Pangulong Rodrigo Duterte.
Aniya, nagpapahiwatig kasi si Marcos ng pagnanais na ituloy ang programang predecessor’s Build, Build, Build at posibleng ipagpatuloy nito ang economic policies ni Duterte.
Sa ngayon, pumalo na sa P12.679-T na ang utang ng Pilipinas hanggang sa katapusan ng Marso ngayong taon.
Bagama’t lumobo na ang utang ng bansa, tiniyak naman ni Africa na nananatiling ‘manageable’ ito at malayo pa mangyari sa Pilipinas ang nangyari sa Sri Lanka.