HOT STORIES OF THE WEEK

Isinumite na ng Alliance of Concerned Teachers (ACT) ang inisyal na listahan ng 1, 036 na electoral board members na nagsilbi ng 24- oras noong May 9 elections. 

Ito’y bilang bahagi ng panawagang bigyan ng Overtime pay ang mga poll worker, na karamiha’y guro, na nagsilbi sa nasabing halalan maging noong May 2019 midterm polls.

Ayon kay ACT Secretary General Raymond Basilio, ang nasabing hakbang ay tagumpay ng mga Teacher-Poll workers para sa kanilang laban upang magkaroon ng patas na sahod.

Una nang inihayag ni Comelec commissioner George Garcia na “Aproved in principle” na ang proposal na bigyan ng additional honoraria ang mga poll worker na nag-Overtime noong May 9 elections.

Nito lamang linggo anya ay nasa P20-M budget ang inilaan para sa additional honoraria, base sa accounting at auditing rules.

Nakukulangan ang ilang grupo sa inaprubahang P33 daily minimum wage increase sa Metro Manila sa gitna ng naka-umang na dagdag-presyo sa mga basic commodities.

Ayon kay Associated Labor Union-Trade Union Congress of the Philippines spokesman Alan Tanjusay, kapiranggot lamang ang nasabing dagdag-sahod.

Hindi anya ito mararamdaman at mawawalang-saysay dahil maaaring bukas o sa mga susunod anyang araw ay magpatupad ng malawakang pagtaas ng presyo ng mga basic commodities at services.

Mula sa kasalukuyang P537 per day, itataas sa P570 ang arawang sahod sa Metro Manila matapos aprubahan ng National Wages Productivity Commission ang wage hike.

Suportado ng mga stake holders ng Philippine Health Insurance Corporation (PhilHealth) ang pagpapatupad ng Republic Act 11223 o kilala bilang Universal Health Care Law (UHC) Law.

Ayon sa mga stakeholder, sang-ayon sila na maging tagapagtaguyod ng social health insurance at kahandaang suportahan ang mga programa at patakaran ng naturang panukala.

Layunin nitong mabigyan ng proteksiyon ang mga Pilipino laban sa panganib sa pananalapi upang maramdaman ang abot-kayang serbisyo sa pangkalusugan kabilang na dito ang benefit packages tulad ng testing, home, facility-based isolation, hospitalization, vaccine injury compensation at iba pang benepisyo.

Aminado ang Department of Energy (DOE) na hirap silang kontrolin ang pabago-bagong presyo ng langis sa bansa bunsod ng patuloy na girian sa pagitan ng Russia at Ukraine.

Sa panayam ng DWIZ, sinabi ni DOE Assistant Secretary Gerrardo Erguiza na patuloy na hinihigpitan ang paglabas ng langis mula sa Russia.

Ayon kay Erguiza, maging sa iba pang mga bansa katulad ng US, Iran, at Venezuela ay patuloy ding nakakaranas ng krisis sa langis dahilan kaya nagkakaroon ng dagdag-bawas sa presyo nito.

Sinabi ni Erguiza na kailangan munang matapos ang giyera sa pagitan ng Russia at Ukraine dahil nananatiling unstable ang langis sa buong mundo dahilan para mahirapan silang masiguro ang mababang presyo nito sa bansa.

Tinulungan na ng National Citizens’ Movement for Free Elections (NAMFREL) ang Parish Pastoral Council for Resposible Voting (PPCRV) sa pagre-validate ng mga Election Returns  (ERs).

Inihayag ni Dr. William Yu, Board of Trustee ng PPCRV, na nag-volunteer na ang NAMFREL nang mabatid na mahigit 300 na ang mga ERs na dapat i-revalidate.

Maaga anyang gagawin ng PPCRV ang revalidation hindi kagaya dati na ginagawa ito matapos ang kanilang pagbibilang.

Umaasa naman ang PPCRV na madaragdagan ang mga kailangang i-revalidate habang patuloy ang encoding lalo kung maraming clerical error.

Magpapatuloy ang encoding ng nasabing poll watchdog hangga’t may dumarating pang mga ER at may mga volunteer pang nais mag-encode.

Idineploy na ng Philippine Coast Guard ang BRP Teresa Magbanua para sa unang misyon nito sa Makassar, Indonesia.

Ang nasabing multi-role response vessel ay lalahok sa Regional Marine Pollution Exercise 2022 simula Mayo a – 22 hanggang a – 29.

Bukod sa PCG, kalahok din sa nabanggit na aktibidad ang kanilang counterpart mula Indonesia at Japan.

Ayon kay PCG Commandant, Admiral Artemio Abu, ide-deploy din ng PCG ang BRP Gabriela Silang, BRP Malapascua at BRP Cape Engaño.

Layunin ng naturang aktibidad na paigtingin ang kakayahan ng Pilipinas, Indonesia at Japan sa pag-responde tuwing may insidente sa karagatan tulad ng oil spill, sunog at iba pa.

Ang BRP Teresa Magbanua ang pinaka-moderno at bagong barko ng Philippine Coast Guard na binili sa Japan sa halagang P7.2-B.

Kasado na ang special elections sa 12 barangay sa Tubaran sa Lanao del Sur sa Mayo 24.

Ito ay matapos aprubahan ng Comelec en banc na pinangungunahan ni Atty. Saidamen Pangarungan ang Comelec resolution 22-0165.

Ayon kay Atty. Ray Sumalipao, Director ng Comelec- BARMM, magkakaroon ng tatlong clustered precints sa 15 polling precints sa Tubaran.

Ang tatlong clustered precints ay ang Tangcal Elementary School sa Barangay Tangcal, Tubaran Elementary School at Bumbud Elementary School sa Poblacion Tubaran.

15 Contingency Vote Counting Machine at SD cards ang inihanda para sa special election.

Ang canvassing area para sa BARMM special election ay gagawin sa isang designated area sa Lanao del Sur Provincial Capitol ng Marawi City.

Ang Tubaran ay may 11, 557 registered voters kung saan 6, 921 ang inaasahang boboto.

Posibleng idaos sa Davao City sa Hunyo 19 ang inagurasyon ni presumptive Vice President Inday Sara Duterte-Carpio.

Ayon kay Liloan, Cebu Mayor Christina Frasco, spokesperson ni Duterte-Carpio, tinatakan na ni Mayor Inday ang petsang June 19 para sa kanyang inagurasyon.

Bagaman sa June 30 ang inagurasyon alinsunod sa batas, sinabi anya ni Duterte-Carpio na nais niya munang dumalo sa Oath taking ng kaniyang running mate na si presumptive President Ferdinand ‘Bongbong’ Marcos Jr.

Batay sa Article 7, Section 4 ng 1987 Constitution, kailangang opisyal na maluklok sa pwesto ang Presidente at Bise-Presidente tanghali ng Hunyo a-30.