HEALTH

Isa sa mga karaniwang sakit sa Pilipinas ay ang tonsilitis.

Ito ay dulot ng infection na may common virus ngunit maaari ring dala ito ng bacterial infections.

Kabilang sa mga sintomas ng tonsilitis ay ang pamamaga ng tonsil, pananakit ng lalamunan, hirap sa paglunok, lagnat, pananakit ng ulo, at iba pa.

Ayon sa mga eksperto, posibleng malunasan ang naturang sakit sa pamamagitan ng pag-inom ng antibiotics tulad ng penicillin, clindamycin, o cephalosporin.

Mainam namang magpakonsulta na sa doktor kung nilalagnat na at masakit ang lalamunan; at kung hindi pa naaalis ang pananakit ng lalamunan sa loob ng isa hanggang dalawang araw.

—sa panulat ni John Riz Calata

Alam mo ba na ang caimito o star apple ay maraming benepisyong ibinibigay sa katawan ng tao.

Bagama’t ang caimito ay matamis, nakatutulong ito upang pababain ang blood sugar level ng isang tao dahil sa taglay nitong fiber at nakapagpapababa rin ito ng timbang dahil mabilis itong makabusog sa tiyan.

Nakakatulong na mapanatili ang matibay at malusog na buto sa pagkain ng calcium-rich foods tulad ng star apple.

Higit sa lahat, napatunayan ng ilang pag-aaral na ang extract mula sa buto ng star apple ay may antimicrobial properties na nakapgpatay ng ilang uri ng bacteria at fungi. —sa panulat ni Kat Gonzales

Pamilyar pa ba kayo sa patola?

Ang patola ay isang uri ng gulay na kilala rin sa tawag na sponge gourd, ridge gourmand, luffa, turai o Chinese okra.

Bukod sa masarap ay mayaman din ito sa nutrients at antioxidants na nakatutulong upang mapalusog ang katawan.

Pinapababa ng patola ang sugar level sa katawan dahil mayaman ito sa manganese.

Nakababawas din ito ng bad cholesterol at triglycerides dahil naglalaman ito ng vitamin B5 o pantothenic acid.

Mayaman din ito sa vitamin C, kaya pinalalakas nito ang immune system.

Bukod sa mga nabanggit na benepisyo, nakatutulong din ang patola upang mapalinaw ang mata; mapaganda ang balat; nakakapagpabuti ng brain function; at iba pa. —sa panulat ni John Riz Calata

Bilang bahagi ng Philippine Heart Month, narito ang ilang tips kung paano mapapangalagaan ang ating mga puso.

Una, bawasan ang pagkonsumo ng maaalat na pagkain, iwasan ang processed food, at palitan ang sweetened snacks ng mga prutas.

Ikalawa, magbawas ng timbang kung overweight para makaiwas sa cardiovascular disease.

Ikatlo, dagdagan ang regular na physical activity.

Ika-apat, iwasan ang paninigarilyo at pag-inom ng alak;

At siguruhing regular ang pagpa-pacheck ng blood pressure at blood sugar. —sa panulat ni Roma Molina

 Bilang bahagi ng national Dental Health Month, narito ang ilang tips kung paano mapangangalagaan ang dental health.

Una, gumamit ng toothpaste na may fluoride sa pagsisipilyo at gawin ito nang dahan-dahan.

Ikalawa, gumamit ng dental floss, o plastic pick sa paglilinis ng ngipin.

Ikatlo, regular na bisitahin ang inyong dentista para sa check-up at professional cleaning;

At mainam din na kumain ng well-balanced diet at iwasan ang matatamis na inumin.  –  Sa panulat ni Roma Molina

Mahilig ka ba sa maasim? Partikular na sa kalamansi?

Bagama’t maliit ito, alam mo ba na ang kalamansi ay maraming benepisyo?

Mayaman ang kalamansi sa vitamin C at fiber na maganda sa balat, mata at puso.

Nakatutulong din ang kalamansi sa pagpapababa ng posibilidad na magkaroon ng diabetes  dahil nakatutulong ito sa pag-ii-stablize ng glucose level sa katawan at pagreregualte ng secretion ng insulin. –  Sa panulat ni Kat Gonzales

Mahilig ka ba sa tokwa o tofu?

Kadalasan itong kinakain kasama ang lugaw.

Ang tokwa ay isang masustansyang pagkain dahil mataas ito sa protina at fat pero mababa sa carbohydrate.

 Ang tokwa ay may taglay na iba’t ibang bitamina at mineral kabilang ang fiber; manganese; calcium; selenium; magnesium, iron at zinc.

Ikinokonsidera din itong low-carb vegetarian na nakatutulong upang mapabuti ang metabolism; maiwasan ang risk ng anemia, at pagkakaron ng healthy cholesterol levels. –  Sa panulat ni Kat Gonzales

 Ang kolera ay isang bacterial infection na kadalasang nakukuha mula sa pag-inom ng kontaminadong tubig.

 Maaari rin itong makuha sa pamamagitan ng pagkain ng mga hindi lutong laman dagat o seafoods at hilaw na prutas.

Kabilang sa sintomas ng kolera ay ang pagsusuka o pagduduwal, pagtatae, dehydration, lagnat, at pagkawala ng malay.

 Ayon sa Department of Health, posibleng maagapan ang naturang sakit sa pamamagitan ng pagbibigay ng oral rehydration solution; at pag-inom ng isang kutsarita ng asin, apat na kutsarita ng asukal, at ihalo sa isang litro ng tubig.

 Ngunit ayon sa DOH, mas mainam pa rin na magpakonsulta sa doktor kung makakaranas ng anuman sa mga sintomas na nabanggit. –  Sa panulat ni John Riz Calata

 Pamilyar pa ba kayo sa kundol o kilala rin sa tawag na  winter melon, wax gourd, o white pumpkin?

Ang kundol ay isang uri ng masustansyang prutas.

Kabilang sa mga benepisyo nito sa katawan ay ang pagbibigay ng vitamin B2 na nakatutulong upang mapalakas ang paningin.

Mayaman din ito sa fiber, at mataas ang water content kaya nakatutulong itong pagbutihin ang digestion ng katawan.

Dahil sa mataas na antas ng potassium at vitamin C, napo-protektahan din ng kundol ang puso.

Bukod sa mga nabanggit, pinapalakas din nito ang immune system, detoxifying ng katawan, at nakatutulong sa pagpapababa ng timbang. –  Sa panulat ni john Riz Calata

 Ang fatty liver ay isang sakit kung saan napupuno ng taba ang atay ng tao.

Nakukuha ang nasabing sakit sa labis na pagkain at pag-inom ng alak.

Ayon sa mga eksperto, kakaunti lamang ang sintomas ng fatty liver disease kabilang na rito ang mabilis na pagkapagod at pananakit sa kanang bahagi ng itaas ng tiyan.

Bagama’t wala pang partikular na gamot o therapy sa pagkakaroon ng fatty liver, maaari itong mabawasan sa pamamagitan ng pag-iwas sa pag-inom ng alak, pagbawas ng timbang, at pag-aayos sa diyeta. –  Sa panulat ni John Riz Calata