HEADLINES

Sa ginanap na bilateral meeting sa pagitan nila Pangulong Ferdinand Marcos Jr. at Qatari Amir Sheikh Tamim Bin Hamad Al Thani, pinuri ang kontribusyon ng overseas Filipino workers (OFWs) sa pag-unlad ng Qatar.

Nagsisilbing pangalawang tahanan ng higit sa 240,000 Filipinos ang Qatar.

Batay sa datos noong 2022, umabot sa $895 million ang remittances ng OFWs sa Qatar patungong Pilipinas.

Ayon sa Amir ng Qatar, itinuturing nila ang Pilipinas bilang mahalagang kasosyo sa iba’t ibang larangan, partikular na sa kalakalan at ekonomiya.

Pagbibigay-diin niya, lalo pang mapalalakas ang relasyon ng dalawang bansa sa pamamagitan ng mas pinaigting na komunikasyon.

Para naman kay Pangulong Marcos, lilikha ng mas maraming oportunidad ang kooperasyon ng Pilipinas at Qatar. Mas magiging matatag rin aniya ang kanilang kolaborasyon sa commercial level, government-to-government level, at people-to-people level.

Kilala ang hospitality ng mga Pilipino sa buong mundo.

Ito ang binigyang-diin ni Pangulong Ferdinand Marcos Jr. sa kanyang pinakahuling vlog.

Ayon sa pangulo, katangian na ng mga Pilipino noon pa man ang pagiging hospitable o magiliw sa mga panauhin. Kaya panawagan niya, isabuhay at paghusayin pa ito dahil importante itong sangkap patungo sa Bagong Pilipinas.

Isang halimbawa ng pagiging hospitable ay makikita kapag may bumibisitang dayuhang lider sa Pilipinas.

Kabilang sa mga paghahanda ng pamahalaan para sa mga bisita ay ang pagbibigay ng regalo mula sa lokal na tindahan na nakatutulong sa mga maliliit na negosyo.

Ayon kay Pangulong Marcos, dapat maiparamdam sa mga dayuhang lider na mahalaga sila para sa mga Pilipino upang magtuloy-tuloy ang kooperasyon nila sa Pilipinas na sasalamin aniya sa ekonomiya ng mundo.

Makabibili na ng mas murang bigas ang mga kababayan natin sa Metro Manila.

Ito ay sa pamamagitan ng ‘Kadiwa ng Pangulo’ (KNP) program ni Pangulong Ferdinand Marcos Jr., alinsunod sa kanyang layuning makapagbigay ng abot-kaya, dekalidad, at accessible na pagkain para sa bawat pamilyang Pilipino.

Inisyatiba ng pamahalaan ang Kadiwa ng Pangulo program upang makatulong sa mga magsasaka at maliliit na negosyo na mabigyan ng rent-free selling areas.

Natitiyak din nitong magkakaroon ng access sa mga fresh na produkto ang mga konsyumer.

Sa halagang P39 lang, makabibili ka na ng isang kilong well-milled rice sa Kadiwa ng Pangulo stores.

Maaari ka ring makabili ng mura at magandang klase ng mga prutas at gulay.

Upang malaman ang full schedule at venue ng Kadiwa ng Pangulo stores, bisitahin ang official Facebook page ng Department of Agriculture (DA) at ng iba pang kaukulang ahensya ng pamahalaan.

Sa kadiwa program ni Pangulong Marcos, makabibili ka na ng mura at masustansyang pagkain, makatutulong ka pa sa mga kababayan nating magsasaka.

Kumpiyansa si Pangulong Ferdinand Marcos Jr. na magma-materialize o matutupad sa susunod na limang taon ang investments ng Amerika at Japan sa Pilipinas.

Ito ang inihayag ni Pangulong Marcos kasunod ng katatapos lamang na trilateral summit ng mga naturang bansa na ginanap sa Washington, D.C.

Ayon kay Philippine Ambassador to the US Jose Manuel Romualdez, tinatayang $100 billion ng investments mula sa Amerika at Japan ang posibleng makuha ng Pilipinas sa loob ng lima hanggang sampung taon bilang resulta ng makasaysayang trilateral summit.

Para kay Pangulong Marcos, hindi lang pangako o ideya ang gagawing pamumuhunan ng mga dayuhang negosyante sa Pilipinas. Aniya, tukoy na nila ang mga sektor kung saan maaaring mamuhunan ang dalawang bansa.

Pagbibigay-diin pa ng pangulo, naisama na rin ito sa kasunduan, kaya positibo siyang matutupad at mararamdaman ng mga Pilipino ang $100 billion investment projection sa mga susunod na taon.

Upang matuldukan na ang lumalalang traffic sa Metro Manila, nangako si Pangulong Ferdinand Marcos Jr. na papaunlarin ang mga kalapit na probinsya.

Para kay Pangulong Marcos, “long-term solution” ito upang maresolba na ang isyu sa traffic.

Kasabay sa patuloy na paggawa ng mga imprastraktura katulad ng mga tulay, flyover, skyway, subway, at train system, patuloy naman ang pagdami ng populasyon at mga sasakyan.

Dahil siksikan na sa Metro Manila, nakikitang solusyon ni Pangulong Marcos ang development ng mga kalapit na probinsya at siyudad, kabilang na ang Bulacan at Pampanga sa North, at Cavite at Laguna sa South.

Pagbibigay-diin ni Pangulong Marcos, kailangan ng oras ang development projects sa labas ng Metro Manila. Posible man itong makadagdag pa sa congestion, ngunit mararamdaman din ng mga motorista at commuter ang mas maluwag na trapiko kapag matapos na ang mga naturang proyekto.

“Malaking proyektong itong mga ito, kaya naman dapat nating isipin na hindi bukas na natin mararamdaman ito dahil malaki talaga ang scale at kung minsan pa nga ay nakakaabala pa dun sa mga traffic ngayon. Kaya’t pag-tiyagaan niyo lang, pero pagka-nabuo na ‘yan, asahan ninyo gaganda ang sitwasyon natin,” saad ng pangulo.

Sa kabila ng mga plano at proyekto ng administrasyon upang mas gumanda ang sitwasyon ng traffic sa Metro Manila, kailangan pa rin ang kooperasyon ng bawat Bagong Pilipino. Kaya paghihimok ni Pangulong Marcos, maging disiplinado at makibahagi sa paglutas sa suliraning ito.

Kayang mapanatili ng Pilipinas ang patuloy na paglago ng ekonomiya nito sa ilalim ng pamumuno ni Pangulong Ferdinand Marcos Jr.

Ito ang inihayag ni House Speaker Martin Romualdez kasunod ng desisyon ng Development and Budget Coordination Committee (DBCC) na i-adjust ang gross domestic product (GDP) growth target ng bansa ngayong 2024 sa 6% hanggang 7%.

Para kay House Speaker Romualdez, hindi mahihirapan ang bansa na makamit ang 6% na target ngayong taon, mula sa 5.6% GDP noong 2023.

Aniya, kumpiyansa siya rito dahil sa mga patakaran at hakbang sa ekonomiya na ipinapatupad ni Pangulong Marcos at ng Kongreso.

Sa katunayan, naniniwala rin ang House Speaker na kaya pa higitan ng Pilipinas ang economic growth target nito kung maisasakatuparan ang economic charter change.

Maaaring makapigil nga lang sa pag-unlad ng ekonomiya ang epekto ng El Niño, lalo na sa agrikultura at produksyon ng pagkain. Dahil dito, sinisikap ng administrasyon na maabutan ng tulong ang mga magsasaka.

Ayon kay House Speaker Romualdez, Pilipinas pa rin ang maituturing na fastest-growing economy sa Asia-Pacific region sa oras na lumago sa 6% ang GDP ngayong taon.

Panawagan naman ni Pangulong Marcos sa publiko, makiisa sa pamahalaan upang mapagtagumpayan ang mga hamon sa ekonomiya at maitatag ang isang magandang kinabukasan sa ilalim ng Bagong Pilipinas.