HEADLINES

Malapit nang makamit ng electric vehicle industry ang tagumpay dahil abot-kamay na umano ng kanilang hanay ang pinakahihintay nilang tax breaks sa e-motorcycles.

Ito’y dahil isang pirma na lamang ang kailangan nito.

Kasunod ito ng pag-apruba ng National Economic Development Authority (NEDA) sa pagpapalawak sa Executive Order No. 12, series of 2023. Sinasabing nangangahulugan ito na isasama na sa executive order, na nagkakaloob ng tax breaks sa EVs, ang e-motorcycles, kaya maaalis na ang taripa sa imported models.

Sa 16th Board Meeting ng NEDA kamakailan, sinabi ng ahensya na nagkasundo ang board na aprubahan ang rekomendasyon ng Committee on Tariff and Related Matters na palawakin ang saklaw ng EO 12 hanggang 2028, na nag-aalis din ng taripa para sa e-motorcycles, e-bicycles, at nickel metal hydride accumulators.

Nabatid na ang inaprubahang bersiyon ng revised EO 12 ay nasa mga kamay na ngayon ni NEDA Chairman at President Ferdinand Marcos Jr., para sa final approval at publication.

“Executive Order No. 12 is designed to stimulate the electric vehicle (EV) market in the country, support the transition to emerging technologies, reduce our transport system’s reliance on fossil fuels, and reduce greenhouse gas emissions attributed to road transport,” pahayag ni NEDA Secretary Arsenio Balisacan, tulad ng naka-post sa website ng ahensya.

Sinasabing ang zero emissions ng e-motorcycles ay isa sa “most emphasized traits” dahil ang transportation sector ay responsable sa pagbuga ng 35.42 million tons ng carbon dioxide noong 2022, na nag-ambag sa climate change, ayon sa datos ng Statista.

“By encouraging consumers to adopt EVs, we are promoting a cleaner, more resilient, and more environmentally friendly transportation alternative,” ayon kay Balisacan.

Napag-alaman na buhat nang magkabisa ang EO 12 noong February 2023, hiniling na ng EV industry leaders ang isama ang e-motorcycles sa ilalim ng executive issuance, kinuwestiyon ang layunin nito at iginiit ang inclusion nito sa sandaling isagawa ang pagrebyu.

Dalawa sa kanila, ang think tank Stratbase ADR Institute at ang advocacy network CitizenWatch Philippines, ang aktibong nagkakampanya para sa tax breaks sa e-motorcycles magmula noong 2023, kung saan binigyang-diin nila ang mga benepisyo sa bansa, kapaligiran, at ekonomiya sa sandaling maisama sa mga sasakyan sa bansa.

Nagpahayag din ng solidong suporta ang Electric Kick Scooter (EKS) of the Philippines, Electric Vehicle Association of the Philippines (EVAP), at ilang ahensya ng pamahalaan sa pag-aalis sa taripa sa e-motorcycles, na maliwanag sa kani-kanilang posisyon sa Tariff Commission matapos ang public hearing nito noong Marso.

Batay sa initial version ng EO 12, tanging e-motorcycles ang pinapatawan ng 30 percent import tax, habang ang ibang uri ng EVs ay binawasan o inalis sa tariff rates.

Isiniwalat naman ng Statista Research Department na ang motorcycles ay bumubuo sa humigit-kumulang 7.81 million registered vehicles sa bansa noong 2022, na siyang pinakapopular na vehicle type sa mga motorista.

Hangad din ng Department of Energy (DOE) na taasan ang EV fleet ng bansa ng 50%, o karagdagang 2.4 million units, sa pag-asang makatulong ang green transportation sector na mabawasan ang 35.42 million tons ng carbon dioxide emissions ng bansa noong 2022, na nag-ambag sa climate change.

Pinagtibay ang EO 12 upang tulungan ang Electric Vehicle Industry Development Act (EVIDA) na lumikha ng isang industriya para sa EVs sa bansa at makatulong sa pagbabawas ng carbon emissions, bilang pagtalima sa commitment ng Pilipinas sa Paris Agreement.

MARIING ipinanawagan ng isang consumer group na suspindehin ang lease fees para sa telecommunications companies kasabay ng pagsasabing ang internet connection sa digital era ay isang pangunahing pangangailangan.

Batay sa isang official statement, sinabi ng Bantay Konsyumer, Kalsada, Kuryente (BK3) na ang internet connection ay dapat tingnan na katulad ng utilities tulad ng tubig at koryente.

“Dapat itong tingnan bilang katulad ng tubig at kuryente na maagang isinasama sa disenyo ng lahat ng gusali ng gobyerno at pribadong sektor, at maging lease-free,” sabi sa statement.

“Hindi natin kailangan ang dagdag sa gastos sa mga basic utility na tiyak na idadagdag din naman sa singilin ng mga konsyumer,” dagdag pa ng grupo.

Binigyang diin ng grupo na ang communication at digital connectivity ay dapat ituring na “basic human right.”

“Mahalaga ito sa ating pagsulong. Kailangan nating masiguro na accessible at napapakinabangan ang internet ng bawat konsyumer at mamamayan,” ayon sa BK3.

Matatandaang iginiit ni House Deputy Majority Leader at ACT-CIS party-list Rep. Erwin Tulfo na ang mga gusali at ari-arian ay dapat mag-alok ng zero lease para sa instalasyon ng broadband connectivity, at sinabing dapat ikonsidera ng pribadong sektor ang hakbang dahil halos 800 gusali sa Metro Manila ang nag-alis na ng lease fees.

Nabatid na sa kasalukuyan, may 105 developers sa Makati City ang nagpatupad ng lease-free setup para sa broadband connectivity, sa Taguig City ay may 91 gusali at sa Quezon City ay may 57.

The Philippines’ first Disney Store to open in SM Mall of Asia  

Filipinos are in for a magical experience as International Toy World Inc. (ITWI), an SM Retail Affiliate, proudly announces the arrival of the first Disney Store in the Philippines! The flagship store is slated to open at the SM Mall of Asia in September 2024. 

Disney Store is the official home to shop the stories you love from Disney, Pixar, Marvel and Star Wars. With authentic products for all ages, shoppers can look forward to high-quality toys, collectibles, apparel, home products and more, including select products from Disney Parks. There’s something for everyone! 

“We’re excited to partner with SM and International Toy World Inc to launch the first-ever Disney Store in the Philippines.  With this store, we will extend the magic of Disney beyond the screen and bring much-loved characters and storytelling to our guests through products that are original and exclusive to Disney Stores,“ said Sara Grewal, Vice President, Retail, Disney Consumer Products Asia-Pacific. 

“We are thrilled to be partnering with Disney to bring to the Philippines the unique experiences and products that fans have come to associate with Disney and Disney Stores around the world. It truly offers a retail destination for the whole family filled with wonder and joy,” said Ms. Rose Marie Dylim, President of International Toy World Inc. (ITWI).  

Stay tuned for more details about the opening festivities. 

Follow @DisneyStorebySM on Facebook, Instagram, Twitter, and TikTok, for updates and join us in spreading the excitement using #DisneyStorePH. 

INIHAYAG ni Pangulong Ferdinand Marcos Jr. na nagagawa ng mga Pilipino na mapagtagumpayan ang mga kasalukuyang hamon na kinakaharap ng bansa.

Binigyang-diin ito ni PBBM sa kanyang talumpati sa ika-503 anibersaryo ng ‘Battle of Mactan’ sa Lapu-lapu City.

Ayon sa Pangulo, nananatiling buhay ang diwang makabayan ng mga Pilipino hindi lamang sa Visayas kundi maging sa buong Pilipinas.

Aniya, sa pagkakaroon ng “patriotism” ay hindi lamang naipapakita ang pagmamahal sa bawat isa kundi napoprotektahan din ang karapatan at soberanya ng bansa.

Binanggit din ng Presidente ang kahalagahan ng pagkakaisa at pagkakaroon ng lakas ng loob upang labanan ang mga panggigipit.

“Ngunit sa panahong ito, may mga makabagong pagsubok tayong hinaharap na ang solusyon ay hindi dahas o armas. Nangangailangan ito ng ating katapangan, ng ating pagkilos, at higit sa lahat ang ating pagkakaisa,” ayon sa Pangulo.

Aminado naman si Pangulong Marcos na hindi madaling labanan ang mga problema gaya ng kahirapan at kagutuman.

Subalit nananatili aniyang committed ang kanyang administrasyon sa pagsusulong ng mga hakbang upang masolusyonan ang mga ito, kasama na rito ang pamamahagi ng tulong sa mga nangangailangan at paghikayat sa mga kumpanya na mamuhunan sa bansa para makalikha ng mas maraming trabaho.

NANAWAGAN si Pangulong Ferdinand Marcos Jr. sa mga residente ng Maguindanao del Norte na makilahok sa idaraos na kauna-unahang parliamentary elections sa Bangsamoro Autonomous Region in Muslim Mindanao (BARMM) sa May 2025.

Sa kanyang talumpati sa 10th anniversary ng paglagda sa Comprehensive Agreement on Bangsamoro (CAB), tiniyak ng Pangulo sa mga residente sa lalawigan ang pagdaraos ng tapat, payapa at credible na eleksyon.

“And I also take this opportunity to remind you to exercise your right to suffrage as you chart your political future in the forthcoming first BARMM elections in May 2025,” ayon sa Pangulo.

Hinimok din niya ang mga residente na pahalagahan ang kanilang mga boto.

“I urge you, safeguard those rights, empower yourselves, take part in our shared task of nation-building. Hindi lamang ako umaasa na malinis at payapa ang halalang ito, pero higit sa lahat, ang bawat kandidato ay tangan ang prinsipyo ng Bangsamoro – ang Bangsamoro Muna Bago Sarili,” dagdag pa ni Pangulong Marcos.

Bunsod ng isinusulong na layuning “Better Bangsa Moro,” sinabi ni Marcos na titiyakin ng pamahalaan na magiging credible ang proseso ng halalan sa lugar.

Kasabay nito, binalaaan naman ni PBBM ang mga nagbabalak na manggulo sa eleksyon.

“As your President, I assure that you will have an honest, orderly and credible conduct of the electoral process. Let this also serve as a warning to those who may plan to threaten and derail this upcoming election, huwag n’yo nang isipin ‘yan dahil ang kakalabinin na ninyo ay ang pamahalaan,” ayon pa sa Presidente.

Matatandaang dumalo si Pangulong Marcos sa idinaos na commemoration ceremony sa anibersaryo ng paglagda sa CAB sa Maguindanao del Norte.

BINIGYANG-DIIN ng isang digital advocacy network na dapat alisin ng Pilipinas ang lease payments para sa paglalagay ng internet connection, binigyang-diin na magkakaroon ito ng positibong epekto sa Filipino web users.

“Removing the lease fees for the broadband connectivity may lead to better telecommunications services for the public and will also improve the internet links in the country,” wika ni Digital Pinoys National Campaigner Ronald Gustilo.

“This will impact the lives of internet users in our country positively,” pagbibigay-diin niya.

Sinabi rin ni Gustilo na dapat ipag-utos ng pamahalaan ang pag-aalis o pag-regulate sa lease fees at bigyan ng insentibo ang telcos upang palawakin ang coverage sa underserved areas at mag-invest sa digital infrastructure.

Sa Africa ay sinimulan na ng gobyerno nito ang pagkilala sa kahalagahan ng broadband connectivity upang magkaloob ng sapat na internet connection sa buong populasyon nito.

Ipinag-utos naman ng Singapore government ang hindi na pagbabayad ng upa ng internet service providers.

Sa kabila ng zero lease na pinapayagan sa bansa, mayroon lamang 767 gusali o properties na nagpapatupad ng zero lease at ang mga tenant ay nakararanas ng magandang telecommunications connectivity.

Samantala, ang central business districts tulad ng Makati, Bonifacio Global City at Cebu ay may mababang porsiyento ng mga gusali na nag-aalok ng no leasing fees gayong mahalaga ito sa naturang mga lugar para sa uninterrupted businesses.

Nauna rito ay hiniling ni Globe President and Chief Executive Officer Ernest Cu sa property developers na alisin ang lease fees para sa instalasyon ng telecommunications facilities, at sinabing sa panahong ito, ang connectivity ay kasing halaga ng electricity at water supplies.

Ipinaliwanag ni Cu na ang leasing costs ay nakadaragdag sa pasanin ng telco companies na makapagbibigay sana ng mas mataas na kalidad ng serbisyo kung ang nasabing gastusin ay ilalaan para sa pagpapalawak ng saklaw ng internet access.