HEADLINES

Aabot sa humigit kumulang 50 mga dating miyembro ng CPP-NPA ang pinabakunahan ng Army’s 4th Infantry Division kontra COVID-19 kasama ang kanilang mga ka-anak.

Ayon kay 4th ID Commander, MGen. Romeo Brawner, ito’y bilang pagtupad sa kaniyang alok na libreng bakuna para sa mga miyembro ng kilusang komunista ngunit kapalit nito ang pagbaba ng kanilang armas.

Nitong nakalipas na linggo lang, 11 dating rebelde at 6 na ka-anak nito ang pinabakunahan ng 88th Infantry Battalion sa Maramag, Bukidnon habang 15 dating rebelde naman sa Claveria, Misamis Oriental.

7 dating rebelde naman ang pinabakunahan ng 75th Infantry Battalion kasama ang dating commander ng sub Regional Sentro de Gravidad sa ilalim ng Westland North Eastern Mindanao Regional Committee sa San Miguel, Surigao del Sur.

Habang 6 na dating rebelde at 4 na ka-anak ng mga ito ang napabakunahan ng 23rd Infantry Battalion sa Buenavista, Agusan del Norte.

Ginawa ni Brawner ang alok matapos magpositibo sa COVID-19 ang 1 nasawi sa nangyaring engkwentro sa Bukidnon kamakailan gayundin ang 14 na iba pang naaresto. —sa ulat ni Jaymark Dagala (Patrol 9)

Mahigit 2-M doses ng Pfizer-Biotech COVID-19 vaccine ang dumating sa bansa nitong Linggo ng gabi.

Ang 2,020,590 doses ng Pfizer vaccines ay lulan ng Emirates Flight EK2520 na lumapag sa Ninoy Aquino International Airport Terminal 3 dakong 11:50 ng gabi.

Sa ngayon, aabot na sa 18.2-M Pilipino ang fully-vaccinated na mula nang umpisahan ng gobyerno ang COVID-19 vaccination drive noong Marso 1. —sa panulat ni Hyacinth Ludivico

Naglunsad na ng imbestigasyon ang Department of Health – CALABARZON hinggil sa mga nakatenggang bangkay sa isang bahagi ng Quezon Medical Center sa Lucena City.

Kinumpirma ito ni DOH–CALABARZON Director Eduardo Janairo at sinabing nais ng karamihan sa mga kaanak ng namamatay sa COVID- 19 ay ma-cremate ang bangkay ng mga ito.

Gayunman, dahil sa kakulangan ng crematorium sa lalawigan ay pwede rin aniyang ilagay sa body bag ang mga bangkay gayundin ang ataol na paglalagakan sa mga ito bago ilibing.

Ang nasabing ospital ay pinamamahalaan ni Dr. Rolando Padre kung saan itinuro niya ang DILG at Local Government Unit bilang responsible sa mga bangkay.

Sinabi naman ni Gov. Danilo Suarez na hindi naman nila inaasahan ang pagdagsa ng mga patay sa ospital maging ang pagdami ng bilang ng mga namamatay sa virus araw-araw sa kanilang lalawigan. —sa panulay ni Hyacinth Ludivico

Posibleng ipatupad sa buong bansa ang alert level system, na umiiral sa Metro Manila bilang pilot area, simula sa Oktubre 1.

Ayon kay Interior Secretary Eduardo Año, nakasalalay na kay Pangulong Rodrigo Duterte ang desisyon.

Sakali anyang aprubahan ng Pangulo, kailangang makasabay ang mga Local Government Unit (LGU) sa sistema kabilang ang mahigpit na pagpapatupad ng kani-kanilang ordinansa.

Dapat i-reactivate ng mga LGU maging ang NCRPO ang kanilang Task Force Disiplina, Barangay Disiplina Brigades, Force Multipliers at Police Marshalls upang mapigilan ang mga aktibidad na bahagi ng 3C strategy o Closed, Crowded at Close Contact.

Hinimok din ng kalihim ang lahat ng Cabeza De Barangay at Hepe ng Pulisya na mahigpit na i-monitor ang lahat ng aktibidad sa kanilang lugar upang matiyak na ang patalima sa bagong guidelines.

Kakaibat ng alert level system ang pagpapatupad ng granular lockdowns sa mga lugar na tinukoy ng mga l.g.u. bilang “Critical Zones.” —sa panulat ni Drew Nacino

Tinatayang 150kg ng basura ang nakolekta kasabay ng world cleanup day.

Kabilang sa mga nakolekta ay plastic, facemasks, faceshields at personal protective equipments.

Isinigawa ang coastal cleanup sa coastal cleanup sa Legazpi City, Albay; Subic Bay freeport zone  at Tingloy, Batangas.

Sa 2021 report ng our world in data, isang scientific online publication, 36 ng plastic waste sa asya ay nagmumula sa Pilipinas. —sa panulat ni Drew Nacino

Maaari ng makatanggap ng cash assistance sa pamamagitan ng pag-a-apply sa Employees Compensation Commission o ECC ang mga empleyadong dinapuan ng COVID-19.

Ayon sa ECC, maaaring ipadala ang mga aplikasyon at iba pang dokumento sa pamamagitan ng courier services.

Ang cash assistance program ay benepisyo ng ECC na kadalasang nagkakahalaga ng 10,000 hanggang P15,000 s sakaling magkasakit o mamatay ang isang empleyado.

Maaaring ipadala ng mga aplikante ang kanilang proof of approved EC claim mula sa Social Security System o government service insurance system, accomplished cash assistance form at kopya ng dalawang government issued ID.

Kabilang din sa requirements ang kahit anong medical o quarantine certificate tulad ng RT-PCR positive test result at rapid antigen test result na may with medical certificate. —sa panulat ni Drew Nacino

Itinanggi ng United Nations na napabagal ng COVID-19 pandemic ng climate change.

Ayon sa  UN hindi napababa ng pandemya ang epekto ng climate change at nananatiling maliit ang tsansa na mapabagal ito.

Nilinaw naman ng World Meteorological Organization na hindi sapat ang pagbaba ng co2 emission o mga usok na nagmumula sa mga sasakyan at pabrika para mapababa ang greenhouse gases.

Hindi rin patungo sa tamang direksyon ang kampanya ng mundo kontra climate change.

Malaki rin ang tsansa na hindi maabot ang target sa ilalim ng Paris agreement na bawasan ang global warming ng 1.5 degrees celcius.—sa panulat ni Drew Nacino

Handa na umano si Vice President Leni Robredo na mag-file ng kanyang Certificate Of Candidacy (COC) sa pagka-Pangulo kung pipiliin bilang kandidato ng isang united opposition sa 2022 national elections.

Ayon kay Robredo, matagal na niyang pinaghandaan ang nasabing hakbang lalo’t batid naman niyang ang pangunahing mandato ng Bise Presidente ay humalili sakaling may mangyari sa Pangulo.

Gayunman, nilinaw ng pangalawang Pangulo na hindi naman niya hinihinging magkaroon ng ganoong scenario at binigyang-diin lamang ang responsibilidad niya bilang Bise Presidente.

Una nang inihayag ni Robredo handa niyang harapin sa 2022 polls si dating Senador Bongbong Marcos na kanyang tinalo noong 2016 Vice Presidential race.

Samantala, aarangkada na simula Oktubre 1 ang filing ng COC.—sa panulat ni Drew Nacino