HEADLINES

Maaari ng makatanggap ng cash assistance sa pamamagitan ng pag-a-apply sa Employees Compensation Commission o ECC ang mga empleyadong dinapuan ng COVID-19.

Ayon sa ECC, maaaring ipadala ang mga aplikasyon at iba pang dokumento sa pamamagitan ng courier services.

Ang cash assistance program ay benepisyo ng ECC na kadalasang nagkakahalaga ng 10,000 hanggang P15,000 s sakaling magkasakit o mamatay ang isang empleyado.

Maaaring ipadala ng mga aplikante ang kanilang proof of approved EC claim mula sa Social Security System o government service insurance system, accomplished cash assistance form at kopya ng dalawang government issued ID.

Kabilang din sa requirements ang kahit anong medical o quarantine certificate tulad ng RT-PCR positive test result at rapid antigen test result na may with medical certificate. —sa panulat ni Drew Nacino

Itinanggi ng United Nations na napabagal ng COVID-19 pandemic ng climate change.

Ayon sa  UN hindi napababa ng pandemya ang epekto ng climate change at nananatiling maliit ang tsansa na mapabagal ito.

Nilinaw naman ng World Meteorological Organization na hindi sapat ang pagbaba ng co2 emission o mga usok na nagmumula sa mga sasakyan at pabrika para mapababa ang greenhouse gases.

Hindi rin patungo sa tamang direksyon ang kampanya ng mundo kontra climate change.

Malaki rin ang tsansa na hindi maabot ang target sa ilalim ng Paris agreement na bawasan ang global warming ng 1.5 degrees celcius.—sa panulat ni Drew Nacino

Handa na umano si Vice President Leni Robredo na mag-file ng kanyang Certificate Of Candidacy (COC) sa pagka-Pangulo kung pipiliin bilang kandidato ng isang united opposition sa 2022 national elections.

Ayon kay Robredo, matagal na niyang pinaghandaan ang nasabing hakbang lalo’t batid naman niyang ang pangunahing mandato ng Bise Presidente ay humalili sakaling may mangyari sa Pangulo.

Gayunman, nilinaw ng pangalawang Pangulo na hindi naman niya hinihinging magkaroon ng ganoong scenario at binigyang-diin lamang ang responsibilidad niya bilang Bise Presidente.

Una nang inihayag ni Robredo handa niyang harapin sa 2022 polls si dating Senador Bongbong Marcos na kanyang tinalo noong 2016 Vice Presidential race.

Samantala, aarangkada na simula Oktubre 1 ang filing ng COC.—sa panulat ni Drew Nacino

Nasakote ng mga pulis ang anak ng bilyonaryong negosyanteng si Roberto Ongpin, sa bayan ng San Juan, La Union dahil sa pagdadala ng cocaine.

Kinilala ang suspek na si Julian Ongpin, 29 anyos habang patay na nang madatnan ang kasama nitong babae na si Bree Jonson, 30 anyos, sa hotel room na kanilang tinutuluyan.

Ayon kay Maj. Gerardo Macaraeg, hepe ng San Juan Police Chief, maraming cocaine ang narekober sa kama ng nakababatang ongpin habanginaalam na kung ano ang sanhi ng pagkamatay ni Jonson.

Gabi ng Biyernes nang dumating sina Ongpin at Jonson pero dakong alas 3:30 ng madaling araw nang marinig ang isang komosyon sa kwarto ng dalawa na tumagal ng labinglimang minuto.

Batay anya sa CCTV footage, tila balisa ang batang ongpin habang labas-pasok sa kwarto at napag-alamang naka-inom ng alak.

Nakatakda namang magsamap ng kasong possession of illegal drugs laban kay ongpin ngayong araw habang inaasahang ilalabas na ang resulta ng autopsy kay Jonson.—sa panulat ni Drew Nacino

Naglunsad na ng imbestigasyon ang Department Of Health – CALABARZON hinggil sa mga nakatenggang bangkay sa isang bahagi ng Quezon Medical Center sa Lucena City.

Kinumpirma ito ni DOH – CALABARZON Director Eduardo Janairo at sinabing nais ng karamihan sa mga kaanak ng namamatay sa covid- 19 ay ma-cremate ang bangkay ng mga ito.

Gayunman, dahil sa kakulangan ng crematorium sa lalawigan ay pwede rin aniyang ilagay sa body bag ang mga bangkay gayundin ang ataol na paglalagakan sa mga ito bago ilibing.

Ang nasabing ospital ay pinamamahalaan ni Dr. Rolando Padre kung saan itinuro niya ang DILG at Local Government Unit bilang responsible sa mga bangkay.

Sinabi naman ni Gov. Danilo Suarez na hindi naman nila inaasahan ang pagdagsa ng mga patay sa ospital maging ang pagdami ng bilang ng mga namamatay sa virus araw-araw sa kanilang lalawigan.—sa panulat ni Hyacinth Ludivico

Himas rehas ngayon ang isang lalaki matapos makumpiska ng mga pulis ang aabot sa P6 milyong halaga ng Marijuana sa Barangay New Lower Bicutan, Taguig City.

Kinilala ang suspek na si Fredo Diwan alyas Waliw na inaresto ng Taguig City Police Station.

Ayon sa Philippine National Police, nadakip ang drug suspek matapos magsagawa ng buy-bust operation sa nabanggit na lugar.—sa panulat ni Angelica Doctolero

Arestado ang 8 babae matapos magkasa ng buy-bust operation sa magkakahiwalay na lugar sa lalawigan ng Cavite ang mga otoridad.

Sa report ng Cavite Police Provincial Office, nanguna sa listahan ng may pinakamaraming nagtutulak ng iligal na droga ang Bacoor at bayan ng Tanza.

Sumunod dito ang Dasmarinas City, Gen. Mariano Alvarez (GMA) habang ang Trece Martires City, Gen. Trias City at Kawit naman ang may pinakamababang kaso.—sa panulat ni Angelica Doctolero

Pinasalamatan ni National Task Force against COVID-19 Chief Implementer Sec. Carlito Galvez Jr. ang Russian direct investment fund sa pagdeliver ng aabot sa 190,000 doses ng Sputnik V (component 2) COVID-19 vaccines.

Ang component 2 shipment ng Russian vaccine ay dumating sa Ninoy Aquino International Airport Terminal 3 sa Pasay City Sabado ng gabi.

Ayon kay Secretary Galvez ang mga bagong bakuna ay ipapadala sa Bohol, Isabela, Bacoor, Metro Manila, at iba pang lugar sa  regions 3 at 4-A.

Inaasahan naman na mas madaragdagan pa ang mga bakunang ipapadalasa bansa.—sa panulat ni Angelica Doctolero