Ipinasara ng pamahalaang lungsod ng Makati ang tatlong restawran dahil sa umano’y kawalan ng business permit.
Ayon sa Makati LGU, kabilang sa mga sinilbihan ng closure order ay ang Alama Filipino Pub, Resaurante de Poblacion Inc., at Restaurante Felipe na pawang matatagpuan sa Barangay Poblacion.
Matatandaang ipinag-utos ng lokal na pamahalaan ang crackdown laban sa mga commercial establishments na illegal na nag-o-operate sa lungsod.
Nagbukas na ang Philippine Statistics Authority ng online booking para sa Philippine Identification System o PhilSys Step 2 process sa tatlong probinsya at lungsod sa Bangsamoro Autonomous Region in Muslim Mindanao o BARMM.
Ayon sa PSA, simula noong Setyembre 6 ay tumatanggap na ng appointment ang Marawi City sa Lanao del Sur; Cotabato City, Datu Odin Sinsuat, Datu Abdullah Sangki, at Matanog sa Maguindanao; at Jolo, Sulu.
Noong Septyembre 28 naman umarangkada ang PhilSys Step 2 process sa Isabela City, Lamitan City, Sumisip sa Basilan; at Parang, Sulu.
Sa Step 2 registration ay bina-validate ang demographic data na isinumite online ng isang registrant at kinukunan ng biometrics ang aplikante tulad ng larawan, fingerprints, at iris scans.
Tiniyak ni National Task Force against COVID-19 Chief Implementer Carlito Galvez Jr. na may sapat na storage space o pasilidad na pag-iimbakan ng mga bagong dating na COVID-19 vaccines.
Ginawa ni Galvez ang pahayag kasunod ng pagdating ng mahigit 100,000,000 doses ng Moderna vaccines sa bansa.
Sinabi ni Galvez na nakikipag-ugnayan na rin ang Department of Health (DOH) sa mga rehiyon, lalawigan, at munisipalidad para hindi masayang ang mga bakuna at mapabilis ang vaccination program ng pamahalaan.
Isiniwalat ng aktres na si Andrea Brillantes na tinamaan siya ng COVID-19.
Sa isang programa sa telebisyon, nilinaw naman ni Andrea na wala siyang nararamdamang anumang sintomas ng impeksiyon.
Binanggit din ng aktres na nakaapekto rin sa kanyang mental health ang insomnia at anxiety habang naka-quarantine.
Samantala, inamin din ni Andrea na madalas siyang binabangungot at nakakaranas ng sleep paralysis.
Gagawin nang regular ang lahat ng empleyadong nanilbihan sa loob ng 10 taon sa pamahalaan ni Pasig City Mayor Vico Sotto.
Aniya, aalisin na ng kaniyang administrasyon ang “casual positions” at maglalaan ng mas marami pang slot upang ma-regular ang mga empleyado.
Samantala, ang panuntunan ay inaasahang magsisimula sa Enero, ayon kay Sotto.—sa panulat ni Airiam Sancho
Ang pag endorso ng opposition coalition 1Sambayan ang nagpabago sa isip ni Vice President Leni Robredo para tumakbo bilang presidente sa 2022 national elections.
Inamin ito ni Robredo dahil ang talagang plano niya ay magpahinga o kumandidato sa local elections kaya’t puspusan niyang isinulong ang unification at tutulong na lamang aniya siya sa national candidates.
Ayon pa kay Robredo ..nang mabigo ang unification talks ..nag isip siya kung sino ang susuportahan sa pagka-pangulo na mayruong kaparehong paniniwala niya.
Subalit dumating aniya ang endorsement ng 1Sambayan na kanyang tinanggap kahit alam niyang salat sila sa resources para manalo.
Nagpapasalamat si Robredo sa nakuhang suporta matapos ang deklarasyong pagpalaot sa 2022 presidential elections ..kabilang ang volunteers na gagastos ng sariling pera nila para sa kanyang kampanya, mga nagpopost sa social media at maging mga artista at personalidad na sumusuporta sa kanya.
Binuksan na ng Philippine Red Cross (PRC) ang ika-24 na bagong Bakuna Center hinggil sa COVID-19 sa probinsya ng La Union.
Ayon kay PRC La Union Chapter Administrator Almira Abrazado, mayroong 80 staff, 4 na physician at 10 support volunteer sa bakuna center na matatagpuan sa Rotary Service Center, Paringao.
Samantala, ang operasyon ng naturang bagong center ay de-depende sa supply ng bakuna na ilalaan ng lokal na pamahalaan. —sa panulat ni Airiam Sancho
Pinangunahan ng Department of Health (DOH)- CALABARZON ang pamamahagi ng maternity kits o “mama kits” sa iba’t ibang opisina ng probinsya.
Ayon kay Regional Director Eduardo Janairo, kabuuang 2,500 kits ang ipinagkaloob ng DOH sa rehiyon kung saan matatanggap ng bawat lalawigan ang tig-500 ng kits.
Aniya, naglalaman ang mama kits ng mga supply tulad ng bulak, cotton cloth, nail cutter, maternity pads at iba pa na makatutulong sa kaligtasan ng panganganak ng mga buntis upang maiwasan ang pagkakaroon ng impeksyon sa mga bagong silang na sanggol. —sa panulat ni Airiam Sancho
Inaresto ng National Bureau of Investigation (NBI) ang umano’y nagpapakilalang kinatawan ng Obispo upang makahingi ng donasyon sa mga senador.
Ayon kay NBI special task force executive officer Sixto Espinesin Jr., kinilala ang suspek na si John Curt Resco, isang scammer at nagpakilalang kinatawan ng Obispo sa siyudad ng Daet, Camarines Norte na nanghihingi ng P300K para sa Diocese.
Samantala, sinabi ni Resco sa NBI na isang detainee mula sa Manila City Jail na si Dennis Jose Borbon ang mastermind sa insidente.
Dahil dito, hiniling ng opisina ni senate president Vicente Sotto III ang koordinasyon ng NBI upang imbestigahan ang naturang insidente.—sa panulat ni Airiam Sancho
Kinumpiska ng awtoridad ang armas at mga bala ng isang kapitan sa barangay at tauhan nito sa bayan ng Talitay, North Cotabato.
Kinilala ang suspek na si Benjamin Mantol alyas “Datu mama”.
Ayon kay Major General Juvymax Uy, inatasan niya ang 90th Infantry Battalion (90-IB) at mga nasasakupang military units na magmamanman sa lalawigan dahilan para mahuli ang tauhan ng 6th infantry division (6-ID) nang mapadaan ang truck na sinasakyan sa isang checkpoint.—sa panulat ni Airiam Sancho