Winelcome ng OWWA ang pinaikling quarantine period para sa mga papauwing OFW.
Ayon kay OWWA Administrator Hans Cacdac .. maraming OFWs ang fully vaccinated na at nais kaagad makapiling ang kanilang pamilya kaya’t magandang hakbang ang pagpapaikli ng isolation period.
Makakatulong din aniya ang nasabing hakbangin para mabawasan ang gastos ng ahensya sa pananatili sa quarantine facilities ng mga OFW’s.
Ipinabatid ni Cacdac na halos 10,000 OFWs ang nasa isolation facilities.
Patay ang mag-asawa matapos sumabog ang isang granada sa gitna ng kanilang pagtatalo sa lungsod ng Malaybalay, Bukidnon.
Sa inisyal na imbestigasyon, lumabas na kinokompronta ng asawang lalaki na si Jojit Leona ang kaniyang asawa na si Romalyn Leona dahil umano sa selos habang hawak-hawak nito ang isang granada.
Habang patuloy ang mainit na pagtatalo ay bigla na lamang sumabog ang hawak na granada ni Jojit.
Samantala, nasaktan naman sa naturang pagsabog ang lima pa kabilang ang isang bata at sanggol.—sa panulat ni Airiam Sancho
Inihayag ng Department of Health na kailangan pang i-review ng mga eksperto ang COVID-19 treatment drug na Ronapreve bago ito gawing available sa publiko.
Ang pahayag ay ginawa ni Health Undersecretary Maria Rosario Vergeire kahit binigyan na ng emergency use authorization o EUA ng Food and Drug Administration ang Ronapreve noong Oktubre 1.
Nilinaw din ni Vergeire na sa kabila ng EUA, magagamit lamang ito ng mga ospital kung aprubado na ng DOH at ng mga medical experts.
Maliban dito, iginiit din ng DOH na maaari lamang gamitin ang Ronapreve sa mga kumpirmadong COVID-19 patients na labindalawang taong gulang pataas na nakakaranas ng banayad hanggang katamtamang mga sintomas.
Arestado ang dalawang lalaki matapos ang ikinasang buy bust operation ng awtoridad sa lungsod ng Muntinlupa.
Sa inisyal na report ni Southern Police District director general Jimili Macaraeg, kinilala ang mga suspek na sina Bobby Canace at Jesus Acruz Borja.
Aniya, idineklara ang pag-aresto ng magkapalitan na ng droga sa isang nagpapanggap na buyer.
Samantala, nakumpiska sa mga suspek ang nasa 500 gramo ng shabu na tinatayang nasa P3.7-M ang halaga.—sa panulat ni Airiam Sancho
Pinaigting ng Bureau of Customs ang operasyon laban sa pekeng COVID-19 related products.
Ayon kay customs spokesperson assistant commissioner Vincent Philip Maronilla, tiniyak niya ang mahigpit na koordinasyon sa Department of Health (DOH) upang masiguro ang regulasyon kontra sa pekeng COVID-19 related products.
Bukod dito, hindi sumailalim sa verification process ang naturang produkto na posibleng makaapekto sa kalusugan ng publiko.
Magugunitang may mga insidente na nahuli ang ahensya tulad ng face mask at mga gamot kontra COVID-19 na hindi sumailalim sa pagsusuri.—sa panulat ni Airiam Sancho
Hinimok ni Manila Archbishop Jose Cardinal Advincula ang publiko na magpabakuna.
Kasunod na rin ito nang pag-recover ni Archbishop Advincula sa COVID-19.
Sinabi ni Advincula na napatunayan niyang malaking bagay ang bakuna para labanan ang COVID-19 kaya’t hinihikayat niya ang lahat na magpabakuna para sa sariling kaligtasan at kaligtasan ng ibang tao.
Nagpasalamat si advincula sa mga nagdasal para sa kanyang paggaling.
Kasabay nito, umapela si Advincula ng dasal para sa mga may sakit at medical frontliners gayundin ang panawagan sa publiko sa mahigpit na sumunod sa health protocols.
Target ng Department of Tourism (DOT) ang mas mababang singil sa RT-PCR test para sa mga turista.
Ayon ito kay tourism secretary Bernadette Romulo-Puyat ay matapos alisin ng IATF ang age restriction policy para sa mga taga-Metro Manila na bibiyahe sa mga tourist destinations sa mga lugar na nasa MGCQ.
Binigyang-diin ni Puyat na isinusulong nila ang affordable travel para sa lahat lalo na kapag pamilya ang magbibiyahe sa mga tourist destination.
Nakatakdang magpakawala ng tubig ang Magat dam mamayang alas-3 ng hapon.
Ito ayon sa National Irrigation Administration (NIA) ay dahil sa malakas na ulang nararanasan sa Ifugao at isabela kung saan nakataas sa signal number 1 dahil sa Bagyong Maring.
Sinabi ng NIA na isang gate ng Magat dam ang bubuksan nila para makapagpakawala ng 200 centimeters ng tubig.
Dadaan sa butas ng karayom ang mga kandidatong naghain ng COC para sa 2022 National Elections.
Tiniyak ito muli ni Comelec spokesperson James Jimenez sa pagsisimula nang pagsala nila sa mga kakandidato sa susunod na eleksyon.
Kabilang dito aniya ang halos isandaang gustong maging Pangulo ng bansa, 28 vice presidentiables at 175 senatoriables.
Sinabi ni Jimenez na tinututukan nila sa pagsala sa mga kandidato ang campaign strategy, plataporma at iba pa.
Kasabay nito, ipinaalala muli ni Jimenez ang Nobyembre 15 deadline para sa substitution.
Balik normal na ang operasyon ng MRT-3 matapos ang isang bagon nito pasado alas-9 kagabi.
Sinabi ni MRT-3 operations director Michael Capati na nagsimula nang bumiyahe ang kanilang mga tren kaninang alas-4:30 ng madaling araw.
Naka-schedule aniyang bumiyahe ngayong araw na ito ang 17 tren ng MRT-3 mula North Avenue hanggang Taft Avenue stations at pabalik.
Ayon kay Capati, tuloy-tuloy ang imbestigasyon nila at assessment sa nangyaring sunog ng sa isa sa mga bagon ng MRT-3.