HEADLINES

TELCO PINALAWAK PA ANG LASER TECHNOLOGY PARA SA BROADBAND AT 5G SA PAKIKIPAGTULUNGAN NG TRANSCELESTIAL

MAS pinalapakas ng Globe ang kakayahan ng kanilang network sa pamamagitan ng Free Space Optics (FSO), isang makabagong laser technology na nagdadala ng fiber-like internet speeds nang hindi nangangailangan ng kable. Sa pamamagitan ng kanilang shared services arm na Fiber Infrastructure and Network Services Inc. (FINSI), nakipagtulungan ang Globe sa Singapore-based Transcelestial Technologies upang ipalaganap ang FSO sa buong bansa. Sinasabing layunin nito na palakasin ang broadband at 5G-ready infrastructure, pati na rin ang network transport capacity sa mga lugar na mahirap maabot ng tradisyunal na fiber. Gamit ang laser light beams, naipapadala ang data sa pamamagitan ng hangin, na nagbibigay-daan para sa mabilis at maaasahang koneksyon kahit sa mga liblib na komunidad. Ang teknolohiyang ito ay napatunayan na sa mga pilot projects sa Visayas at Mindanao, pati na rin sa malalaking kaganapan tulad ng Philippine Arena noong 2024, kung saan pinatakbo nito ang Globe Cell Site on Wheels na may seamless high-speed connectivity. Noong August 2025, nilagdaan ng Globe at Transcelestial ang kasunduan para pabilisin ang deployment ng wireless laser communication sa buong bansa. Bahagi ng partnership ang paggamit ng Centauri laser devices para sa last-mile connectivity, mobile backhaul, at event-based network requirements. Sa hinaharap, tinitingnan din ang Legolas long-distance laser links ng Transcelestial, na maaaring mag-transmit ng data hanggang 15 kilometers, at inaasahang masusubok ng tagumpay nito sa 2026. Ayon kay Gerhard Tan, Senior Director and Head of Technology Strategy and Innovations ng Globe, “Free Space Optics is no longer a pilot for Globe. It is now one of our standard transport solutions. By integrating Transcelestial’s technology into our regular network deployments, we can strengthen our mobile backhaul and deliver high-speed internet to more Filipinos, faster.” Mahalaga ang FSO dahil sa mabilis na deployment nang walang major civil works, multi-gigabit speeds na halos kapareho ng fiber, at flexible coverage na umaabot sa mahirap maabot o underserved na mga lugar. Ang hakbang na ito ay naglalayong bigyan ang mas maraming Pilipino ng access sa mabilis, maaasahan, at modernong koneksyon para sa edukasyon, negosyo, at digital na pamumuhay.

November 17, 2025 0 comment

HEADLINES RONDA PROBINSYA

Suporta sa BARMM protocol ukol sa proteksyon at rehabilitasyon ng mga bata sa loob ng ‘conflict zones’ mas pinaigting ng Marcos admin — OSAP

written by DWIZ 882

Minsan pang pinagtibay ng administrasyong Marcos ang pangako nitong protektahan at tulungan ang rehabilitasyon ng mga bata sa loob ng tinawag na “armed conflict zones.”

“Ang paglunsad ng Bangsamoro Protocol on Handling ‘Children in Situations of Armed Conflicts’ ay may suporta ni Pangulong Marcos at ng kanyang buong administrasyon,” sabi ni Special Assistant to the President Anton Lagdameo.

Ang inisyatiba para protektahan ang mga kabataang naiipit sa lugar na may armadong awayan ay inilunsad bilang bahagi ng pagdiriwang ng Bangsamoro Children’s Month.

Ito’y nagpapakita ng pinag-isang hakbangin upang maprotektahan at maisaayos ang estado ng mga batang naaapektuhan ng armadong tunggalian – na tinitingnan sila bilang mga biktima na nangangailangan ng pag-aaruga at muling pagsasama sa lipunan, sa halip na mga batang lumalabag sa batas.

Kinatawan ni Police Col. Jemuel Siason, Deputy Regional Director for Operations ng Police Regional Office–Bangsamoro Autonomous Region, ang sektor ng seguridad sa aktibidad, at binigyang-diin ang papel ng mga tagapagpatupad ng batas sa pangangalaga sa karapatan at kapakanan ng mga bata sa mga lugar na apektado ng tunggalian.

Ang BARMM CSAC Protocol ay nagsisilbing lokal na pagpapatupad ng Republic Act No. 11188 o ang Special Protection of Children in Situations of Armed Conflict Act, na nag-aatas ng komprehensibong proteksyon at tulong para sa mga menor de edad na nalalantad sa karahasang dulot ng armadong labanan.

Ito rin ay nagpapatibay ng koordinasyon sa pagitan ng pambansang pamahalaan, ng mga ministeryo ng BARMM at ng mga ahensiyang pangseguridad upang maiwasan ang pagrerekrut, mapabilis ang pagsagip at pagbangon ng mga bata, at matiyak ang kanilang psychosocial rehabilitation.

Binigyang-diin ni Lagdameo ang determinasyon ng administrasyong Marcos na ipatupad ang batas para sa mga batang nasa sitwasyong may armadong tunggalian, at iginiit na mananatiling matatag ang pamahalaan sa pagsusulong ng karapatan ng mga bata sa mga apektadong lugar.

“May karapatan ang bawat bata sa ligtas, malusog, at payapang kabataan. Hindi sila nabibilang sa larangan ng digmaan, at may karapatan silang hindi makilala ang mga karumal-dumal na epekto ng giyera. Ang armadong tunggalian, na wala silang kinalaman, ay nag-aalis sa kanila ng karapatang maging bata,” ani Lagdameo.

Binigyang-pansin din niya ang patuloy na pagsisikap ng Department of Social Welfare and Development na palakasin ang prinsipyo ng “children as zones of peace” – isang doktrina na nagsusulong ng pananaw na ang mga bata at ang mga lugar na kanilang tinitirhan ay dapat malaya sa anumang uri ng karahasan o poot.

Aniya, “Ang prinsipyong nais naming maging bahagi ng kamalayan ng bawat Pilipino ay ang pagtingin sa mga bata bilang mga ‘zones of peace’. Sila ang pinakamalinaw na dahilan ng pag-iral ng isang Estado – upang mapangalagaan ang pinaka-marupok nitong mamamayan at mapanatili ang sarili nitong kinabukasan. Ang Estado na walang mga bata ay isang Estadong nasa bingit ng pagkawala.”

Itinuring din ni Pangulong Ferdinand Marcos Jr. ang kapakanan ng mga bata sa rehiyong Bangsamoro bilang isa sa mga prayoridad ng kanyang administrasyon, lalo na yaong mga naapektuhan ng matagal na dekadang armadong tunggalian.

Ayon sa Pangulo, “Ang mga bata ay dapat maprotektahan laban sa lahat ng uri ng panganib. Dapat gawin ang lahat ng paraan upang matiyak na sila ay ligtas at napangangalagaan sa lahat ng pagkakataon.”

Ang paglulunsad ng BARMM CSAC Protocol ay isang mahalagang tagumpay sa pagsasakatuparan ng mga mekanismong lokal para sa proteksyon ng mga bata sa mga lugar na apektado ng tunggalian, habang sinusuportahan din nito ang mas malawak na pambansang adyenda para sa kapayapaan at kaunlaran.

Sa pamamagitan ng pagpapatatag ng ugnayan ng iba’t ibang ahensya—kabilang ang pamahalaang BARMM, Armed Forces of the Philippines, Philippine National Police, at mga humanitarian partners – layunin ng protocol na matiyak na walang batang Pilipino ang maiiwan sa layuning makamit ang pangmatagalang kapayapaan sa Mindanao.

November 13, 2025 0 comment

HEADLINES NATIONAL NEWS

TELCO AT T.I.P. NAGSANIB-PWERSA

written by DWIZ 882

Sa gitna ng patuloy na pagtaas ng mga kaso ng cyberattacks at online threats sa bansa, nagsanib-puwersa ang Globe at ang Technological Institute of the Philippines (T.I.P.) upang palakasin ang adbokasiya ng digital safety sa mga kabataan sa pamamagitan ng Digital Thumbprint Ambassador Program, isang inisyatibong naglalayong gawing tagapagsulong ng ligtas at responsableng paggamit ng internet ang mga estudyante.

Ayon kay Yoly Crisanto, Globe Group Chief Sustainability and Corporate Communications Officer, mahalagang mabigyan ng tamang kaalaman at kumpiyansa ang kabataan sa paggamit ng digital platforms.

Ang mga kabataan aniya ang nasa unahan ng digital world kaya sila rin ang pinakaapektado sa mga panganib nito.

“Sa programang ito, tinuturuan natin silang protektahan hindi lang ang sarili, kundi pati ang iba, upang makabuo ng mas ligtas at may malasakit na online community,” ani Crisanto.

Sa ilalim ng nasabing partnership, sasanayin ng Globe ang mga piling estudyante ng T.I.P. bilang Digital Thumbprint Ambassadors.

Magiging bahagi sila ng mga pagsasanay sa digital literacy at cybersecurity at magsisilbi ring mga tagapagturo at kinatawan ng kanilang paaralan sa iba’t ibang cyber wellness events.

Sinasabing kasama rin sa mga benepisyo ang mentorship, internship opportunities at tulong sa pagpapatupad ng kanilang mga community projects.

Para naman kay Dr. Frank Alejandrino, Vice President for Student Affairs and Services ng T.I.P., malaking hakbang ito sa paghubog ng mga kabataang may malasakit sa lipunan.

“Layunin naming ‘di lang magtagumpay sa akademya ang aming mga estudyante, kundi maging responsable at makabuluhang mamamayan. Sa tulong ng Globe, nagkakaroon sila ng pagkakataong gamitin ang teknolohiya para sa kabutihan ng lahat,” aniya.

Mula nang ilunsad ang programa, umabot na sa halos dalawang milyong estudyante ang naabot ng Globe Digital Thumbprint Program (DTP) sa buong bansa at mahigit 115,000 guro at mag-aaral ang naturuan sa larangan ng digital literacy.

Ngayong 2025 pa lamang, higit 21,000 participants na ang lumahok sa mga learning sessions nito.

Hinikayat naman ng telco ang mga paaralan sa bansa na makiisa sa programa upang sama-samang palakasin ang digital empathy, respeto at accountability sa online world.

Gaya ng paalala ni Crisanto, “Bawat click, comment, at share ay may marka—gawin nating simbolo ito ng kabutihan, respeto, at malasakit sa kapwa.”

November 11, 2025 0 comment

HEADLINES NATIONAL NEWS

Telco at T.I.P. sanib-pwersa sa pagtatatag ng ligtas, responsableng digital world