HEADLINES

Isa nang malamig na bangkay ang isang lalaki nang matagpuang palutang-lutang sa isang water irrigation sa Cabugao, Ilocos Sur.

Kinilala ng Cabugao Municipal Police Station ang natagpuang bangkay na si reynold agcaoili  valoria, 52-anyos.

Sa imbestigasyon ng awtoridad, dumalo ang biktima sa debut party ng ka-barangay.

Hinala ng mga residente na posibilidad na nahulog sa naturang water irrigation ang biktima habang naglalakad pauwi dahil sa kalasingan.

Dinala naman kaagad sa ospital ang biktima ng Cabugao MPS.

Gayunman, ang biktima ay idineklarang patay na ng  doktor.

NAMAHAGI si Senador Lito Lapid ng family food packs para sa 750 mangingisda sa Limay, Bataan nitong Huwebes, August 22, 2024.

Sa kanyang mensahe, sinabi ni Lapid na mahalagang maabutan ng kahit konting tulong ang mga mangingisdang biktima ng oil spill mula sa lumubog na barko sa Lamao point, Limay, Bataan kamakailan.

Inaasahan ni Lapid na kahit papaano ay maitatawid ng mga pamilya ng mangingisda ang kanilang pangangailangan sa naibigay na food packs.

Noong July 25, lumubog ang MT Terranova na may kargang 1.4 million litro ng industrial fuel sa karagatan ng Lamao point, Limay.

Noong August 6, ideneklara na ni Bataan Governor Joet Garcia ang state of calamity dahil sa oil spills dulot ng tatlong oil tankers na lumubog sa karagatan na kung saan umabot sa 28,000 mangingisda ang naapektuhan at nawalan ng hanapbuhay dahil sa sunod-sunod na oil spills mula sa MT Terra Nova sa Limay, MT Jason Bradley at MV Mirola 1 sa Mariveles, Bataan.

Magiliw naman na sinalubong si Lapid ng mga benepisyaryo at maluha-luhang nagpasalamat sa napapanahong biyaya sa kanila.

Malugod na tinanggap nina Limay Mayor Nelson David, Vice-Mayor Richie Jason David, Brgy. Chairman Nestor Nabaunag at Sangguniang Bayan members si Senador Lapid sa mabilis na aksyon at personal na paghahatid ng tulong sa mga mangingisdang nawalan ng hanapbuhay dahil sa oil spills sa kanilang bayan.

Nauna rito, namahagi rin ang Supremo ng Batang Quiapo ng 1,000 family food packs sa mga mangingisda sa Mariveles, Bataan noong August 21, sa mismong kaarawan ng Senador.

Mismong si Mariveles Mayor AJ Concepcion ang humingi ng tulong kay Senador Lapid para sa mga mangingisda sa kanyang bayan.

Patuloy ang SM Foundation sa paghahatid ng libreng serbisyong medikal sa mga vulnerable communities sa bansa.

Nito lamang, nakapaghatid ang foundation ng mahigit 800 na serbisyong medikal sa Taytay Kalayaan Park. Kabilang sa libreng serbisyo ay medical consultations, dental checkup, at blood tests.

Tampok rin ang kanilang bagong mobile clinic para sa libreng X-ray imaging, at ECGs. Namahagi rin sila ng libreng gamot at bitamina.

Kaagapay ng SM Foundation ang social good partners, kabilang ang SM City Taytay, Taytay LGU, DSWD, Region 4A-Willore Pharmaceutical, at MX3 Natural Supplements.

17 katao ang isinugod sa ospital matapos na tumagas ang isang tangke ng kemikal sa loob ng junk shop habang nagsasagawa ng paglilinis sa Cabuyao City, Laguna.

Ayon sa ulat, ang mga biktima ay dinala sa ospital matapos makaranas ng pagkahilo at hirap sa paghinga matapos makalanghap ng sinasabing kemikal na tumagas.

Sa imbestigasyon ng awtoridad, nagsagawa ng general cleaning ang mga tauhan sa loob ng junk shop at habang inililipat nila ang isang tangke ng metal cylinder ay biglang tumagas ang kemikal o likido na nagmumula rito na nagdulot ng pagsingaw ng mabahong amoy.

Agad na lumikas ang mga tao sa lugar dahil sa hindi makayanang amoy at hirap sa paghinga kung kaya agad silang dinala sa pagamutan.

Napag-alaman sa imbestigasyon ng fire investigator na ang substance ay pinaghihinalaang chlorine-based chemical.

Sa kabila nito, nasa stable na kondis­yon ang mga biktima ng chemical leak at iniimbestigahan na ng mga awtoridad ang insidente.

Dalawang manggagawa ang namatay habang sinusubukang iligtas ang kanilang kasama na nahulog sa underground fuel storage sa Zamboanga City.

Namatay dahil sa suffocation sina Joel Dungog, at Jomar Cagit, habang dinala naman sa ospital ang kasama nilang si Jonas Calderon para magamot.

Ayon sa awtoridad, inaayos ng mga biktima ang semento sa isang gasoline station sa barangay curuan nang madulas si calderon at nahulog sa imbakan.

Bumaba sina Dungog at Cagit sa imbakan upang iligtas si calderon, ngunit nawalan sila ng malay matapos makalanghap ng fumes mula sa storage.

Rumesponde ang mga bystanders at isinugod ang mga manggagawa sa ospital, kung saan idineklarang dead on arrival sina Dungog at Cagit.

The SM Foundation Scholarship program welcomed its largest-ever batch of over 1,000 new college scholars on August 18, 2024, at the SMX Convention Center in Pasay City.

The SM Foundation Scholarship program welcomed over 1,000 new students on August 18, 2024, in a ceremony held at the SMX Convention Center, Pasay City. This marks the largest batch of SM Foundation scholarship recipients to date.

At the event, SM Foundation executive director Linda Atayde highlighted education’s role in opening youth and unlocking opportunities. “Education is the foundation upon which dreams are built,” she said, emphasizing its importance for individual and national growth.

Building on this vision, Scholarship Program Senior Assistant Vice President Eleanor Lansang detailed the foundation’s support offered to scholars. Beyond covering full-tuition fees, the program ensures a comprehensive approach to student development.

Scholars will also benefit from enrichment activities, part-time job opportunities, and internships within the SM Group, all designed to foster both personal and professional growth, creating a clear pathway from education to fulfilling careers.

Scholars spreading social good

SM Foundation’s executive director Debbie Sy called on scholars to embrace their potential and pass on the kindness to spread social good, following the footsteps of SM Group founder Tatang Henry Sy Sr.

“Let this scholarship be a beacon that guides you toward personal growth and community transformation. Let us also draw inspiration from the wisdom of Tatang, who taught us that our capabilities have no bounds. Each of you carries a spark of endless possibilities, a potential to drive social development and make lasting changes,” she said.

“The SM Foundation scholarship program, running for 30 years now, embodies the vision of SM Group founder Tatang Henry Tatang Sy, Sr., who saw education’s potential to uplift not just the youth but also their families and communities. This vision has borne fruit over the decades, with the program having nurtured over 5,000 graduates.

Ipinanawagan ng isang grupo ang agarang paglalatag ng mga health at safety protocols kontra mpox upang maprotektahan ang kalusugan ng mga Pilipinong manggagawa.

Ito ang pahayag ni Atty. Filemon Ray Javier, tagapagsalita ng Trabaho Partylist, matapos kumpirmahin ng Department of Health (DOH) na nakapagtala ito ng unang kaso ng mpox ngayong 2024.

Nakakabahala aniya ang ulat nito kaakibat ng deklarasyon ng World Health Organization ng isang “global health emergency” dahil sa pagkalat ng mpox sa iba’t ibang bansa.

Sa panig ng Trabaho Partylist, hindi na dapat maulit ang mga pagkakamali noong COVID-19 pandemic kaya’t dapat magtulungan na ang pamahalaan, taumbayan, at mga negosyante.

Giit ni Javier, dapat nang mag-usap ang DOH at Department of Labor and Employment (DOLE) para ilatag sa mga manggagawa ang mga dapat gawin at iwasan upang kontrahin ang pagkalat ng mpox.

Sabi pa ng tagapagsalita ng grupo, dapat ding mag-activate ng mga internal protocols ang mga employer bilang mabilis na pagresponde kung sakaling magkaroon ng kaso ng mpox sa kanilang mga opisina.

Kasabay nito, nananawagan din si Javier sa mga manggagawa na agarang kumonsulta sa medical professionals kung makaramdam sila ng sintomas ng mpox.

Mahalaga rin aniya na manatiling nakatutok ang mga manggagawa sa mga anunsyo ng DOH.

Nasawi ang isang vendor matapos umanong barilin ng biyenang lalaki sa Balaoan, La Union.

Napag-alaman ng mga awtoridad na nagkaroon ng mainitang pagtatalo sa pagitan ng suspek na si Florencio Mendoza, at biktimang si Bryan Jay Tolentino, dahil umano sa pagkain ng kambing ni Tolentino sa halaman ni mendoza.

Dito na bumunot ng shotgun si Mendoza at binaril si Tolentino.

Agad na dinala sa ospital ang biktima kung saan ito idineklarang patay.

Nagawa pang tumakas ng suspek ngunit kalaunan ay naaresto.

Narekober sa suspek ang baril na ginamit sa krimen na ngayon ay nasa kustodiya na ng pulisya at nahaharap sa kaukulang kaso.

NAGDAOS ng special general assembly at victory party ang Magsasaka Partylist na pinangunahan ni Atty. Argel Cabatbat kasunod ng desisyon ng Korte Suprema kung saan sinabing nararapat lamang na alisin si Soliman Villamin Jr. bilang national chairperson ng grupo.

Nabatid na dumalo at nagpahayag ng suporta sa grupo ang dating kalihim ng Department of Agriculture (DA) at tagapangulo ng Federation of Free Farmers na si Leonardo Montemayor at maging ang pinaka-bemedalled na bayani ng militar ng Pilipinas na si Col. Ariel Querubin.

Sinasabing may kabuuang 7,996 na delegado mula sa Rehiyon 3 ang dumalo sa pagpupulong na binubuo ng mga kasapi mula sa Nueva Ecija, Bataan, Zambales, Tarlac, Bulacan, Pampanga at Aurora.

Iginiit ni Cabatbat na ang Magsasaka Partylist ay tunay na kumakatawan sa interes ng mga Pilipinong magsasaka at inilarawan na ang desisyon ng Kataas-taasang Hukuman bilang isang makabuluhang tagumpay, hindi lamang para sa grupo, kundi para sa mga Pilipinong magsasaka sa buong bansa.

“Ang may-ari ng Magsasaka Partylist ay ang mga magsasaka. Kayo ang dapat masunod. Kayo ang dapat pakinggan. Nasa inyo ang desisyon kung sino ang gusto ninyong mamuno. Hindi tayo katulad ng ibang partylist na pagmamay-ari ng iilan lamang,” ani Cabatbat.

“Ang pagkapanalo sa Supreme Court ay pagkapanalo ng mga magsasaka, pagkapanalo ninyo,” dagdag pa niya.

Samantala, iginiit din ng mga magsasaka na dumalo sa general assembly ang pagkakaroon ng council leaders’ election gaya ng ipinangako sa kanila noong Agosto 11 sa San Fernando, Pampanga.

Matatandaang naglabas ng hatol ang Mataas na Korte kung saan binanggit na nararapat lamang na tanggalin sa kanyang posisyon bilang national chairperson ng Magsasaka Partylist si Villamin at hindi maaaring maging kinatawan ng partylist ang kanyang unang nominado na si Roberto Gerard Nazal Jr.

“While the Comelec has limited jurisdiction over intra-party leadership disputes, it does not mean that Comelec can substitute its own judgment for that of the Party. The Comelec cannot disregard the Party’s actions simply because these do not appear to be in line with the Comelec’s interpretation of the party’s Saligang Batas. A party must be allowed to interpret its own governing rules and remove officials from participating in its own affairs,” giit pa sa SC decision.

Noong 2021, pinatalsik ng Magsasaka si Villamin sa isang general assembly dahil sa sinasabing pagkakasangkot ng kanyang pamilya sa mga maanomalyang aktibidad.