Tahasang pinatutsadahan ni Senador Imee Marcos ang kanyang nakababatang kapatid na si Pangulong Ferdinand Marcos Junior at ang kanyang pamilya sa isang social media video, kung sinabi niyang nanghihinayang siya sa kanila.
Nanggagalaiti naman siya sa kanyang pinsan na si Leyte 1st District Rep. Martin Romualdez.
Samantala, sinabi rin ng tinaguriang “Super Ate” na lalahok siya sa rally na magaganap sa Camp Aguinaldo, kung saan sinasabi niyang makakasama niya ang mga dating sundalo.
Dagdag ni Sen. Marcos, nakikita niya ang Luneta rally bilang isang “karambola” at hindi rin naman siya “welcome” sa protesta sa EDSA Shrine at EDSA People Power Monument.—sa panulat ni Anjo Riñon
