HEADLINES

Isang SUV o Sports Utility Vehicle na may plakang numero 7 ang sinubukang tumakas pa sa isang traffic enforcer matapos mahuli dahil sa pagmamaneho sa loob ng bus lane noong Linggo ng gabi.

Sa social media post na ibinahagi ng Special Action and Intelligence Committee for Transportation ng Department of Transportation, sapol sa video ang isang SUV sa northbound EDSA lane ng Guadalupe Station bandang alas-6:28 pm na pinapahinto ng enforcer para i-verify ang lisensya.

Pero sa halip na makipag-cooperate sa awtoridad, nakipagmatigasan pa ito at tuloy lang sa pag-abante.

Isa pang enforcer ang lumapit para tulungan ang kanyang kasamahan pero nagmatigas pa rin ang SUV driver at nag-reverse palabas ng bus lane at tuluyang tumakas.

Ayon din sa enforcer na hindi maganda ang ipinakitang asal ng mga pasahero ng sasakyan.

Ipinadala naman ng Special Action and Intelligence Committee ang kopya ng video sa Land Transportation Office (LTO) para padalhan ng show cause order ang lumabag na driver.

Ang mga plaka ng sasakyan na may numerong 7 ay nakatalaga sa mga senador.

Natuklasan na isang Universal Serial Bus (USB) ang nagbisto na hinahinalang may kaugnayan sa umano’y troll campaign operations na inilunsad ng grupo ng mga batang technology savvy laban sa natalong pulitiko ng lungsod ng Pasig noong 2019 polls.

Ang 29-anyos na lider ng “technophiles”ay sinasabing isa na ngayong political affairs officer ng Pasig City government at pinangangambahan na patuloy pa rin sa trabaho nito bilang administrator ng ‘troll page’ para sa kanilang amo.

Sinabi ni Nep Castillo, reporter ng Pasig-based news website na BRABO NEWS na natanggap niya noong October 30, 2024 ang isang parcel na naglalaman ng USB kung saan nakadetalye umano ang troll campaign operations laban sa pamilya Eusebio na nakalaban ni Mayor Vico Sotto noong 2019 local elections.

Nakapaloob sa USB ang binuo na sanga-sangang kaugnayan ng sinasabing political affairs officer sa troll campaign gamit ang social media.

Ang umano’y operasyon ay nagsimula pa noong 2019 nang unang tumakbo sa pagka-alkalde ng Pasig si Sotto kung saan pinuntirya umano nito ang dating administrasyon ni dating Mayor Bobby Eusebio.

Nakalagay pa sa portable document format (PDF) file sa USB ang mga pinaniniwalaang ginamit na iba’t ibang social media pages, at kapag may violations umano ay dinedeklara ito ng ‘page restrictions’ ng social media company at kaagad na magpapalit ng panibagong page.

Makikita rin dokumento na gumamit umano ng dummy accounts ang tinukoy na political affairs officer ng city government, ngunit obyus naman na lumitaw ang email address ng empleyado para sa payment option nito.

Lumalabas na ang email address ay lehitimong pagmamay-ari ng nasabing political affairs officer dahil ito rin ang ginamit nito sa isang LinkedIn public account.

Kalakip rin sa umano’y dokumento ang mga “resibo” na sa katunayan ay siya umano ang nagbabayad ng mga troll operations sa loob ng tatlong taon, muli—gamit ang dummy accounts ngunit lehitimong email address.

Dagdag pa sa dokumento, gumamit din ng dummy social media account ang nasabing city hall officer na kung saan nai-tagged ito sa isang post ng isang city councilor kasama ang alkalde at isa pang post ng city administrator kung saan siya nagtatrabaho.

Lumilitaw din na sa kabuuan, isiniwalat ng nasabing nagpadala ng dokumento na sa kabila umano ng mga akusasyon ni Mayor Sotto na gumagamit ng trolls ang kalaban niya sa pulitika ay malamang na siya mismo — sa pamamagitan ng nasabing political affairs officer — ang gumagamit ng trolls para siraan ang mga kalaban.

Bukas naman ang DWIZ o ang website na ito para sa panig ni Mayor Sotto.

Thirty-six couples, who are SM Group employees, exchanged vows during the ninth Kasalan sa SM held at the Archdiocesan Shrine of Jesus – the Way, the Truth, and the Life.

Thirty-six couples, who are SM Group employees, exchanged vows during the ninth Kasalan sa SM, a mass wedding ceremony organized by the Felicidad T. Sy Foundation (FTSFI) on Monday, October 14, 2024. The event was held at the Archdiocesan Shrine of Jesus – the Way, the Truth, and the Life.

The mass wedding provides couples with the opportunity to formalize their unions. It also promotes SM Group's commitment to upholding the Filipino Catholic faith and fostering strong family values within the community.

The Kasalan sa SM, which began almost a decade ago, is among the religious activities championed by SM Group matriarch Nanang Felicidad T. Sy, who is dedicated to promoting spiritual well-being within communities.

Mrs. Sy’s vision has also led to the operation of masses and the rehabilitation of churches and shrines within and near SM malls as well as other cities and towns in the country, providing accessible places of worship for Catholic mallgoers and communities the group serves.

NAKIKITA ni Sen. Mark Villar ang pangangailangang magkaroon ng mga hakbang laban sa online piracy.

Sa isinagawang budget deliberations ng Optical Media Board (OMB) nitong Martes, binigyang-diin ni Villar na karamihan sa illegal activities na may kinalaman sa piracy ay isinasagawa ngayon online.

Aniya, ang technological means para sa piracy ay nag-evolve sa paglipas ng mga taon, at kailangan ang crackdown laban sa online pirates.

“Wala nang niri-raid kasi lahat nasa online na halos,” wika ni Villar.

Nabatid na ang saklaw lamang ng OMB ay ang physical piracy at hindi kasama ang online content.

Sinasabing sa kasalukuyan, ang Pilipinas ay walang legislative mandate upang harangin ang mga site na may pirated content.

Bunga nito, ang Intellectual Property Office of the Philippines (IPOPHL), National Telecommunications Commission (NTC), at internet service providers ay nagsasanib-pwersa lamang upang magpatupad ng stopgap measures para harangin ang mga site na may pirated content.

Kasalukuyang nakahain sa Senado ang dalawang magkahiwalay na bills — Senate Bills 2150 at 2385 na naglalayong amyendahan ang IP code at alisin ang umiiral na limitasyon nito upang saklawin ang electronic at online content “within the definition of pirated goods.”

Matatandaang sinabi rin ni Villar na ang pagpasa sa mga bills na ito ang reresolba sa mga isyu ng online piracy sa sandaling maisabatas ang mga ito.

Una nang pinamunuan ni Villar ang Committee on Trade, Commerce, and Entrepreneurship at maging ang public hearings sa dalawang nasabing bills.

Sa ngayon, ang komite ay pinamumunuan ni Sen. Alan Peter Cayetano.

Kung maaalala, noong 2022, ang Pilipinas ay nawalan ng $700 million dahil sa piracy ng Filipino-made TV shows at movies, kung saan ang bansa ay tinukoy bilang isa sa top consumers ng pirated content sa Asia, ayon sa YouGov 2022 Piracy Landscape Survey.

Samantala, sa pagtaya ni IPOPHL Director General Rowel S. Barba, ang Pilipinas ay mawawalan ng $1 billion na kita sa 2027 kapag nagpatuloy ang mga alalahanin hinggil sa online piracy.

Babala naman ng Philippine Statistics Authority (PSA), kinukuha ng piracy ang 7.1 percent ng gross domestic product ng bansa.

Natuklasan na nagreresulta ito sa pagkawala ng kita para sa bansa at ng kabuhayan, at forgone revenue for the country and loss of livelihood, at nagbabanta rin itong mag-inflict ng malware sa mga device na gumagamit ng pirated content, na maaaring magbigay-daan sa scams.

 As part of its commitment to environmental sustainability, Metro Pacific Tollways South (MPT South), a subsidiary of Metro Pacific Tollways Corporation (MPTC), participated in the Plant for Life: Tree Planting Activity organized by Maynilad Water Services Inc. in partnership with Bantay Gubat of Ipo Watershed on September 27, 2024.

The event focused on the reforestation of the vital Ipo Watershed in Bulacan, which plays a crucial role in the water supply for Metro Manila and other parts of Cavite. MPT South, along with Light Rail Manila Corporation (LRMC) employees and volunteers, planted a total of 800 native tree seedlings in this collective effort. This is a part of Maynilad’s 2024 environmental target, which seeks to plant 220,000 trees across 660 hectares of forested land.

Arlette V. Capistrano, Vice President for Communication and Stakeholder Management of MPT South, stated, “It is an honor to help Mother Nature thrive alongside our kapatids of LMRC. Together, we can do more in protecting our environment and strengthening the consciousness of our teams that what we do is for the good of our future generation.”

MPT South’s involvement in the Plant for Life Tree Planting Activity is part of the company’s broader commitment to environmental sustainability. Through initiatives like tree planting, the company hopes to foster a culture of sustainability and inspire communities to join the mission of protecting and preserving the environment.

MPT South is a subsidiary of Metro Pacific Tollways Corporation (MPTC), the infrastructure arm of Metro Pacific Investments Corporation (MPIC). Aside from the CALAX and CAVITEX network of toll roads, MPTC’s domestic portfolio includes the concessions for the North Luzon Expressway (NLEX), the NLEX Connector Road, the Subic-Clark-Tarlac Expressway (SCTEX), and the Cebu-Cordova Link Expressway (CCLEX) in Cebu.

HINDI resbak ang ginawa ni Pasig City mayoralty aspirant Sarah Discaya laban kay Mayor Vico Sotto sa mga paratang nito sa kanyang pamilya kundi inalok niya lang ang alkalde ng “peace covenant” upang maiwasan ang posibleng siraan ng magkabilang partido.

Ito’y matapos magpadala ng liham si Discaya o mas kilala sa mahihirap na lugar sa lungsod bilang “Ate Sarah” na may petsang Oktubre 11, 2024 kung saan nakasaad ang latag ng mungkahi niya na “kasunduan para sa mapayapang May 2025 elections.”

Batay sa sulat kay Sotto, binanggit ni Discaya na ngayong pareho na silang kandidato na haharap sa mga Pasigueño upang humingi ng boto ay dapat aniyang unahin muna nilang dalawa ang pagbibigay-katiyakan sa mga residente na magiging mapayapa, patas at malinis ang pamamaraan ng kanilang pangangampanya.

Dito’y partikular na binanggit ni Discaya sa kanyang sulat na kailanman ay hindi nila binalikan ng paninira rin ang mga sinasabing paninira ni Sotto sa kanilang pamilya.

“Ang aming tugon sa pamba-bash ng alkalde sa aming pamilya ay malinaw na paliwanag lang bilang depensa at pagtuwid sa mga mapanirang bintang laban sa amin,” saad ni Discaya sa kanyang liham kay Sotto.

“Ang mungkahi ko pong peace covenant ay hugot sa hangad kong hindi magdulot ng gulo sa isipan ng mga Pasigueño ang mga isyu kung magsanga-sanga ng paninira ang mensahe ng pangangampanya ng ating mga lider at supporter sa susunod na mga araw,” dagdag niya.

Napag-alaman na ang pangunahing nilalaman ng proposed peace covenant na inilakip ni Discaya sa kanyang liham ay ang pangakong pairalin ang respeto sa kapwa kandidato at iwaksi ang mga personal na paninira, insulto, o walang basehang bintang na posibleng mag-uudyok ng poot at awayan ng mga botante.

Sinasabing kasama rin sa mga pangakong nakapaloob sa kasunduan ang pagsupil sa iba’t ibang uri ng manipulasyon sa halalan tulad ng vote-buying, harassment at maging ang paggamit ng illegal source of campaign funds at maging public funds para ipangalap ng boto.

Maliban dito, maging ang responsableng paggamit ng iba’t ibang platform ng mainstream at social media ay kasamang aakuin ng magkatunggaling grupo na kanilang papairalin katulad ng pagwaksi ng mga pagpapakalat ng fake news na ang maaaring intensiyon ay upang linlangin ang mga Pasigueño.

Base pa rin sa liham ni Discaya sa alkalde, nakasaad ang suhestiyon na dapat saksihan ang lagdaan ng nasabing peace covenant ng mga kinatawan ng simbahan, lokal na pulisya, lokal na hudikatura at mga miyembro ng mainstream at social media.

Samantala, ipinauubaya na rin ni Discaya kay Mayor Sotto ang pamamahala at paghahanda sa peace covenant, maging ang petsa kung kailan ito gaganapin.

Sa usapin naman ng venue o lugar na pagdarausan ng lagdaan, ipinaliwanag ni Discaya na siya at ang kanyang buong Ate Sarah Team ay nakahandang pumunta sa opisina ng alkalde para sa paglagda ng nasabing kasunduan.

Mahigpit na ibinabala ng isang consumer network na maaaring palubhain ng panukalang Konektadong Pinoy Act ang digital divide sa bansa.

Ito’y dahil ang bill ay hindi nagtataglay ng mga hakbang na mag-aatas sa mga bagong player sa telecommunications space sa bansa na mag-invest sa mga liblib na lugar.

Batay sa isang statement sa Facebook, sinabi ng CitizenWatch Philippines na ang Geographically Isolated and Disadvantaged Areas (GIDA) ay dapat bigyan ng prayoridad, na nabigong tugunan ng panukala.

“Rural and remote communities could be left further behind as new players focus on more profitable urban markets, where returns on investment are quicker and more substantial,” wika ni CitizenWatch convenor Orlando Oxales.

Aniya, ang pagluluwag sa restrictions ay maaari ring makasama sa telco industry ng bansa dahil maaaring mapuwersa ng mga bagong pasok ang lahat ng players na magpatupad ng competitive pricing at higit na ituon ang kanilang resources sa urban areas.

“New entrants might resort to aggressive pricing strategies to gain market share, which could force all players to cut costs and reduce investments in critical infrastructure, thus leading to slower expansion, especially in GIDAs areas where broadband services are most needed,” dagdag pa ni Oxales.

Nabatid sa latest data mula sa DataReportal—Global Digital Insights na 73.6 percent lamang ng mga Pinoy ang konektado sa internet sa buong Pilipinas.

Sabi ng Statista Research Department, isang international research company, sa 2028 pa magkakaroon ng access sa internet connection ang 98 percent ng Filipino population.

Sinasabing ang average broadband internet speed sa Pilipinas ay kasalukuyang ranked 41st sa buong mundo, ayon sa Telecom Review.

Pahayag naman ni Prof. Dindo Manhit, presidente ng international research tank Stratbase, na isa itong “seryosong balakid na dapat malusutan” kung saan binigyang-diin niya ang pangangailangan ng internet connectivity para sa inclusion at social progress.

Isiniwalat naman ng World Bank na dapat magpokus ang mga policy maker sa Pilipinas sa mga reporma at magbuhos ng mas malaking budget sa pagpapahusay sa broadband infrastructure ng bansa dahil nakaaapekto ang limitadong internet connection sa maraming tao at sa mga oportunidad sa hinaharap.

Bilang pagkilala sa walang katumbas na dedikasyon ng mga guro para sa kinabukasan ng kabataan ngayong World Teachers’ Day, itutulak ng Trabaho Partylist ang kanilang kapakanan sa pamamagitan ng karagdagang benepisyo at pagsasanay.

Sabi ng grupo, isang karangalan ang makasama ang mga guro sa mahalagang pagdiriwang na ito, kaya’t taus-puso ang pasasalamat nito sa mga sakripisyo at malasakit na ibinubuhos ng mga guro upang hubugin ang mga susunod na henerasyon ng Pilipino sa pamamagitan ng makabuluhang edukasyon.

Kasabay nito, kinilala ni Atty. Mitchell-David Espiritu, tagapagsalita ng Trabaho Partylist, ang patuloy na paghahatid ng de-kalidad na edukasyon upang maging handa ang kabataan sa anumang hamon ng mundo, maparito man sa ating bansa o saan man sa daigdig.

Ayon sa grupo, sa pagpapalakas ng panibagong curriculum, partikular sa Senior High School (SHS), dapat simulan ang inisyatibo sa paghandog ng insentibo tulad ng sahod na sapat sa tunay na pangangailangan.

Dapat aniyang lalong itaas ang “morale” at “motivation” sa pamamagitan ng mga training at workshops na maghahandog ng career growth sa mga guro dahil sila ang susi sa pagpapalakas ng susunod na henerasyon ng mga manggagawa.

Sinasabing mahalaga rin ang pagkalinga ng mga guro subalit nagsisilbing ikalawang tahanan ng kabataan ang mga paaralan bago sila sumabak sa pagtatrabaho, bagay na tinututukan ng grupo tulad ng pagsulong ng mga job-ready graduate ng SHS at kolehiyo.

Dahil dito, binigyang-diin din ni Espiritu ang pagtitiyak na akma ang mga kakayahan ng mga SHS graduate sa mga pangangailangan ng mga industriya.

Pabor din ito sa kautusan ni Pangulong Ferdinand Marcos Jr. kay Education Secretary Sonny Angara na palakasin ang “employability” ng mga SHS graduates.

Aniya, hindi lang book-smart kundi street-smart ang maihuhubog na mag-aaral ng mga guro kung sila ay kakalingain ng pamahalaan, kaya itinutulak din ng Trabaho Partylist ang pagpapalakas ng technical at soft skills sa sektor ng edukasyon.