HEADLINES

Umabot na sa 60% o mahigit 500 general at colonels ng Philippine National Police (PNP) ang nakapagpasa ng kanilang courtesy resignation.

Ayon kay Department of the Interior and Local Government secretary Benhur Abalos Jr., nagpapasalamat siya sa lahat ng tumalima sa kaniyang panawagan at suportang natanggap nito sa mga regional commanders.

Sinabi naman ni Abalos na ang kumpiyansa ng mga opisyal ng PNP ay makikita sa mahigit 500 sa kabuuang 947 matataas na opisyal ng pulisya, na tumugon sa kanyang apela para sa kanilang courtesy resignation.

Inaasahan din ni Abalos na mas dadami pa ang bilang sa susunod na linggo hanggang sa katapusan ng buwan.

Sa ngayon, paglilinaw ni Abalos na hindi maaapektuhan ng resignation ang paghahatid ng serbisyo ng PNP maliban na lang kung tatanggapin ito ni Pangulong Ferdinand Marcos, Jr.

Pinasalamatan ni Department of the Interior and Local Government secretary Benhur Abalos Jr., ang mga sumusuporta at tumatalima sa kanyang panawagang magbitiw sa pwesto ang mga heneral at koronel bilang bahagi ng kampanya para malinis ang hanay ng pulisya mula sa iligal na droga.

Ayon kay Abalos, umabot na sa 60% o mahigit 500 general at colonels ng Philippine National Police ang nagsumite na ng kanilang Courtesy Resignation.

Itinuturing aniya ito bilang isang welcome development sa layuning maalis sa hanay ng pulisya ang mga tiwali at scalawag cops.

Inaasahan din ni Abalos na mas dadami pa ang bilang sa susunod na linggo hanggang sa katapusan ng buwan.

Sa ngayon, paglilinaw ni Abalos na hindi maaapektuhan ng resignation ang paghahatid ng serbisyo ng PNP maliban na lang kung tatanggapin ito ni Pangulong Ferdinand Marcos, Jr.

Tiniyak din nito na magiging independent at patas ang gagawing imbestigasyon sa mga Pulis na sangkot sa iligal na droga sa tulong na rin ng five-man advisory group na pinangungunahan ni Retired Police General at Baguio City Mayor Benjamin Magalong.

Sinabi pa ni Abalos na target nilang matapos ang imbestigasyon sa loob ng tatlong buwan.

Planong humirit ng karagdagang mga tauhan sa mga paliparan sa bansa ang Office for Transportation Security (OTS).

Kasunod ito ng kinakaharap ng ahensya kung saan, nagkakaroon ng kakulangan sa kanilang mga tauhan na ide-deploy sa iba’t ibang paliparan sa bansa.

Ayon sa OTS, halos 300 sa kanilang mga tauhan ang nabawas bago ang Holiday season bunsod ng iba’t ibang kadahilanan, kabilang na dito ang pagretiro at pagbitiw ng ilan dahil sa kakulangan ng suweldo.

Ang ilan pa sa mga nabawas na kawani ay napilitang mangibang bansa dahil sa pag-asang magiging mataas ang kanilang kita.

Sinabi ng ahensya na kailangang i-upgrade ang mga security screening checkpoint equipment sa mga paliparan partikular na ang mga nasa lalawigan para makasabay ang Pilipinas sa mga international standard ng mga equipment.

Pinaigting pa ng Metropolitan Manila Development Authority (MMDA) ang kampanya laban sa masamang epekto ng paggamit ng tabako at pagkakalantad sa Secondhand smoke.

Ayon sa MMDA, batay sa sinabi ng US Centers for Disease Control Prevention, walang ligtas ang sinumang malalantad sa secondhand smoke dahil agad itong magdudulot ng pinsala.

Sa katunayan, ang mga hindi naninigarilyo na nasa hustong gulang ay may 25% hanggang 30% na posibilidad na magkaroon ng kanser sa baga.

 Sa kabila naman ng pagbaba ng bilang sa pagkakalantad sa secondhand, sinabi ng MMDA na magpapatuloy sila sa kanilang aktibidad sa pagkontrol sa tabako.

Bukod sa promosyon at kamalayan ng publiko, nagbibigay din ang ahensiya ng technical assistance sa 17 Local Government Units para sa pagbuo ng mga polisiya, kapasidad, mga estratehiya sa komunikasyon, at pagbabantay sa pagsunod ng publiko.

Nagbabala sa publiko ang Department of Human Settlements and Urban Development (DHSUD) hinggil sa maling impormasyon at mga detalyeng lumalabas online kaugnay sa Pambansang Pabahay program ng pamahalaan.

Ayon kay DHSUD secretary Jose Rizalino Acuzar, walang pribadong indibidwal o grupo ang awtorisadong magsagawa patungkol sa pambansang pabahay sa ilalim ng kanilang ahensya.

Sinabi ni Acuzar, na hindi dapat basta-basta naniniwala ang publiko sa mga lumalabas na pekeng mga balita at tanging sa lehitimong sites lamang mag-pasa ng aplikasyon hinggil sa national housing para sa mga Pilipino.

Dagdag pa ng kalihim na bukod sa kanilang ahensya, maari lamang mag-inquire o magtanong ang publiko sa mga lokal na pamahalaan kaugnay sa naturang programa.

Kabilang pa sa maaring pagtanungan na ahensya ang home development mutual fund or Pag-IBIG fund; Social Housing Finance Corporation, National Home Mortgage Finance Corporation at ang National Housing Authority (NHA).

Sinabi naman ni Acuzar na handa silang bigyan ng naa-angkop na aksiyon ang sino mang mahuhuling lumalabag sa programa ng pamahalaan.

Sa kabila nito, iginiit ng opisyal na handang tumulong ang kanilang ahensya para maabot ang pangarap ng bawat pamilyang Pilipino na magkaroon ng disente, ligtas, abot-kaya at sariling tirahan.

Kinakailangang maresolba ang problema sa Air Traffic System sa NAIA para maiwasan ang nangyaring technical glitch nitong nakalipas na January 1 na naka perhuwisyo sa mahigit 60,000 pasahero.

Binigyang diin ito ni dating CAAP Chief at Energy secretary Alfonso Cusi  sa gitna na rin nang ikinasang imbestigasyon ng Senado at Kamara sa nangyaring aberya sa NAIA Terminal 3 dahilan kayat naparalisa ang operasyon ng paliparan sa loob ng  mahigit anim na oras.

Bilang dating CAAP Chief, sinabi ni Cusi na hindi madaling i maintain ang mga kagamitan ng paliparan at dapat na nakabatay ito sa  international standards.

Ang sistema aniyang ginagamit  sa paliparan ay mula sa technology at supervision ng Japan International Cooperation Agency (JICA) kaya’t hindi ito dapat magka aberya.

Una nang inihayag ng  Malacañang na iniimbestigahan na ng ilang ahensiya ng gobyerno ang insidente  upang  mabatid kung saan at ano ang pinagmulan ng aberya at kung mayroon bang dapat na managot sa insidente.

Nagsagawa na rin ng inspeksiyon ang Pangulong Ferdinand Marcos Jr.  sa NAIA T3 noong  nakalipas na Biyernes kasabay nang pagbinigay ng briefing sa kanya ng airport officials hinggil sa nangyaring insidente.