ENTERTAINMENT

Pumanaw na ang Tiktok star at kilalang “The Dub King” na si Jules Eusebio sa edad na 43.

Ayon sa kapatid ni Jules, severe typhoid fever ang ikinamatay ng Tiktok comedian kung saan, ilang beses itong nagpabalik, balik sa ospital.

Kilala si Jules sa pagdu-dub ng mga famous line sa mga pelikula at teleserye at pang-i-spoof o paggawa ng mga parody sa mga kilalang personalidad sa kanyang Tiktok videos.

Nagluluksa ngayon ang mga tagahanga ni Jules sa kaniyang pagpanaw habang nagpaabot narin ng pakikiramay ang mga kilala at kapwa titok stars ni Jules.

Itinuturing na dream come true ng aktres na si Bea Alonzo ang pagbili niya ng apartment sa Madrid, Spain.

Sa vlog ng Aktres na ipinost noong Sabado, ipinasilip ni Bea sa kaniyang fans ang new home niya sa Europe.

Pag-amin pa nga ng dalaga, nahirapan pa siyang magdesisyon kung bibili o hindi pero sinunod na lang niya ang kaniyang gut feeling.

Limang araw na nanatili sa Madrid si Bea para maghanap ng kaniyang matutuluyan.

Lumala ang kondisyong pang kalusugan ni TV host actress Kris Aquino.

Inamin ito mismo ni Kris matapos ibunyag na life threatening na ang kanyang sakit.

Kasunod na rin ito nang mahigpit na pagtanggi ng Queen of All Media sa mga napaulat sa social media na na confine siya, isinugod sa ICU at mamamatay na ito.

Sa kanyang walong minutong video, sinabi ni Kris na lalabas muli siya ng bansa para makapagpagamot.

Ayon pa kay Kris, ipinagmamalaki niya ang kanyang pagiging tapat at katapangang harapin ang hamong ito sa kanya at nais niyang magpasalamat sa mga nagdarasal para sa kanyang paggaling gayundin ay aminin ang tunay na istorya sa kanyang health condition.

Ipinabatid pa ni Kris na nag aalala ang kanyang mga doktor na magkaroon ng problema sa kanyang puso at baga ang tatlong kumpirmadong autoimmune conditions nya: ang chronic spontaneous urticaria, auto immune thyroiditis at vasculitis kayat lahat ng paraan ay pinasusubukan sa kanya.

Nangibabaw si Hipon Girl Herlene Budol sa pagparada ng binibining pilipinas contestant ng kanilang gowns para sa Grand Santacruzan Event.

Naganap ito noong Sabado sa Araneta Cubao sa Quezon City.

Sa official Facebook page ng Binibining Pilipinas, makikita ang ‘stunning look’ ni Herlene suot ang  mermaid-cut pink gown na may asul na perlas at malaking headdress.

Nagkakahalaga ang gown ng P150-K.

Patuloy naman ang pasasalamat ni Herlene sa kaniyang mga tagasuporta.

Viral ngayon sa social media ang actor-model na si James Reid matapos halikan sa pisnge ang isang lalaki.

Mabilis kumalat ang isang video sa katatapos lamang na birthday celebration ni James.

Ayon sa mga nakakita, gumanti din umano ng halik ang nasabing guy na hindi pa malinaw kung ano ang papel nito sa buhay ni James.

Umani naman ng reaksiyon sa mga netizen ang naturang video at sinabing wala silang nakikitang malisya sa pakikipag-besohan at hindi magiging dahilan ng pagdududa sa sexual preference ng aktor.

Engaged na muli ang Spanish singer na si Marc Anthony sa Girlfriend nitong si Nadia Ferreira.

Sa social media post ng mang-aawit, ipinakita nito ang kamay ng kasintahang dating Miss Universe Paraguay contestant na may suot na engagement ring.

Ang engagement ay halos dalawang buwan lamang matapos inanunsiyo ng dalawa ang kanilang relasyon.

Ito na ang pang-apat na engagement ni Marc matapos mauwi sa divorce ang tatlo.

Bumuwelta ang aktres na si Chie Filomeno sa mga nang-iintriga sa kanila ni Zeus Collins sa social media.

Kasunod ito ng larawang kumalat online kung saan magkatabi ang dalawa at may caption pa na ‘Only legends understand’.

Sunod-sunod ang naging ispekulasyon dito ng mga tao kabilang ang umano’y scandal nina Zeus at Chie.

Ayon kay Chie, dapat tiyaking totoo ang ipinapakalat sa social media bago ito gawin.

Nagawa pang i-tag ng aktres ang nagpakalat ng issue at tinanong ang source nito.

Nagkasabay sina Zeus at Chie noon sa isang noontime variety show bilang mga miyembro ng dance groups na Hashtags at Girltrends.