Handa nang magka-baby number 2 ang aktres na si Solenn Heusaff.
Aniya, hindi na siya pabata kaya’t ready na sila ng kaniyang mister na si Nico Bolzico na sundan si Thylane Katana o Tili.
Sinabi pa ni Solenn na tama lamang ang 2 o 3 years age gap para magkaroon ng kapatid si Tili.
January 1, 2020 nang pinanganak si Tili at dahil sa pandemic ay na-delay ang binyag nito.
Iginiit ng beteranang aktres at host na si Janice de Belen na hindi na siya muling magtatrabaho kasama ang dating asawa na si John Estrada.
Ito ay matapos itanong ng kanilang anak na si Kaila sa isang mother’s day episode kung posible pa bang magsama sa isang proyekto ang kaniyang mga magulang.
Ayon kay Janice, bukas siyang makatrabaho ang dating karelasyong si Aga Mulach pero sarado na ang kaniyang pinto para kay John.
Paliwanag niya, naging mag-asawa kasi sila ni John at ang mga bagay na kanilang pinagtalunan noon ay hindi maliit na bagay lamang na nagdulot ng tuluyan nilang paghihiwalay.
Pero nilinaw ni Janice na nananatiling civil ang relasyon nila ng dating asawa.
Isa nang ganap na mommy ang singer na si Rihanna.
Kinumpirma ito ng isang source na malapit sa singer at partner nito na si A$Ap Rocky.
Ayon sa TMZ, Mayo 13 ng isilang ng Fenty Beauty Founder ang kanyang baby boy sa Los Angeles.
Sa ngayon ay wala pang ibang detalyeng isinasapubliko ang superstar at rapper tungkol sa kanilang baby.
Matatandaang noong Enero nang i-anunsyo ng couple na magiging parents na sila sa pamamagitan ng ilang mga larawan, kung saan nag-trend ang pregnancy fashion ni Rihanna.
Good news sa Joshlia fans!
Muling magtatambal ang dating magkasintahan na sina Julia Barretto at Joshua Garcia.
Isiniwalat ng aktres ang balita sa panayam kay Boy Abunda.
Ibinahagi rin ni Julia sa nasabing panayam na pinayuhan niya si Joshua na huwag munang mag-girlfriend.
Paliwanag ng aktres, dapat munang enjoyin ng dating nobyo kung anong mayroon siya ngayon lalo’t bata pa ito at isang ‘brilliant’ actor.
Sinabi pa ni Julia na sa kabila ng kanilang break up ay nananatili silang magkaibigan ni Joshua.
Una na ring nagsama ang dalawa sa I Love You to the Stars and Back, Unexpectedly Yours, I Love You, Hater, at Block Z, at maging sa music video ng kantang ”paubaya” ni Moira Dela Torre noong February 2021.
Maliban sa pagiging singer, actress, song writer, producer at director, isa na ring doctor ang American Pop Star na si Taylor Swift.
Ito’y matapos niyang makuha ang kanyang Honorary Doctorate of Fine Arts mula sa New York University (NYU).
Bago magtungo sa nasabing event, ibinahagi ng singer ang isang Tiktok clip habang naghahanda ito suot ang leopard print heels at isang black sleeveless dress.
Sa kanyang speech sa 2022 all-school commencement ceremony ng NYU, pinasalamatan ni Swift ang kanyang pamilya at mga kaibigan.
Ayon sa singer hindi siya nagkaroon ng “normal college experience” at ibinahagi rin nito sa mga estudyante ang ilan sa kanyang best life hacks.
Congratulations Dr. Swift!
Kinilig ang netizens sa latest Instagram post ng aktres na si Mikee Quintos sa tila outdoor adventure date nila ng aktor na si Paul Salas.
Sa ibinahaging post ng aktres, makikitang nakayakap siya kay Paul Salas habang sakay ng All Terrain Vehicle (ATV).
May caption rin ito na “Halika nga! I luuuuh-miss you.”
At nagreply naman si Paul ng ”Iluhmisshu.”
Matatandaang isinawalat ni Paul kamakailan na may ‘something’ sa kanila ng aktres at nagde-date na sila.
Kinumpirma naman ito ni Mikee at sinabing “enjoying and happily growing” siya.
New showbiz couple alert!
Instagram official na si dating Goin’ Bulilit star Miles Ocampo at Gameboys star na si Elijah Canlas.
Sa isang IG post ni Miles, ibinahagi nito ang ilang highlights ng kanyang birthday, na may caption na, “Birthday 2022. My heart is full. Thank you, Thank you, Thank you.”
Napansin naman ng mga netizens ang iniwang comment ni Elijah sa nasabing post, kung saan sinabi nito ang “About to be the best year yet”.
Sa IG account naman ni Elijah kamakailan, tinukoy nito bilang kanyang “Favorite person in the world” si Miles.
May kalakip rin itong clip kung saan makikita sa Cinema screen ang “Happy Birthday, My Camille,” na totoong pangalan ni Miles.
Mababatid na nagkasama ang dalawa sa 2020 drama series na “Paano ang Pangako?”
Nagreact ang Actor-Model na si Xian Lim matapos ang pagkakalink nito sa aktres na si Barbie Imperial.
Kasunod ito ng kumakalat na litrato ng dalawa na kuha sa lobby ng isang hotel sa Mati, Davao Oriental, kung saan maraming netizen ang kumuwestiyon sa litrato ng dalawa.
Ayon kay Xian, “not guilty” siya sa mga batikos ng netizens dahil wala namang dapat ikaselos ang kaniyang girlfriend na si Kim Chiu.
Iginiit pa ni Xian na siya ay isang boring na tao dahil lagi lamang siyang nasa loob ng kanilang bahay at nagsusulat kaya wala siyang panahon para sa mga marites na wala nang maibalitang isyu.
Sa kabila nito, pinasalamatan ni Xian ang kaniyang taga-suporta na patuloy na naniniwala at nagtatanggol sa kaniya laban sa kaniyang mga bashers.
“Stained by lies, washed by truth, handle with care.”
‘Yan ang tagline ng bagong teleserye na ”Dirty Linen” na pagtatambalan nina Francine Diaz at Seth Fedelin sa unang pagkakataon.
Sa isang instagram post, ibinahagi ni Francine ang kanyang excitement at pasasalamat para sa bagong proyekto.
Ikinatuwa naman ng ”franseth” shippers ang first project ng dalawa, kung saan nag-trending pa sa twitter ang pangalan ng kanilang love team.
Maliban kina Francine at Seth, kabilang rin sa main cast ang aktres na si Janine Gutierrez at kanyang leading man na si Zanjoe Marudo.
Sa ngayon ay wala pang petsa kung kailan ipapalabas ang ”Dirty Linen.”
Umani ng ibat-ibang reaksiyon sa mga netizen ang birthday message ng dancer na si Rayver Cruz sa singer na si Julie Anne San Jose.
Sa naging TikTok post ng Actress-Host na si Diane Medina na isa sa mga imbitado sa birthday celebration ng singer, ipinakita nito ang video kung saan inamin din ni Rayver na kaniyang nililigawan si Julie.
Ayon kay Rayver handa siyang maghintay kahit gaano pa katagal, hanggang sa maging handa na ang puso ng singer maging ang kaniyang mga magulang na pumasok sa isang relasyon si Julie.
Sa ngayon, umabot na sa 1.3-M views, 121.8K hearts at 775 comments ang naturang video.