ENTERTAINMENT

Rumampa sa Gold House Gala sa Los Angeles, California ang aktres na si Liza Soberano at aktor na si James Reid.

Kabilang ang dalawang celebrity sa mga representative ng Pilipinas para sa nasabing event.

Suot ni Liza ang isang black modern filipiniana at sheer black evening gloves, habang si James naman ay naka-black and gold printed suit.

Samantala, nilinaw ng manager ni Liza na si Ogie Diaz, na walang namamagitan sa dalawa, matapos mamataan ang mga ito sa LA kasama ang ilang kaibigan kamakailan.

Paliwanag ni Ogie, nasa US si Liza para sa isang proyekto ngunit hindi na ito nagbigay ng iba pang detalye kaugnay dito.

Nilinaw ng Actor-Model na si Joshua Garcia ang tunay na relasyon nila ng Ateneo Lady Eagles Guard na si Trina Guytingco.

Ito ay matapos kumalat ang usap-usapan na may relasyon ang dalawa dahil sa kanilang ipinopost na larawan sa kanilang IG story noong Marso.

Dahil dito, maraming netizens ang kumuwestiyon kung ano nga ba ang real score ng dalawa.

Ayon sa Aktor, magkaibigan lang sila ng atleta at nagkataon lang na “by partner” ang naganap na selebrasyon sa birthday ni Kathryn Bernardo sa El Nido, Palawan.

Dagdag pa ni Joshua na parehas silang single ni Trina kaya mismong ang kanilang mga kaibigan katulad ni Daniel Padilla ang nagtulak sa kanilang dalawa na maging partner sa birthday celebration ni Kath.

Rumesbak ang singer na si Kyla sa mga netizens na nambatikos sa kaniyang komento tungkol sa Oil price hike at Wage issues.

Say ni Kyla sa kaniyang tweet noong Sabado, ‘sobrang mahal ng gas. Pero yung sweldo ng mga tao ay hindi naman tumataas’.

Bagaman marami ang sumang-ayon, ilan naman ang pumuna sa singer at sinabing wala itong alam sa balita at wala namang mai-aambag sa problema.

Dito na nanggigil ang singer at sumagot na wala siyang pinatutungkulang iba at inihayag lamang ang kaniyang saloobin.

Hindi naman nagustuhan ni Kyla ang trato ng netizens na aniya’y sobrang naging mapanghusga.

Nagbigay ng reaksyon ang aktor na si Joshua Garcia sa no-girlfriend advice ng dati niyang nobya na si Julia Barretto.

 Mababatid na pinayuhan ni Julia si Joshua na huwag munang mag-jowa dahil maaari itong maging sagabal sa gumagandang career nito.

 Sa isang panayam, kinumpirma ng aktor na nagkakausap nga sila ni Julia.

 Say ni Joshua, maraming nangyayari sa kanya ngayon at tila dumarating ng kusa ang trabaho sa kanya.

 Hindi niya rin aniya sinasarado ang sarili sa pagkakaroon ng lovelife at hindi rin aniya kailangang magmadali sa pagkakaroon nito.

 Sinabi pa ni Joshua na kahit hindi na sila ni Julia ay okay pa rin sila dahil lahat naman ng kanyang naging girlfriend ay naging kaibigan niya.

Nagsalita na ang singer na si Angeline Quinto hinggil sa ginagawang pambabatikos ng mga netizen sa Ama ng kaniyang anak at kasalukuyang Boyfriend na si Nonrev Daquina.

Sa naging video vlog ni Angeline, kaniyang sinagot ang mga akusasyon ng mga ‘’Marites’’ ukol sa relasyon nila ng kaniyang non-showbiz Boyfriend.

Pabirong sinabi ng singer na siya mismo ang totoong namemera sa kanilang relasyon at hindi si Nonrev.

Dagdag pa ng aktres na madalas siyang nanghihiram ng pera sa kaniyang Boyfriend noong nagdadalang tao siya at marami umano siyang pinaglilihian pero hindi na ito pinapabayad sakaniya ni Nonrev.

Nilinaw ng aktres na walang moments na namemera ang kaniyang Boyfriend dahil nagbibigayan-bigayan sila sa isat-isa para narin sa kanilang anak na si Baby Sylvio.

Mapapasabi ka na lang ng sana all!

Iyan ang sinabi ng mga netizens matapos kiligin sa desisyon ni Cong Velasquez (Cong TV) na hindi ituloy ang paglipad patungong Vietnam para sa partner nitong si Viy Cortez.

Batay sa vlog ng Team Payaman, pasakay na sanang eroplano si Cong para manood ng SEA Games nang kabahan para sa kaniyang nagdadalang-taong kasintahan.

Dito na niya iniatras ang pagsama sa Team Payaman at umuwi na lang kay Viy na labis na natuwa sa desisyon ng kasintahan.

Marami naman ang na-amaze sa ginawa ni Cong na tila ipagpapalit ang lahat para sa kaniyang minamahal.

Dumagsa kahapon ang ilang kilalang personalidad sa unang gabi ng burol nang namapayapang reyna ng pelikulang pilipino na si Susan Roces.

Kabilang dito si Eddie Gutierrez na paboritong leading man ni Susan, maybahay na si Annabelle Rama at anak na si Ruffa Gutierrez.

Dumating din sina Maricel Soriano, Helen Gamboa-Sotto, Vicente Sotto    III at Sheryl Cruz.

Hindi naman makakauwi ang kapatid ni Susan na nasa Amerika na si Rosemarie Sonora dahil sumasailalim sa cancer treatment ang asawa nito.

Sisimulan ngayong araw ang public viewing sa burol mula alas-10 ng umaga hanggang alas-10 ng gabi sa Heritage Park, Taguig City.

Nagpaabot ng pakikiramay ang Malacañang sa pamilya, mahal sa buhay at malapit na kaibigan nang pumanaw na premyadong aktres na si Jesusa Sonora Poe o mas kilala bilang Susan Roces sa edad na 80.

Para sa Palasyo, isang malaking kawalan ang pagkamatay ni Roces hindi lamang sa local entertainment industry kundi sa lahat ng mga Pilipinong nagmamahal sa tinaguriang Queen of Philippine Movies.

Si Susan ay ang asawa ng namayapang King of Philippine Movies na si Fernando Poe Jr.