Ibinenta ng American singer-songwriter na si Justin Timberlake ang kaniyang buong Music Catalog sa halagang $100-M.
Ito ay ibinenta niya sa Hipgnosis Song Management, isang music-investment company.
Sa loob ng 20 years ni Timberlake ay umabot sa 200 songs ang naisulat nito bilang solo artist at miyembro ng boyband na “NSYNC”
Ilan sa mga pinasikat nitong kanta ay ang Sexy Back, Cry Me A River, Girlfriend at iba pa.
Kinumpirma ng aktres na si Kylie Padilla na may muling nagpapatibok sa kaniyang puso ngayon.
Ayon kay Kylie, nagde-date na rin sila nito.
Pero hindi naman sinabi ng aktres ang buong pagkakakilanlan o detalye kung sino ito.
Matatandaan na noong nakaraang taon, pinagpyestahan ng publiko ang hiwalayan nina Kylie Padilla at asawang si Aljur Abrenica.
Nag-out of town trip ang celebrity couple na sina Ricci Rivero at Andrea Brillantes.
Ito ay upang ipagdiwang ang birthday ng UP Fighting Maroons Star player.
Sa Instagram stories ng dalawa, ibinahagi nila ang video ng isa’t-isa habang patungo sa hindi pinangalanang destinasyon.
Nag-post din si Andrea ng pictures ni Ricci na may caption na “Happy Birthday. I Love You,” na sinagot naman ng binata ng “I Love You.”
Ibinahagi rin ng aktres ang most likely to’ challenge nila ni Ricci sa tiktok, kung saan ilulubog sa pool kung sino ang ”guilty” sa kada tanong.
Umani ng comments ang nasabing video at ilang netizens ang kinilig sa sweetness ng dalawa.
Nananatiling positibo si Diana Mackey matapos mapabilang sa top 40 candidates ng Binibining Pilipinas 2022.
Ayon sa kandidata, deadma siya sa mga mambabatikos sakaniya dahil hindi naman daw ito nakakatulong sa kaniyang mental health.
Sinabi ni Diana na hindi rin siya nagbabasa ng comments sa social media para sakaniyang kalusugan at kapakanan.
Dagdag pa ng beauty queen, excited na siyang ma-experience ang kompetisyon kung saan, gagawin niya ang kaniyang best strategy na mag-enjoy bilang kandidata ng Binibining Pilipinas.
Sa ngayon, nagpapatuloy ang training ni Diana para sa preliminaries at grand coronation night ng Binibining Pilipinas 2022 kung saan, isa sa pinaghahandaan niya nang husto ay ang question-and-answer portion.
Naihatid na sa huling hantungan ang labi ng Queen of Philippine Movie na si Susan Roces sa Manila North Cemetery (MNC) kaninang tanghali.
Alas4:45 ng umaga nang dumating ang funeral convoy ng yumaong aktres sa MNC.
Nabatid na yumao ito noong Mayo 20 sa edad na 80.
Nasa 700 tao naman ang nagpunta sa sementeryo kung saan karamihan sa mga dumalo ay ang kaniyang mga tagahanga.
Ipinabatid naman ng Manila Police District (MP) na nasa dalawang daan ang ipinakalat na tauhan nito para matiyak ang kaayusan ng libing ni Susan Roces.
Ipinakilala ng South Korean Talent Agency na MLD Entertainment bilang miyembro ng isang bagong KPOP group ang dating kapamilya actress na si Chantal Videla.
Ang MLD Entertainment ang agency ng sikat na KPOP group na Momoland.
Ibinahagi ng MLD ang larawan ni Videla bilang bahagi ng female act na ”Lapillus,” na isang latin word na nangangahulugang ”Precious Stone.”
Mag de-debut ang 19-year-old Filipino-Argentinian Artist sa stage name na ”Chanty” sa June 20, kasama ang iba pang miyembro ng grupo na sina Shana, Haeun, Seowon, Yue at Bessie.
Si Chantal ay naging bahagi ng Star Magic Circle batch 2018 at bumida rin sa ilang TV shows gaya ng hiwaga ng kambat” at “Starla” noong 2019.
Para sa mga Kathniel fans… humanda nang kiligin dahil,
“Going strong” ang relasyon nina Kathryn Bernardo at Daniel Padilla kung saan, masaya nilang ipinagdiwang ang sampung taon nilang relasyon.
Sa post ni Kath sa kaniyang Instagram account, kaniyang ibinahagi ang mga larawan kasama si Daniel habang nagbabakasyon sa Chiang Mai, Thailand.
Ayon kay Kathryn, sa kabila ng kanilang busy schedule, ay nakukuha parin nilang maglaan ng oras para sa isat-isa.
Sinabi ng aktres na ini-enjoy nalang nila ang bawat minuto at araw na magkasama sila.
Pinasalamatan din ni Kath si DJ sa pagpapasaya, pagpapakita at pagpaparamdam nito ng pagmamahal sa kaniya.
Good news sa mga Beliebers at fans ng Lany!
Nakatakdang mag-concert sa Pilipinas ngayong taon ang International pop superstar na si Justin Bieber at ang American pop rock band na Lany.
Inanusyo ni Bieber na kabilang ang Manila sa kanyang Justice World Tour, na idaraos sa October 29 sa CCP Open Grounds sa Pasay City.
Nabatid na ito ang unang Global outing ni Justin sa loob ng limang taon matapos ang kanyang Purpose World Tour noong 2017.
Samantala, sa November 2022 naman gaganapin ang concert ng Lany sa Pilipinas para sa kanilang Asia tour.
Ayon sa banda, magco-concert din sila sa Taipei, Bangkok, Kuala Lumpur, Singapore at Jakarta.
Rumesbak ang Actress-Model na si Rhian Ramos laban sa kaniyang mga basher na pilit na nang-ookray sa kaniyang itsura.
Ito ay matapos magbigay ng komento ang isang basher sa isang photo ng aktres na nakapost sa kaniyang Instagram account.
Base sa iniwang komento ng nasabing netizen, “Look-alike ng Aktres si Petrang Kabayo kaya dapat na maghugas na lamang ito ng pinggan.”
Agad namang ni-repost ni Rhian ang iniwang komento ng kaniyang basher kalakip ang maikling video na mala TV commercial ang datingan.
Sa nasabing IG reel, makikitang suot ni Rhian ang black cut-out long dress habang naghuhugas ng kawali sa lababo with matching slow-motion effect kaya lumutang ang kanyang “pang-aakit” scene.
Umani naman ng ibat-ibang reaksiyon sa mga netizen maging sa mga celebrity ang ginawang pambabara ni Rhian sa social media laban sa kaniyang basher.
Pinatutsadahan ni Lolit Solis ang partner ni Angeline Quinto kaugnay sa balak nitong pagpasok sa Showbiz.
Sa Instagram post ni Manay Lolit, sinabi nito na parang tumayo ang kaniyang balahibo nang malaman ang impormasyon.
Tinawag pa nga nitong “Feeling pogi at yummy” ang partner ni Angeline na tila nag i-ilusyon lamang.
Mas mabuti kasi aniyang alamin muna ng lalaki ang industriya bago niya ito pasukin.
Samantala, idinagdag pa ni Lolit na hindi sapat ang pagkakaroon ng anak kay Angeline para pasukin ng lalaki ang Showbiz.