ENTERTAINMENT

Muling pumirma ng kontrata ang Asia’s pop sweetheart na si Julie Anne San Jose sa Universal Records.

Dahil dito ay asahan na ng mga taga-suporta ng Asia’s pop sweetheart ang pagri-release nito ng bagong album ngayong taon.

Ngunit ang tanong ng mga fans nito, mas marami nga bang hugot songs ang aabangan ng kanyang mga taga suporta matapos ang break up nila ng aktor na si Benjamin Alves?

Aminado naman ang singer na marami siyang pinagdaanan noong nakaraang taon kaya’t posibleng maraming hugot ang mga isusulat niyang kanta.

New year’s resolution din anya ni Julie Anne ang mas mapahusay ang kanyang personal na buhay maging ang kanyang tinahak na karera.

Sinorpresa ng singer na si Angeline Quinto ang kanyang driver sa pamamagitan ng pagbibigay dito ng bagong motorsiklo.

Ayon kay Angeline, sinamahan niyang mamili ng motorsiklo ang driver niyang si Kuya Boy na kunwaring para ito sa kamag-anak ng Kapamilya singer.

Nang makapamili ay dito na inabot ni Angeline ang susi ng motorsiklo sa kanyang driver.

Kuwento ni Angeline, ilang buwan niya rin kasing nakikitang nahihirapan si Kuya Boy na mapaandar ang kanyang motor dahil sa madalas itong pumapalya.

Para kay Angeline, simpleng bagay lamang ito para makapagpasaya siya ng tao.

View this post on Instagram

Ilang buwan ko narin nakikitang nahihirapan si Kuya Boy(Ang mahal naming driver) sa pag start ng motor niya, tuwing uuwi siya ng Antipolo, dahil nga daw matagal na, pumapalya na ang makina. Kahapon, sabi ko sakanya, samahan niya kaming bumili ng motor para sa kamag anak ko, siya ang pumili pati kulay at kung anong klaseng motor, ang tagal namin paikot ikot para makapili, hanggang inabot ko sakanya ang susi ng motor niya, ayaw niyang tanggapin kasi alam niya binibiro ko siya. Alam ko rin ang pagod at hirap niya bilang isang Tatay para sa mga anak niya at para sa buong pamilya niya. Sa simpleng bagay na ito sana siya naman ang napasaya namin ❤️❤️❤️❤️❤️ #ThankyouLordforeverything

A post shared by Angeline Quinto (@loveangelinequinto) on Jan 17, 2019 at 5:59pm PST

—-

Itinanggi ng singer-actress na si Miley Cyrus ang mga kumakalat na balitang siya ay buntis na.

Paglilinaw ni Miley, wala pa silang inaasahang baby ng asawang si Liam Hemsworth.

Sa kabila nito, ikinatutuwa ni Miley na marinig at makita na marami ang excited at masaya para sa kanila ni Liam.

Disyembre 23 ng sikretong magpakasal sina Miley at Liam sa kanilang tahanan sa Franklin, Tennessee.

View this post on Instagram

A post shared by Miley Cyrus (@mileycyrus) on Dec 26, 2018 at 12:44pm PST

View this post on Instagram

My love ❤️

A post shared by Liam Hemsworth (@liamhemsworth) on Dec 26, 2018 at 3:03pm PST

View this post on Instagram

Happy birthday to my sweet girl. You’re more precious than ever. So thankful to have you in my life. ❤️

A post shared by Liam Hemsworth (@liamhemsworth) on Nov 23, 2018 at 4:27pm PST

—-

Inamin ngayon ng tambalang Mclise o nina McCoy de Leon at Elisse Joson na hindi na sila magkaibigan matapos ang kanilang break up.

Ayon sa dalawa, tanging sa trabaho na lamang sila nakakapag-usap gaya ngayong ipapalabas ang kanilang pelikula.

Sa kabila nito, umaasa naman sina McCoy at Elisse na maibabalik din sa dati ang nawala nilang pagkakaibigan.

Maliban dito sinabi ni Elisse na handa rin silang bigyan ng second chance ang isa’t isa ngunit hindi pa aniya ito ang tamang pagkakataon o panahon.

Batay sa mga naunang panayam, sinasabing ang pamilya ng dalawa ang dahilan ng kanilang hiwalayan.

—-

Ipagdiriwang ngayong taon ang ika-isandaang taon ng pelikulang Pilipino.

Dahil dito ay magiging mas kaabang-abang ang mga programa ng FDCP o Film Development Council of the Philippines para sa pagdiriwang ng sentenaryo ng Philippine Cinema.

Sinabi ni FDCP chairperson Liza Diño na ang ikatlong pista ng Pelikulang Pilipino na pangunahing programa ng ahensya ang magsisilbing pinaka-opisyal na selebrasyon nito na ilulunsad sa Setyembre 11-17, 2019.

Magugunitang nilagdaan ng pangulo noong nobyembre ng nakaraang taon ang Proclamation Number 622 na idinideklarang centennial year ng phIlippine Cinema ang September 12, 2019 hanggang September 11 ng susunod na taon.

Inamin ng Asia’s songbird na si Regine Velasquez na nagtatanong na sa kanya ang Pinoy Pop Princess na si Sarah Geronimo kaugnay sa pagpapakasal.

Ayon kay Regine, ilang beses na nilang napag-uusapan ang issue ng kasal lalo’t na sa edad na 30 ay nasa marrying age na si Sarah.

Gayunman, nilinaw ni Regine na wala pa namang magaganap na kasalan at kung mayroon man ay tiyak na kukunin siyang ninang ng Pop Princess.

Hindi rin matiyak ng songbird kung engaged na ba si Sarah at longtime boyfriend nitong si Matteo Guidicelli.

Limang taon nang magkasintahan si Sarah at ang kapwa Kapamilya star na si Matteo.

View this post on Instagram

Happy place.

A post shared by Matteo Guidicelli (@mateoguidicelli) on Nov 7, 2018 at 7:32am PST

Engaged na si 2017 Miss Universe Demi-Leigh Nel-Peters sa kanyang kasintahang si Tim Tebow na isang football star player.

Kinumpirma ito ng football star sa kanyang social media account matapos na alukin ng kasal ang kanyang dalawampu’t tatlong taong gulang na beauty queen girlfriend.

Sinabi rin ni Nel-Peters na hindi niya maipaliwanag ang kasiyahang nararamdaman nito.

Gayunman, hangad ng magkasintahan na maging pribado lang ang kanilang relasyon.

Ilang taon na umanong magkasintahan ang dalawa ngunit nitong Agosto lang ng nakaraang taon unang beses na isinapubliko ng dating Miss Universe ang larawan nilang dalawa.

View this post on Instagram

Always magical with @demileighnp! @waltdisneyworld

A post shared by Tim Tebow (@timtebow) on Jan 11, 2019 at 12:01pm PST

Sa unang pagkakataon….kinumpirma na ni Kapuso star Julie Anne San Jose ang break-up nila ng boyfriend na si Benjamin Alves.

Ayon kay Julie Anne, noong nakaraang taon pa sila naghiwalay ng aktor.

Tila hindi naging maganda ang paghihiwalay ng dalawa makaraang aminin ni Julie Anne na hindi na sila mag-kaibigan pa ni Benjamin.

Sa kabila nito, ayos naman na umano ang Kapuso actress at sa ngayon ay nakatuon ang kanyang atensyon sa kanyang career.

Sinabi ni Julie Anne na hindi pa siya handa para sa panibagong love life kaya’t nais muna niyang bigyan ng oras ang kanyang sarili.

View this post on Instagram

thank u, next

A post shared by ᒍᑌᒪIE ᗩᑎᑎE ᔕᗩᑎ ᒍOᔕE (@myjaps) on Nov 10, 2018 at 10:33pm PST

—-

In-unfollow ni Angelica Panganiban sa Instagram ang ex-boyfriend nitong si Carlo Aquino.

Ito ay kasunod ng komento ng isang netizen na palagi umanong nagpo-post si Angelica ng sweet nilang larawan ng aktor gayong hindi naman nagpo-post si Carlo.

Ayon sa naturang netizen, palagi aniyang ganito si Angelica kung saan ay nadedehado nang husto ang aktor.

Sinabi nito na mismong mga fans ni Angelica ang namba-bash at nanghuhusga sa aktor nang wala namang ebidensya.

Naki-usap ang netizen kay Angelica na huwag nang idaan pa sa social media ang mga aktibidad nito lalot kung ano aniya ang ikinadaldal ng aktres ay siya namang katahimik ni Carlo ng tungkol sa kanila.

Kaugnay nito ay humingi ng paumanhin si Angelica sa pagbabahagi ng sweet photos nila ni Carlo at nangako itong lalayuan ang aktor para sa ikatatahimik ng naturang netizen.

Simula aniya ngayon ay wala nang maririnig o makikita sa kanyang mga post na tungkol kay Carlo sabay sa pag-unfollow nito sa aktor.

Sa huli, inamin ng aktres na pagod na siya sa mga ka-‘negahan’ at pakiki-alam ng mga netizen kaya’t sanay masaya na ang mga ito.

View this post on Instagram

Wow. Sa lahat ng na offend ko. Sorry. Hindi ko alam na may issue pala kayo sakin. From now on, hindi na ko mag sasalita. Huling caption ko na po ito. Kasi nakakahiya sa inyong mga nasaktan ko. Tama ka. Madaldal ako. So tatahimik na ko. I will act my age po. Sorry po. Hindi na kayo makakarinig ng kahit na ano sakin regarding carlo. Lalayuan ko na din para hindi na lang ako mahusgahan at hindi na po siya mahirapan sa sinasabi niyong “impact” na ginagawa ko para madehado po siya. Happy po? Thank you. Sana po maintindihan niyo at mapatawad niyo ko. Pagod na din ako sa kanegahan at pakekelam ninyo. Nasaktan na din ako. So tama na.

A post shared by Angelica Panganiban (@iamangelicap) on Jan 8, 2019 at 11:11pm PST