ENTERTAINMENT

Masayang ibinalita ng pamunuan ng Metro Manila Film Festival (MMFF) na naabot nila ang mahigit isang bilyong pisong kita ngayong taon.

Ito ay ang pinagsama-samang kita mula sa walong pelikula ng festival.

Ayon kay MMFF Spokesperson Noel Ferrer, labis nilang ikinatutuwa na sa kabila ng mga masamang panahon at iba pang mga hamon ay marami pa rin ang naglaan ng kanilang oras para manood.

Kasabay nito, pinasalamatan ng pamunuan ng MMFF ang lahat ng mga tumangkilik at patuloy na tumatangkilik sa mga pelikulang Pilipino.

—-

Sinapubliko na ni Kris Aquino sa kanyang Facebook live broadcast na kasalukuyan siyang may kinakaharap na sakit.

Sinabi ni Kris na mayroon siyang isang uri ng lupus.

Matatandaang unang inamin ni Kris na mayroon siyang Chronic Spontaneous Urticaria ngunit hindi naglabas ng iba pang mga detalye kaugnay nito.

Nangako naman ang celebtrity na ia-update ang fans sa kanyang kalagayan at nagpasalamat sa lahat ng mga nagdarasal para sa pagbuti ng kanyang kalusugan.

View this post on Instagram

“Stay strong, make them wonder how you’re still smiling.” i don’t want doctors who have been compassionate towards me to later on be questioned. Before we fly, may i clearly state: i have severe allergies (most dangerous of all my conditions because of anaphylaxis meaning magsasara ang air passages & hindi na ko makakahinga); hypertension (mostly under control except the week before & the first 3 days of my menstrual period); migraines (problematic to treat because of my NSAID allergy); chronic spontaneous urticaria (taking 5 different antihistamines daily, EpiPen on standby & diphenhydramine shots for when “nagmapa na ang hives”); and fibromyalgia. we are flying for more tests to determine why i have symptoms & blood test results seeming to confirm 2 autoimmune disorders SLE (a form of Lupus) and Thyroiditis (no matter the skill of my makeup artists, my right eyeball is protruding, the iris is much bigger and there’s pronounced hollowing in my neck, some of you commented on a previous post that there was a visible lump, i didn’t catch that & blamed myself for not having worn something covering my neck). The problem is the weight loss which runs counter to both conditions because both lupus & hypothyroidism (my blood panel indicates hypo not hyper) should be making me bloat- before writing this i weighed myself, i am 63.5 inches tall (or short)/ 161.3 in cm; i now weigh 113 lbs or 51.25 kilos. My weight had been in the 127 to 135 lbs range (57.6 to 61.2 kilos)- in my work, 120 to 122 lbs (55 kilos) would be ideal. i wrote this because i still vividly recall how courageous my mom was when stage 4 cancer was her diagnosis. i am not typical, and i choose to reveal ALL rather than have half truths & lies spread about me. we are flying to Singapore because i am also doing a drug/medicine challenge test. Everything, especially those needed in any emergency procedure or operation and for post op care, will be tested with an emergency medical team on standby. Only after i get through that will i do my other tests. nothing added & nothing subtracted. #mytruth

A post shared by Kris Aquino (@krisaquino) on Jan 5, 2019 at 10:13pm PST

Sinuspinde ng singer na si Britney Spears ang nalalapit nitong concert sa Las Vegas pati na ang iba nya pang nakapilang trabaho dahil sa pagkakasakit ng kanyang ama.

Sinabi ng singer sa kanyang instagram post na na-ospital kamakailan ang kanyang ama na muntik na niyang ikinamatay.

Dagdag pa nito, kailangan muna niyang magpasya para ituon ang pansin sa pamilya.

Nakatakda sanang magsimula ang bago nitong concert series sa Las Vegas sa ikalabing tatlo ng Pebrero hanggang Agosto.

Nag-sorry ang aktor na si Tony Labrusca sa kanyang Twitter post sa mga opisyal ng Bureau of Immigration.

Ito’y makaraang umani ng batikos sa social media ang mga kwento na gumawa umano ng iskandalo ang aktor habang nasa loob ng NAIA o Ninoy Aquino International Airport.

Inamin ni Labrusca na sumabog ang kanyang emosyon dahil sa pagkadismaya nang bigyan lamang sya ng immigration ng tatlumpung araw para manatili sa Pilipinas.

Napag-alamang wala palang working visa ang aktor para malayang makapagtrabaho sa bansa.

Pinabulaanan ni Labrusca na tinawag nyang stupid ang ilang Immigration officer pati na ang kanyang pagmamayabang bilang isang artista at muling humingi ng paumanhin.

pic.twitter.com/ymxuqBspua

— Tony Labrusca (@tonythesharky) January 4, 2019

Naitala ang mahigit 45 milyong Netflix accounts na nanood ng horror-thriller movie na “Bird Box” sa loob lamang ng isang linggo.

Inanunsyo ito ng Netflix sa kanilang Twitter account.

Nag-iisa pa lamang ang naturang horror-thriller movie na nakapagtala ng nasabing dami ng viewership ayon sa American media-services provider.

Naging maingay rin sa social media ang pelikula dahil sa misteryong nilalaman ng kwento nito.

Umaapela ngayon ng dasal ang mga kaanak at kaibigan ng jazz singer at actor na si Richard Merk matapos itong ma-confine sa ospital at nasa kritikal na kondisyon.

Ayon sa kapatid ni Richard na si Rachel Anne Wolfe, kasalukuyang nasa ICU sa Medical City ang kanyang kapatid at nakikipaglaban sa kanyang buhay.

Bagama’t hindi nito binanggit ang karamdaman ni Richard, kanyang ipinahiwatig na malubha ang sakit ng kapatid at nasa kritikal na kondisyon.

Dagdag pa ni Wolfe, lumalala na ang kalusugan ng kapatid na si Richard at humihina na rin ang mental at emotional health nito.

Patuloy naman aniyang nananalig ang kanilang pamilya na malalampasan ni Richard ang kinakaharap na panibagong pagsubok sa kalusugan nito.

Pinapurihan ni bestselling author Paulo Coelho ang 2009 film na kinatay ni Direk Brillante Mendoza.

Sa Twitter post ng manunulat, tinawag nito ang “Kinatay” na one of the most disturbing movies na kanyang napanood ngayong 2018.

Aniya, napakagaling ng screenplay, direktor at aktor sa naturang pelikula.

Kung ang award winning Hollywood director na si Quentin Tarantino ang siyang gumawa nito ay posible aniya itong mapasama sa shortlist ng Oscar awards.

Ang “Kinatay” ay pelikula ni Coco Martin na gumanap bilang isang criminology student na pumasok sa isang sindikato para kumita para sa kanyang pamilya.

One of the most disturbing movies I watched in 2018 – great screenplay, director, actors. A Filipino movie that, if it was directed by Tarantino, would be shortlisted for the Oscar. pic.twitter.com/78hdk5SoCH

— Paulo Coelho ☮️ (@paulocoelho) December 27, 2018

Humakot ng parangal sa 2018 Metro Manila Film Festival awards night ang LGBT film na “Rainbow’s Sunset”.

Nakuha ng “Rainbow’s Sunset” ang Best Picture habang ang bida ng pelikula na si Gloria Romero naman ang nanalong Best Actress.

Bukod dito, napanalunan din ng direktor ng “Rainbow’s Sunset” na si Direk Joel Lamangan ang Best Director.

Sa kanyang award speech, hindi napigilan ni Direk Joel Lamangan na maglabas ng saloobin kung saan umapela itong huwag lamang isipin ang komersyo sa paggawa ng mga pelikula at sa halip ay irespeto rin aniya ang sining at ang industriya.

Ang iba pang nakuhang parangal ng rainbow sunset ang Best Supporting Actress para kay Aiko Melendez, Best Supporting Actor kay Tony Mabesa, Gat Puno K. Villegas Cultural Award, Special Jury Prize para kay Eddie Garcia, Jury Prize para kay Max Collins, Best Production Design, Best Original Theme Song sa “Awiting Sa’yo” na at Best Screenplay.

Ang “Rainbow’s Sunset” ay kuwento ng isang otsenta’y kuwatro anyos na closet guy na umamin lamang sa kanyang asawa at mga anak ng siya ay senior citizen na para naman maalagaan ang kanyang may cancer na lover.

Nag-uunahan ngayon sa takilya ang pelikulang “Fantastica” ni Vice Ganda at ang “Jak Em Popoy: The Puliscredibles” na pinagbibidahan naman nina Bossing Vic Sotto, Coco Martin at Maine Mendoza.

Ayon kay Metro Manila Film Festival spokesperson Noel Ferrer, naging matagumpay ang unang araw ng 2018 MMFF noong Disyembre 25.

Masaya ring ibinalita ni Ferrer na kanilang maaabot ang target nilang isang bilyong pisong kita para sa lahat ng mga pelikulang kalahok sa MMFF.

Sinabi naman ni Ferrer na bagama’t ayaw na nilang banggitin ang eksaktong kita ng kasalukuyang pinakamalakas na pelikula para na rin maging patas sa lahat, inaasahan na aniya ang pangunguna ng mga pelikula ni Vice Ganda at nina bossing Vic at Coco na nag-aagawan lamang sa puwesto.

Sumunod naman sa dalawa ang pelikula ni Anne Curtis na “Aurora” bagamat medyo malayo aniya ang agwat nito.

Samantala, inaabangan naman mamaya ang MMFF Awards night na gaganapin sa The Theatre sa Solaire sa Pasay City.

View this post on Instagram

Same season. Same place. Same people. Same LOVE. 100Million Thank Yous Madlang People!!!! #Pampanga #Fantastica

A post shared by JoseMarieViceral / Vice Ganda (@praybeytbenjamin) on Dec 26, 2018 at 3:59am PST

Kinumpirma ni US pop star Miley Cyrus ang naging kasal nito sa Australian actor na si Liam Hemsworth.

Sa pamamagitan ng kanyang Twitter account, ibinahagi ni Miley ang sweet photos nila ni Liam sa kanilang ‘secret wedding’ na dinaluhan lamang ng kanilang pamilya at malapit na kaibigan.

Unang nagkakilala ang magkasintahan halos sampung taon na ang nakaklilipas sa set ng pelikulang “The Last Song” na kanilang pinagbidahan.

Matatandaan na makaraan ang naudlot na kasalan matapos ma-engage noong 2012, nakitang muling magkasama ang dalawa noong 2015 kung saan muli nilang inanunsyo ang kanilang wedding engagement.

pic.twitter.com/8CLyL0wjMk

— Miley Ray Cyrus (@MileyCyrus) December 26, 2018

pic.twitter.com/pxZbxVCKMn

— Miley Ray Cyrus (@MileyCyrus) December 26, 2018

10 years later ….. pic.twitter.com/Lm8VD5AVxa

— Miley Ray Cyrus (@MileyCyrus) December 26, 2018