ENTERTAINMENT

Tatlong buwan nang nagdadalantao ang aktres na si Andi Eigenmann.

Sa kanyang Instagram stories, ipinakita ni andi ang kanyang baby bump kung saan ay nakatag dito ang kanyang boyfriend na si Philmar Alipayo na isang professional surfer.

Ayon kay Andi, magkahalong kaba at excitement ang kanyang nararamdaman para sa ikalawa niyang anak.

Ang unang anak ni Andi na si Ellie sa aktor na si Jake Ejercito ay kasalukuyang pitong taong gulang na.

Matatandaang tinalikuran na ni Andi ang showbiz para sa tahimik na pamumuhay sa probinsya.

Handa nang magpakasal si Kathryn Bernardo sa kasintahan nitong si Daniel Padilla.

Ayon kay Kathryn, oo ang kanyang isasagot oras na mag-propose sa kanya ang nobyo.

Gayunman, sinabi ng Kapamilya teen queen na mas nakatuon ang kanilang atensyon ngayon sa kanilang trabaho.

Samantala, ibinahagi ni Kathryn na ang sikreto ng kanilang matibay na relasyon ay ang pagbibigay ng quality time sa isa’t-isa.

—-

Pumanaw na ang Grammy-winning R&B singer at songwriter na si James Ingram.

Ayon sa ulat, binawian ng buhay si Ingram sa edad na animnapu’t anim (66) dahil sa sakit na brain cancer.

Dekada otsenta nang sumikat ang mga kanta ni Ingram kabilang ang duet nito kasama si Patti Austin na “Baby Come to Me”.

Hindi rin makakalimutan ang kanyang mga sikat na kanta na “Just Once” at “Whatever We Imagine”.

Si Ingram ay labindalawang beses ding nanomina sa Grammy’s.

—-

Kinoronahan bilang Miss Intercontinental 2018 ang pambato ng Pilipinas na si Karen Gallman sa ginanap na coronation night sa Mall of Asia Arena sa Pasay, kagabi.

Dinaig ni Gallman ang mahigit walumpung kandidata mula sa iba’t ibang bansa.

Itinanghal namang first runner up ang pambato ng Costa Rica na si Adriana Moya Alvarado at second runner up naman si Laura Longauerova ng Solvak Republic.

Samantala, si Gallman ang kauna-unahang Pinay beauty queen na nakakuha ng titulong Miss Intercontinental.

Tatlong lugar sa Pilipinas ang nais na mabisita ng Korean girl group na Momoland.

Sa ginanap na fan meet-press conference sa Manila, sinabi ng mga Momoland members na nais nilang mapuntahan ang mga lugar ng Boracay, Palawan at Cebu.

Ayon sa grupo, ngayong nakabalik sila dito sa Pilipinas, target nilang mabisita ang tatlong lugar.

Matatandaang unang nagtungo ang Momoland sa bansa noong Agosto ng nagdaang taon.

Pinasikat ng Momoland ang mga kantang Boom Boom at Baam.

Napabilib ang Hollywood actress na si Drew Barrymore sa talento at galing ng TNT boys na kabilang sa mga tampok sa upcoming CBS reality show na “The World’s Best”.

Sa kanyang Instagram account, sinabi ni Drew na nadala siya nang husto sa performance ng TNT boys na kumanta ng listen ni Beyonce.

Saad pa ng Hollywood actress, kakaibang talento at galing aniya ang taglay ng TNT boys na kinabibilangan nina Keifer Sanchez, Mackie Empuerto, at Francis Concepcion.

Samantala, ang ‘concert queen’ naman na si Pops Fernandez ang kinatawan ng bansa at magiging bahagi ng 50 global experts na uupo sa front seat ng “The World’s Best”.

View this post on Instagram

I’m thrilled to be a judge on @theworldsbestcbs alongside @faithhill @rupaulofficial and our fearless leader @j_corden ! This show is overflowing with talent from around the world Here’s a sneak peek exclusive clip of what’s to come – I can’t wait for you all to see it!!!! Airing after the Super Bowl on Feb. 3rd @cbstv ♥️ This performance from @thetntboys was so incredible #WorldsBest

A post shared by Drew Barrymore (@drewbarrymore) on Jan 24, 2019 at 10:24am PST

Inamin ng aktor na si Arjo Atayde na exclusively dating na sila ngayon ng phenomenal star na si Maine Mendoza.

Ito ay matapos ng ilang buwang pananahimik nina Arjo at Maine sa tunay na estado ng kanilang relasyon simula nang umugong ang balitang nagkakamabutihan na ang dalawa.

Nang tanungin ang aktor, direktang sinabi ni Arjo na hindi pa sila ni Maine pero exclusively dating sila.

Paglalarawan pa ni Arjo, maituturing niyang nasa pinakamasaya siyang estado ng kanyang buhay sa ngayon at dahilan nito ay si Maine.

Gayunman, hindi na nagbigay pa ng kabuuang detalye si Arjo kung paano at kailan sila unang naging malapit sa isa’t isa ni Maine.

Magugunita namang nakasama si Arjo sa pelikulang Jack Em Popoy kung saan isa si Maine Mendoza sa lead cast.

—-

Nakalaya na ang Hollywood singer na si Chris Brown at dalawa nitong bodyguards matapos na akusahan ng panggagahasa.

Sinabi ni Brown na pawang kasinungalingan lamang ang akusasyon ng 24-taong babae sa kanya.

Pambabastos aniya ito sa kanyang anak na babae maging sa kanyang buong pamilya at paninira sa kanyang pagkatao.

Gayunman, nilinaw ng prosecutor’s office sa Paris na hindi pa nila isinasara ang naturang reklamo ng babae sa Hollywood singer.

—-

Ibinunyag ng aktres na si Janine Gutierrez kung sino ang kanyang dream leading man.

Ito’y dahil sa upcoming Kapuso series ni Janine na pinamagatang “Dragon Lady” kung saan ay makakasama niya na sa wakas ang kanyang pinapangarap na makatambal na si Tom Rodriguez.

Harap-harapan itong sinabi ng aktres na ikina-speechless ni Tom.

Kakaiba ang magiging role ngayon ng dalawa na kapwa excited sa kanilang pagbibidahang teleserye.

—-