Nagpositibo sa COVID-19 ang gobernador ng Catanduanes na si Joseph Cua, maging ang maybahay nito.
Ayon kay Cua, magpapatuloy ang operasyon ng kanyang tanggapan dahil maaari naman aniya syang magtrabaho online habang sya ay naka-quarantine.
Lahat din aniya ng mga empleyado sa kanilang tanggapan, maging ang kanyang pamilya, ay nagpa-test na at negatibo sa virus.
Gayunman, pansamantala munang isasara sa publiko ang main building ng kapitolyo upang bigyang daan ang disinfection sa gusali ngayong Miyerkules.
