Nasa bansa umano ngayon ang casino junket operator na si Weikang Xu na sinasabing nakakubra ng malaking halaga mula sa 81 million dollars na ninakaw mula sa Bangladesh Bank.
Ayon kay Senador Serge Osmeña, base ito sa impormasyon na nakarating sa kanila.
Ipinabatid ni Osmeña na hiningi na nila ang tulong ng National Bureau of Investigation (NBI) para mahanap si Xu.
Matatandaang si Weikang Xu ay kasama sa kinasuhan ng money laundering ng Anti-Money Laundering Council o AMLC at isa rin ito sa pinahaharap sa senate hearing.
By Meann Tanbio | Cely Bueno (Patrol 19)
