Isinasapinal na ng Philippine Drug Enforcement Agency o PDEA ang case build up laban sa ilang showbiz personalities, TV hosts at anak ng ilang kilalang personalidad na dawit sa operasyon ng iligal na droga.
Ayon kay PDEA Director General Aaron Aquino nakuha nila ang pangalan ng mga naturang personalidad sa Indian national na nahuli nila sa loob ng isang exclusive village sa Alabang, Muntinlupa City.
Nakuha mula kay Rajiv Gidwani ang ilang party drugs, marijuana at shabu at umamin itong supplier siya ng droga sa ilang celebrities.
Tiniyak ni Aquino na walang sasantuhin ang kanilang operasyon laban sa iligal na droga.
—-
