Binigyang diin ni Retired Supreme Court Senior Associate Justice Antonio Carpio na tinanggap lamang niya ang hamon ng Pangulong Duterte na makipagdebate sa kanya upang maunawaan ng mga tao ang usapin sa West Philippine Sea (WPS).
Ito ay kasunod ng pag-atras ng Pangulong Rodrigo Duterte sa hamon nitong debate kay Carpio at pag-atas kay Presidential Spokesperson Harry Roque bilang kanyang kahalili sa isasagawang debate na siya namang hindi tinanggap ni Carpio.
Kaugnay nito, nag-trending naman sa social media ang #DuterteDuwag na umani ng 27.8K tweets ala-6 ng gabi nitong Biyernes.
Samantala, dinepensahan naman ni Senador Ronald ‘Bato’ Dela Rosa si Pangulong Duterte.
Pwede rin tayong mag-hashtag na duwag si Carpio dahil ayaw nya lumaban kay Roque. Ganun lang yun kung ayaw ni Presidente mag-stoop down sa level ni Carpio bakit mo pipilitin, Presidente ng bansa ‘yan e, bakit ka makikipagdebtate anong makukuha mo diyan? Gusto man ni Presidente na makipagdebate kung ayaw ng gabinete inadvise-an siya huwag ka mag-stoop down sa level ni Carpio.” wika ni Senador Bato Dela Rosa sa panayam sa Usapang Senado .
