Sinibak na sa puwesto ang hepe ng Carmona Police sa Cavite.
Ito ay matapos makunan ng video si Chief Inspector Jigger Noceda habang tino-torture ang isang suspek sa pagnanakaw ng cellphone.
Ayon sa ulat, isang CD ang natanggap ni Cavite Police Provincial Director Jonnel Estomo mula sa isang concerned citizen na nagpapakita kay Noceda na may hawak na tabla at pinapalo ang kamay ng suspek para paaminin sa pagnanakaw.
Sinasabing nangyari ang naturang pananakit noong Enero at hindi rin naman nakasuhan ang suspek.
Dahil dito, posibleng maharap si Nocedo sa kasong grave misconduct at paglabag sa Anti-Torture Act of 2009.
By Ralph Obina
