Itinaas sa Alert Level 1 ang alert status ng Bulkang Pinatubo sa Cental Luzon dahil sa patuloy na pagiging abnormal ng kondisyon at mga aktibidad nito.
Ito, ayon sa PHIVOLCS, ay mula sa Alert Level 0 o normal status nito.
Bagaman wala pang napipintong pagsabog ng bulkan ay nagbabala naman ang ahensya sa publiko na lubhang mag-ingat o di kaya ay iwasan na ang paglapit sa Pinatubo Crater area.
Pinaghahanda rin ng PHIVOLCS ang mga komunidad at lokal na pamahalaan malapit sa Pinatubo na maghanda sa posibleng maranasang mga pagyanig at iba pang volcanic hazards.
Samantala, sa ngayon ay umabot na sa 1,722 “imperceptible earthquakes” ang naitala ng PHIVOLCS sa bulkan mula noong ika-20 ng Enero ngayong taon.
Alert status ng Mount Pinatubo sa Central Luzon, itinaas sa Alert Level 1 (Low-level Unrest) mula sa Alert Level 0 (Normal) | via @phivolcs_dost https://t.co/pnot0mtkwg
— DWIZ Newscenter (@dwiz882) March 3, 2021