Nakararanas ng kakapusan sa budget ang Russia matapos palakasin ng mga otoridad ang defense spending sa gitna ng pag-atake ng Moscow sa Ukraine.
Ayon kay Finance Minister Anton Siluanov, umabot sa 3.3 trillion rubles na katumbas ng 47 billion dollars o 2.3% ng Gross Domestic ang deficit ng Russia.
Dagdag pa ni Siluanov, kumpara noong 2021 kung kailan nagkaroon ng budget surplus ang Russia ay tumaas ang state spending nito ng mahigit 6 million rubles dahil layunin ng pag-gastos ang matulungan ang populasyon.
Naglaan naman ng pondo ang Gobyerno ng Russia upang suportahan ang mga pamilya ng militar na lumalaban sa Ukraine at pati na rin ang mga kumpanyang nadamay sa partial military mobilization na ipinatupad noong Setyembre 2022.
Samantala, tinayang aabot sa 2% ng GDP ang deficit ng Russia para sa taong 2023. —sa panulat ni Hannah Oledan
