Tatangkain ng Philippine National Police (PNP) na iangat ang bubong ng nasunog na Kentex Manufacturing sa Valenzuela, kung saan pinaniniwalaang naipit ang iba pang biktima.
Ayon kay Police Sr. Supt. Emmanuel Aranas, ito ay dahil mayroon pang dalawang pamilya na naghahanap ng kanilang mga kaanak.
Sinabi ni Aranas na batid nilang mapanganib ang kanilang gagawin, dahil sinabi ng Engineering Office ng lungsod na marupok na ang istraktura, subalit kanila pa din itong tatangkain, upang matuldukan na ang paghahanap at pagkilala sa mga biktima.
By Katrina Valle | Chris Barrientos (Patrol 21)
