Pinagpapaliwanag ni RCBC President at CEO Lorenzo Tan ang isa sa kanilang branch manager hinggil sa pagkakasangkot umano sa $81 million international money laundering scheme.
Ayon kay Atty. Francis Lim, abogado ni Tan, dapat pagpapaliwanagin ni Atty. Ferdinand Topacio, abogado ni RCBC Jupiter, Makati Branch Maia Santos-Deguito, ang kanyang kliyente sa akusasyon ni William Go ng centurytex trading.
Magugunitang inakusahan ni Go si Deguito na nagbukas ng kanyang bank account nang walang permiso at nameke ng kanyang mga pirma.
Kinastigo rin ni Lim si Deguito sa pagdawit nito kay tan sa international money laundering scheme subalit binaligtad nito ang kanyang naunang pahayag.
Una ng lumabas ang ulat na ninakaw ng mga computer hacker ang milyun-milyong dolyar na account ng Bangladesh Central Bank na naka-deposit sa Federal Reserve Bank of New York sa U.S. at inilipat sa mga bank account sa Pilipinas at Sri Lanka.
By: Drew Nacino
