Aabot sa 100 kabahayan ang nadamay sa isang sunog na nagmula sa isang warehouse sa Barangay Rosario Pasig City.
Tinupok ng apoy ang isang bodega ng mga laruan sa pagitan ng Jenny’s Avenue at Westbank Road.
Ayon sa Pasig City Fire Station, nagsimula ang sunog bandang alas-7:20 ng kagabi at agad itong iniakyat sa ika-apat na alarma matapos lamang ang 18 minuto.
Ganap na alas-8:20 ng gabi ay itinaas na ang sitwasyon ng sunog sa ika-limang alarma.
Halos anim na oras nagtagal ang nasabing sunog bago tuluyan itong naapula.
Nagtala naman ng tatlong sugatan bunsod ng nasabing insidente.
Patuloy naman ang imbestigasyon ng mga awtoridad kaugnay sa sanhi ng sunog.
Posted by: Robert Eugenio