Halos 100 na ang nasawi habang nasa 245 ang nasugatan sa dalawang magkasunod na pambobomba sa Ankara, Turkey.
Nasa kalagitnaan ng peace rally ang daan-daang miyembro ng Kurdish Separatist Party nang sumabog ang mga bomba malapit sa isang train station.
Bagaman wala pang umaako sa mga pambobomba, kumbinsido ang turkish government na ISIS ang nasa likod ng pag-atake lalo’t aktibo ang turkey sa anti-terrorist campaign sa Syria.
Tiniyak naman ng mga otoridad na mananagot ang sinuman o anumang grupo na nasa likod ng pagpapasabog na pinaka-malalang terrorist attack sa Turkey sa nakalipas na 9 na dekada.
By: Drew Nacino
