Muling binuhay ng Colombia at Venezuela ang kanilang diplomatic relations sa isang tectonic shift sa South American Regional Politics.
Nabatid na nakipagpulong si Colombian ambassador Armando Benedetti noong Lunes kay Venezuelan Authoritarian leader Nicolas Maduro sa Miraflores Presidential Palace sa Caracas, Venezuela upang talakayin ang kahalagahan ng muling pagtatag ng pagkakaibigan sa pagitan ng dalawang bansa.
Samantala, nakatakda ding makipagpulong si Venezuelan ambassador to Colombia Felix Plasencia kay Colombian president Gustavo Petro sa mga susunod na araw hinggil sa naturang usapin.
Matatandaang nagkaroon ng lamat ang relasyon ng dalawang bansa noong 2019 nang kinilala ni dating Colombian president Ivan Duque ang lider ng oposisyon na si Juan Guaiado bilang lehitimong Head of State ng Venezuela.
Ang muling pagbuhay sa relasyon ng dalawang bansa ay isa sa mga ipangako ni Petro noong nangangampanya pa lamang ito bago manungkulan noong Agosto a-7 na unang left-wing president ng bansa. —sa panulat ni Hannah Oledan
