Inamin ni Baguio City Mayor Benjamin Magalong na tumataas na ang bilang ng nagkakaroon ng respiratory illness sa syudad kasunod ng tumitinding lamig.
Matatandaang kahapon ay bumagsak sa 10.6 ang temperatura sa syudad.
Ayon kay Magalong, maging siya ay kinakailangang mag nebulize at uminom ng gamot ngayon dahil inaatake na siya ng kanyang sakit sa malamig na panahon.
Sa kabila naman ng banta 2019 novel coronavirus at mga respiratory illness sa syudad, siniguro ni Magalong na sapat ang suplay ng facemask sa summer capital.
