Mapapabilang na sa proposed 2023 budget ang Libreng-Sakay program ng Department of Transportation (DOTr).
Ayon kay Senator Grace Poe, nakatutok si Senator Sonny Angara sa ayuda ng mga tsuper, operator ng PUV at tricycle.
Dahil dito, may posibilidad umano na mapalawig ang programa hanggang sa susunod na taon.
Matatandaang inihayag ng Department of Transportation (DOTr) na humiling sila ng P12-B na pondo para sa pagpapatuloy ng Libreng-Sakay sa mga mananakay.
Samantala, makatatangap ng one-time payout at lingguhang bayad ang mga PUV operators at drivers na kabilang sa programa. —mula sa panulat ni Jenn Patrolla
