Patuloy na maniwala at lumapit sa Diyos kahit hindi nito tinutupad ang ating mga panalangin.
Ito ang panawagan sa publiko ng isang parochial vicar ng Minor Basilica o Quiapo Church kasunod na unang Saturday morning mass ngayong araw.
Payo ni Reverend Father Hans Magdurulang sa mga debotong maagang nagtipon sa Quirino Grandstand, dumalo sila sa iba’t ibang aktibidad ng simbahang katoliko hindi lang para sa kanilang personal na panalangin.
Sa halip, magtipon din anila ang mga mananampalataya dahil marami silang dapat ipagpasalamat.
Samantala, sinasalamin din ni Magdurulang ang ebanghelyo tungkol sa unang himala ni Hesukristo ayon sa paniniwalang Katoliko.
Dapat aniyang sundin ng mga deboto ang payo ni Maria, dahil sinabi niya sa mga tao sa kasal na sundin lamang ang mga utos ni Kristo Jesus.
Sa ngayon, bagaman hindi pa pinapayagan ang tradisyunal na Traslacion o ang prusisyon ng imahe ng Itim na Nazareno dahil sa COVID-19, inaasahan ng mga awtoridad na mas maraming tao ang dadagsa sa Quiapo Church sa mga susunod na araw.
