Aabot na sa mahigit 11,000 ang bilang ng mga sumukong miyembro at supporters ng New People’s Army mula Enero 1 hanggang Disyembre 26, taong kasalukuyan.
Ayon kay AFP Public Affairs Office Chief Noel Detoyato, kabilang sa mga ito ay mga regular na kasapi ng NPA, militar ng bayan operatives, sangay ng partido sa lokalidad, underground mass organization members at iba pa na pawang mga itinuturing na taga-suporta ng mga komunista.
Maliban dito, ayon kay Detoyato, 120 naman ang napatay habang 196 ang naaresto.
Dagdag pa ng opisyal, nakakumpiska rin sila ng mga matataas na kalibre ng baril at low-powered firearms sa mga operasyon.
