Umaabot na sa 63 ang bilang ng mga Pilipinong nag positibo sa coronavirus disease 2019 (COVID-19) sa ibat ibang bansa.
Ayon kay Health Assistant Secretary Rosario Vergeire, 59 dito ay mula sa MV Diamond Princess, dalawa sa Hong Kong, at isa sa Singapore.
Tuluy-tuloy ang verification ng Department of Health (DOH) sa report na isang Pinoy ang nag positibo sa COVID-19 sa South Korea.
Mahigpit naman ang pagbabantay ng mga opisyal ng Embahada at Konsulada ng Pilipinas sa mga Pinoy na apektado ng nasabing sakit.
Nananatili namang walang Pinoy na tinamaan ng COVID-19 sa Pilipinas dahil ang tatlong naitalang kaso ng nasabing sakit ay pawang Chinese nationals.
