Asahan na ang mas mababang singil sa kuryente ng Manila Electric Company (MERALCO) ngayong Hunyo.
Ayon kay MERALCO Spokesman Joe Zaldarriaga, posibleng maglaro sa pagitan ng P0.15 hanggang P0.20 kada kilowatt hour ang mababawas sa singil sa kuryente.
Ito ay dahil sa pagbaba ng generation charge na bunga ng pagbaba ng presyo ng coal at liquid fuel na ginagamit na pang gatong sa power plants.
Bago rito, una nang inaprubahan ng ERC ang P0.04 dagdag singil ngayong buwan dahil sa pass thru charges na ipinapataw ng MERALCO.
By Rianne Briones
