Ipinauubaya na ng Palasyo sa economic managers ng pamahalaan ang pagbabalangkas hinggil sa percentage ng tax relief para sa mga manufacturers ng medical oxygen.
Ito ay kasunod ng pahayag ni Pangulong Rodrigo Duterte na hihilingin niya sa kongreso na bigyan ng bawas sa tax ang oxygen tank manufacturer sa gitna ng mataas na pangangailangan dito bunsod ng pagsirit ng COVID-19 sa bansa
Binigyang-diin pa ni presidential spokesperson Harry Roque, ang naturang tax relief ay pang-hikayat ng kumpanya upang makapag-supply ang mga ito ng mas maraming medical oxygen na kakailanganin ng bansa sakaling sumipa ang mga kaso ng delta variant.
Sinabi pa ng kalihim na wala pang eksaktong percentage na nabanggit ang Pangulo ukol sa tax relief.
Samantala, naniniwala ang Malakanyang sa kooperasyon ng ehekutibo at kongreso na mapapabilis naman ang pagpapasa ng naturang batas.
