Batangas Solon pinapurihan ang all out drug war ng Pangulong Duterte

Pinuri ni Deputy Speaker Raneo Abu ang all out war ng Pangulo laban sa iligal na droga na nagbunsod ng malaking pagbagsak sa drug market at crime rate.

Sa kanyang talumpati sa 13th Meeting of the ASEAN Parliamentary Assembly Fact Finding Committee para labanan ang drug menace, sinabi ni Abu, pinuno ng delegasyon ng bansa na nalansag ng Pangulo ang 9 na illegal drug laboratories.

Sinabi ng Batangas solon na nakumpiska ng pamahalaan ang may P13b Pisong halaga ng iligal na droga at P19B pisong halaga ng mga ebidensya.

Ayon pa sa kongresista na boluntaryo ding sumuko ang mahigit na 1.3 milyong drug users na nasa ilalim na ngayon ng rehabilitasyon.

Tinukoy niya na mula Hulyo 1, 2016 hanggang Hunyo 13, 2017 nabuwag ng pamahalaan ang 9 na laboratoryo, nakumpiska ang mahigit na dalawang libong kilo ng shabu na nagkakahalaga ng mahigit na P12B Piso.

Dagdag pa niya na matapos ang mga operasyon kontra droga at pagsuko ng mahigit na isang milyong drug users, bumaba ng 30 porsyento ang crime rate sa bansa.

By: Meann Tanbio

Comments

comments