Mariing kinokondena ni Basilan Rep. Mujiv Hataman ang naganap na pamamaril kay dating Lamitan City mayor Rose Furigay kasama ng dalawang iba pang nasawi at ikinasugat ng dalawa pang indibidwal sa gitna ng graduation ceremony kahapon sa Ateneo De Manila University.
Ikinalungkot ni Hataman ang nangyaring insidente kung saan, ang dapat sana’y masayang Commencement Exercise o pagtatapos ng mga mag-aaral ay nasira dahil sa karahasan.
Dahil dito, umapela si Hataman sa mga otoridad na alamin kung sino ang mastermind sa krimen para agad na maibigay ang hustisya sa pamilya ng mga nasawing biktima.
Nagpaabot naman ng pakikiramay si Hataman partikular na sa pamilya Furigay at dalangin ang mabilis na paggaling at pagbangon mula sa naganap na trahediya.
