Kinondena ng Pilipinas ang inilunsad na ballistic missile attacks ng mga Yemen Houthi Rebel laban sa Saudi Arabia.
Ayon kay Foreign Affairs Secretary Alan Peter Cayetano, hindi lamang mga Saudi ang namemeligro sa serye ng missile attack kundi maging ang halos isang milyong Filipino na nagta-trabaho sa naturang kaharian.
Sa kabila nito, nagpasalamat si Cayetano sa gobyerno ng Saudi sa pagtitiyak na ligtas ang mga pinoy partikular sa kabisera na Riyadh.
Martes nang puntiryahin muli ng missile ng mga rebelde mula sa Yemen ang Riyadh subalit agad itong na-intercept bago pa man tumama sa kabisera.
