Nakatakda nang i-anunsyo ng Pangulong Noynoy Aquino sa mga susunod na araw ang napiling bagong Philippine National Police (PNP) Chief.
Ipinabatid ito ni Department of Interior and Local Government (DILG) Secretary Mar Roxas kasunod na rin nang pagreretiro sa July 11 ni PNP-OIC Chief Deputy Director General Leonardo Espina.
Sinabi ni Roxas na nakausap na ng Pangulo ang ilang kandidato sa pagka-PNP Chief tulad nina Police Deputy Director General Marcelo Garbo, Deputy PNP for Operations Police Director Ricardo Marquez at Police Director Danilo Constantino.
Ang itatalaga aniyang bagong hepe ng PNP ay magtatagal sa kaniyang puwesto.
By Judith Larino | Cris Barrientos (Patrol 21)
